Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

ଆତଙ୍କବାଦୀଙ୍କ ସହ ଲଢେଇ କରି ସହିଦ ହୋଇଥିଲେ ସେନା ଅଫିସର, ବର୍ଷେ ପରେ ପତ୍ନୀ ସେନାରେ ଯୋଗ ଦେବାକୁ ଯାଉଛନ୍ତି

18/02/2020 at 7:26 PM

 ଡେରାଡୁନ୍ ୧୮।୦୨- ଦେଶ ପାଇଁ ସ୍ୱାମୀ ହୋଇଥିଲେ ସହିଦ । ଏବେ ପତ୍ନୀ ବି ଦେଶ ସେବା ପାଇଁ ହୋଇଛନ୍ତି ଯୋଗ୍ୟ । ସେନାରେ ସାମିଲ ହେବାକୁ ଦେଇଥିବା ପରୀକ୍ଷାରେ ସଫଳତା ଅର୍ଜନ କରିଛନ୍ତି । କେବଳ ମେରିଟ ଲିଷ୍ଟକୁ ଅପେକ୍ଷା । ଆମେ ଏଠାରେ କହୁଛୁ ୨୮ ବର୍ଷୀୟା ନୀତିକା କାଉଲଙ୍କ କଥା । ଦିବଙ୍ଗତ ସେନା ଅଧିକାରୀ  ମେଜର ବିଭୂତି ଶଙ୍କର ଧୌନଦିଆଲଙ୍କ ପତ୍ନୀ ନୀତିକା ଏବେ ତାଙ୍କ ସ୍ବାମୀଙ୍କ ଭଳି ଦେଶର ସେନାବାହିନୀରେ ଯୋଗ ଦେବାକୁ ଯାଉଛନ୍ତି । କିନ୍ତୁ ଏଥିରେ ବିଶେଷତ୍ୱ ଏହିକି , ବିବାହର ମାତ୍ର ବର୍ଷକ ଭିତରେ ସ୍ବାମୀଙ୍କୁ ହରାଇଥିବା ନୀତିକା , ପାଦେ ପାଦେ ବିପଦ ଜାଣି ବି ସେନା ବାହିନୀରେ ସାମିଲ ହେବାକୁ ଯାଉଛନ୍ତି ।

ଗତ ବର୍ଷ ଫେବୃଆରୀରେ କାଶ୍ମୀରର ପୁଲୱାମାରେ ଜୈଶ-ଇ-ମହମ୍ମଦ ଆତଙ୍କବାଦୀଙ୍କୁ ମୁକାବିଲା କରୁଥିବା ବେଳେ ହିଁ ସହିଦ ହୋଇଥିଲେ ମେଜର ବିଭୂତି ଶଙ୍କର ଧୌନଦିଆଲ । ତାହାର ମାତ୍ର ୧୦ ମାସ ପୂର୍ବରୁ ଅର୍ଥାତ୍ ୨୦୧୮ ଏପ୍ରିଲ୍‌ରେ ହିଁ ନୀତିକାଙ୍କୁ ବିବାହ କରିଥିଲେ ମେଜର ଧୌନଦିଆଲ । ବିଚରା ନୀତିକା କାଉଲ , ବିବାହକୁ ଠିକ୍‌ଭାବେ ବୁଝିଭା ଆଗରୁ ହୋଇଯାଇଥିଲେ ବିଧବା । କିନ୍ତୁ ସେ ଏବେ ନେଇଥିବା ପଦକ୍ଷେପ , ଅନ୍ୟମାନଙ୍କୁ କେବଳ ଆଶ୍ଚର୍ଯ୍ୟ କରିନି ପ୍ରଶଂସା ନକରିବାକୁ କିଛି ବି କିନ୍ତୁ ପାଇନି ।

