Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

କରୋନା ସଙ୍କଟ ସମୟରେ ଲୋକଙ୍କ ସହାୟତା ପାଇଁ ଟ୍ରେଜେରି ଖୋଲି ଦେଇଛନ୍ତି ନିତା ଅମ୍ବାନୀ : ବିଶ୍ୱର ଶ୍ରେଷ୍ଠ ଦାନୀ ତାଲିକାରେ ଜଣେ ମାତ୍ର ଭାରତୀୟ

21/06/2020 at 6:43 PM

ମୁମ୍ବାଇ ୨୧/୦୬ : କରୋନା ଭାଇରସରୁ ଲୋକଙ୍କ ଜୀବନ ବଞ୍ଚାଇବା ପାଇଁ ନିତା ଅମ୍ବାନୀ ଦୁନିଆର ପ୍ରମୁଖ ସମାଜସେବୀଙ୍କ ତାଲିକାରେ ସାମିଲ ହୋଇଛନ୍ତି | ଆମେରିକାର ପ୍ରତିଷ୍ଠିତ ମାଗାଜିନ ଟାଉନ ଆଣ୍ଡ କଣ୍ଟ୍ରିର ୨୦୨୦ ପାଇଁ ଜାରି ହୋଇଥିବା ଏହି ତାଲିକାରେ ନିତା ଅମ୍ବାନୀ ଜଣେ ହିଁ ଭାରତୀୟ ସମାଜସେବୀ | ସେ ରିଲାଏନ୍ସ ଫାଉଣ୍ଡେସନର ମଧ୍ୟ ନେତୃତ୍ୱ ନେଇଛନ୍ତି |

ଲକଡାଉନ ସମୟରେ ସେ ସମାଜର ବିଭିନ୍ନ ବର୍ଗ ପାଇଁ ରିଲିଫ କାର୍ଯ୍ୟ, ଗରିବଙ୍କୁ ଖାଦ୍ୟ ବଣ୍ଟନ, ଦେଶର ପ୍ରଥମ କୋଭିଡ-୧୯ ହସ୍ପିଟାଲ ତିଆରି କରିବା ଭଳି କାମ କରିଥିବାରୁ ତାଙ୍କୁ ଏହି ତାଲିକାରେ ସାମିଲ କରାଯାଇଛି |

ନିତା ଅମ୍ବାନୀଙ୍କ ସହିତ ଟାଉନ ଆଣ୍ଡ କଣ୍ଟ୍ରିର ଏହି ତାଲିକାରେ ଟିମ କୁକ, ଓପରା ବିନଫ୍ରେ, ଲରେନ ପାୱେଲ, ମାଇକଲ ବ୍ଲୁମବର୍ଗଙ୍କ ଭଳି ଅନେକ ହସ୍ତୀ ସାମିଲ ଅଛନ୍ତି | ମାଗାଜିନ ନିତା ଅମ୍ବାନୀ ଓ ରିଲାଏନ୍ସ ଫାଉଣ୍ଡେସନ ଉପରେ ଫୋକସ କରି ଲେଖିଛି ଯେ ଲକଡାଉନ ସମୟରେ ସେ ଲକ୍ଷ ଲକ୍ଷ ଲୋକଙ୍କୁ ଖାଦ୍ୟ ଯୋଗାଇଛନ୍ତି | ଜରୁରୀକାଳୀନ ପାଣ୍ଠିରେ ୭.୨ କୋଟି ଡଲାର ଦାନ କରିଛନ୍ତି | ତାଛଡା ଭାରତର ପ୍ରଥମ କୋଭିଡ-୧୯ ହସ୍ପିଟାଲ ମଧ୍ୟ ତିଆରି ପାଇଁ ଆର୍ଥିକ ସହାୟତା କରିଥିଲେ |

ନିତା ଅମ୍ବାନୀ କହିଛନ୍ତି, ସଙ୍କଟ ସବୁବେଳେ ତତ୍କାଳ ରିଲିଫ, ସଂସାଧନ, ସରଳତା ଏବଂ ସବୁଠାରୁ ମହତ୍ଵପୂର୍ଣ୍ଣ କରୁଣା ଦାବି କରିଥାଏ | ରିଲାଏନ୍ସ ଫାଉଣ୍ଡେସନ ଓ ରିଲାଏନ୍ସ ଇଣ୍ଡଷ୍ଟ୍ରି ସଙ୍କଟ ସମୟରେ ତତ୍କାଳ ପଦକ୍ଷେପ ନେବା ପାଇଁ ପୂର୍ବରୁ ହିଁ ପ୍ରସ୍ତୁତ ଥିଲା | ଅନ୍ତରାଷ୍ଟ୍ରୀୟ ସ୍ଥରରେ ତାଙ୍କ ପ୍ରୟାସକୁ ସମ୍ମାନ ଦିଆଯାଇଥିବାରୁ ସେ ଖୁସି ବ୍ୟକ୍ତ କରିଛନ୍ତି |  

ଟାଉନ ଆଣ୍ଡ କଣ୍ଟ୍ରି ମାଗାଜିନ ପ୍ରତିବର୍ଷ ନିଜର ଗୋଟିଏ ଇସ୍ୟୁ ଦୁନିଆର ସମାଜସେବୀଙ୍କୁ ସମର୍ପିତ କରିଥାଏ | ଏଥିରେ ସେମାନଙ୍କୁ ସାମିଲ କରାଯାଇଥାଏ ଯେଉଁମାନେ ନିଜ କାମ, ପ୍ରତିବଦ୍ଧତା ଏବଂ ସରଳତା ମାଧ୍ୟମରେ ଦୁନିଆରେ ନିଜର ଛାପ ଛାଡ଼ିଥାନ୍ତି | ମାଗାଜିନରେ ଉଲ୍ଲେଖ ରହିଛି ଯେ, ଐତିହାସିକ ପରିସ୍ଥିତିରେ ଦୁନିଆରେ ଲକ୍ଷ ଲକ୍ଷ ଲୋକଙ୍କ ଜୀବନ ବଞ୍ଚିଥିବା ଲୋକଙ୍କ ନାଁ ଏହି ତାଲିକାରେ ସାମିଲ କରାଯାଇଛି | ଚଳିତବର୍ଷ ଏହି ତାଲିକାରେ ସାମିଲ ହୋଇଥିବା ହସ୍ତୀ ସାଧାରଣ ଜନତାଙ୍କ ମନରେ ଏକ ଆଶାର କିରଣ ଦେଇଛନ୍ତି |

   Related Posts