 କାଶ୍ମୀର ବାସିନ୍ଦା ନୀତିକା କାଉଲ ସେନାରେ ଚାକିରି ପାଇଁ ଉଦ୍ଦିଷ୍ଟ ସର୍ଟ ସର୍ଭିସ କମିସନ  (ଏସଏସସି)ର ଲିଖିତ ପରୀକ୍ଷା ଏବଂ ଇଣ୍ଟରଭିଉରେ ସଫଲତାର ସହ ଉତ୍ତୀର୍ଣ୍ଣ ହୋଇଛନ୍ତି । କେବଳ ମେରିଟ ଲିଷ୍ଟକୁ ଅପୋକ୍ଷା । ମେରିଟ ଲିଷ୍ଟ ବାହାରିବା ପରେ ସେ ସେନାରେ ଜଣେ କ୍ୟାଡେଟ ଭାବେ ଯୋଗଦେବେ । ତାଙ୍କ ନୂତନ ନିଯୁକ୍ତି ନେଇ ବେଶ୍ ଉତ୍ସାହିତ ନୀତିକାଙ୍କ ପ୍ରତିକ୍ରିୟା ମଧ୍ୟ ହୃଦୟକୁ ଛୁଏଁ । ଏପରି ଏକ ବିରଳ ସାହସୀକ ପଦକ୍ଷେପ ନେଇ ସେନାରେ ଯୋଗଦେବାକୁ ଯାଉଥିବା ନୀତିକା କୁହନ୍ତି, ଏହା ହିଁ ତାଙ୍କ ସହୀଦ ସ୍ବାମୀଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳୀ ଏବଂ ସମ୍ମାନ ।

ନୀତିକା  ଏବେ ବି ଜଣେ କର୍ମଜୀବୀ ମହିଳା । ଦିଲ୍ଲୀରେ  ନିଜ ବାପ-ମାଆଙ୍କ ସହ ରହୁଥିବା ନୀତିକା ଏକ ବହୁ ଦେଶୀୟ କମ୍ପାନୀରେ ଚାକିରି କରନ୍ତି । କିନ୍ତୁ  ଦିବଙ୍ଗତ ସ୍ବାମୀଙ୍କ ପ୍ରତି ତାଙ୍କ ର ପ୍ରେମ ଓ ସମ୍ମାନ କେତେ ତାହା ପ୍ରମାଣ କରେ ତାଙ୍କ ସେନା ଚାକିରି । କମ୍ପାନୀ ଚାକିରି ଛାଡି ଏବେ ସେନାରେ ଯୋଗଦେବାକୁ ଯାଉଥିବା ନୀତିକା ନିଜ ଦିବଙ୍ଗତ ସ୍ବାମୀଙ୍କ ଭଳି ଜଣେ ଦକ୍ଷ ଓ ଭଲ ସେନା ଅଫିସର  ହେବା ଚାହାନ୍ତି । ସେନାରେ ସାମିଲ ହେବାର ନିଷ୍ପତ୍ତି , ଏସଏସ୍‌ସି ପରୀକ୍ଷା ଦେବା  ଆଦିର ଅନୁଭୂତି କହିବା ବେଳେ ବେଶ୍‌ ଭାବପ୍ରବଣ ହୋଇଥିଲେ ବି ନୀତିକା ତାଙ୍କ ଦିବଙ୍ଗତ ସ୍ୱାମୀ ( ସେ ବିଭୂ  ବୋଲି ସମ୍ବୋଧିତ କରନ୍ତି ) ଙ୍କର ଏପରି ଇଚ୍ଛା ଥିଲା ବୋଲି ମଧ୍ୟ କହିଛନ୍ତି । ଗତ ସେପ୍ଟେମ୍ବରରେ ସେ ଏପରି ନିଷ୍ପତ୍ତି ନେଇ ପରୀକ୍ଷା ଦେଇଥିଲେ । ସାବାସ ନୀତିକା ।  ପ୍ରକୃତରେ ସେ ସାଲ୍ୟୁଟ୍‌ର ହକଦାର ।

   Related Posts