ନୂଆଦିଲ୍ଲୀ ୫।୩: ନିର୍ଭୟା ଦୋଷୀଙ୍କୁ ଆସନ୍ତା ୨୦ ତାରିଖ ଦିନ ଦିଆଯିବ ମୃତ୍ୟୁଦଣ୍ଡ । ଗୁରୁବାର ଦିଲ୍ଲୀ କୋର୍ଟ ସାନି ଡେଥ୍ ଓ୍ବାରେଣ୍ଟ ଜାରି କରିଛନ୍ତି । ଏହି ଡେଥ୍ ଓ୍ବାରେଣ୍ଟ ଅନୁଯାୟୀ ୨୦୧୨ ଡିସେମ୍ବରର ଗଣଦୁଷ୍କର୍ମ ଓ ହତ୍ୟା ମାମଲାରେ ୪ ଦୋଷୀଙ୍କୁ ତିହାର ଜେଲରେ ଫାଶୀ ଦିଆଯିବ । ୨୦ ତାରିଖ ସକାଳ ୫ଟା ୩୦ ମିନିଟ୍ ରେ ମୃତ୍ୟୁଦଣ୍ଡ କାର୍ଯ୍ୟକାରୀ କରିବାକୁ ଡେଥ୍ ଓ୍ବାରେଣ୍ଟରେ ନିର୍ଦ୍ଦେଶ ଦେଇଛନ୍ତି କୋର୍ଟ । ପଟିଆଲା ହାଉସ୍ କୋର୍ଟ ଜାରି କରିଥିବା ଏହି ଡେଥ୍ ଓ୍ବାରେଣ୍ଟ ନିର୍ଭୟା ଦୋଷୀଙ୍କ ଲାଗି ୪ର୍ଥ ଡେଥ୍ ଓ୍ବାରେଣ୍ଟ ।
{"id":232990,"sizeSlug":"large"}
ପୂର୍ବରୁ ଜାରି ୩ଟି ଡେଥ୍ ଓ୍ବାରେଣ୍ଟ ଦୋଷୀମାନଙ୍କ ବିଭିନ୍ନ ଆଇନଗତ ପଦକ୍ଷେପ ଯୋଗୁଁ ଟଳିଥିଲା । ସମସ୍ତ ଆଇନଗତ ବିକଳ୍ପର ଉପଯୋଗ ଆଳରେ ଦୋଷୀମାନଙ୍କ ଓକିଲ ବିଭିନ୍ନ ଅଦାଲତରେ ଏକାଧିକ ଆବେଦନ କରିଥିଲେ । ୪ ଦୋଷୀ, ଅକ୍ଷୟ ଠାକୁର, ପଓ୍ବନ ଗୁପ୍ତା, ବିନୟ ଶର୍ମା ଓ ମୁକେଶ ସିଂ ରାଷ୍ଟ୍ରପତିଙ୍କ ନିକଟରେ ଭିନ୍ନ ଭିନ୍ନ ସମୟରେ କରିଥିବା କ୍ଷମା ପ୍ରାର୍ଥନା ଆବେଦନ ଖାରଜ ହୋଇଥିବା ବେଳେ ସେମାନଙ୍କର ଆଇନଗତ ବିକଳ୍ପ ଗୁଡିକ ମଧ୍ୟ ଶେଷ ହୋଇଛି । ତେଣୁ ଏବେ ୪ର୍ଥ ଡେଥ୍ କାର୍ଯ୍ୟକାରୀ ହେବା ସମ୍ଭାବନା ସବୁଠୁ ଅଧିକ ।
{"id":232989,"sizeSlug":"large"}
୨୦୧୨ ଡିସେମ୍ବର ୧୬ ତାରିଖ ରାତିରେ ଦକ୍ଷିଣ ଦିଲ୍ଲୀରେ ଘଟିଥିଲା ସେହି ନାରକୀୟ କାଣ୍ଡ । ଏକ ଚଳନ୍ତା ବସରେ ଫିଜିଓଥେରାପି ଛାତ୍ରୀ ଜଣଙ୍କୁ ଗଣ ଦୁଷ୍କର୍ମ ପରେ ମରଣାନ୍ତକ ଆକ୍ରମଣ କରିଥିଲେ ୬ ଜଣ ଦୁର୍ବୃତ୍ତ । ସେହି ୬ ଜଣଙ୍କ ମଧ୍ୟରୁ ରାମ ସିଂ ଜେଲ୍ ଭିତରେ ଆତ୍ମହତ୍ୟା କରିଥିଲା । ନାବାଳକ ଅଭିଯୁକ୍ତ ଦୋଷୀ ଘୋଷିତ ହୋଇଥିଲେ ବି ବାଲ୍ ସ୍ବଧାର କେନ୍ଦ୍ରରେ ୩ ବର୍ଷ ରହିବାପରେ ମୁକ୍ତ ହୋଇଛି ।ତେବେ ୨୦୧୫ ରେ ମୁକ୍ତି ସମୟରେ ତାକୁ ୨୦ ବର୍ଷ ହୋଇଥିଲେ ବି ତାକୁ ଆକ୍ରମଣ ଆଶଙ୍କାରେ ଏକ ଅଜ୍ଞାତ ସ୍ଥାନକୁ ପଠାଇ ଦିଆଯାଇଛି । ୨୦୧୩ ରେ ସ୍ପେଶାଲ ଫାଷ୍ଟ ଟ୍ରାକ୍ କୋର୍ଟରେ ମାମଲାର ଶୁଣାଣି ଆରମ୍ଭ ହୋଇଥିବା ବେଳେ , ସେହି ବର୍ଷ ସେପ୍ଟେମ୍ବରରେ ୪ ଦୋଷୀ ମୁକେଶ, ବିନୟ, ଅକ୍ଷୟ ଓ ପୱନକୁ ମୃତ୍ୟୁ ଦଣ୍ଡ ନିର୍ଦ୍ଦେଶ ଦେଇଥିଲେ କୋର୍ଟ । ପରେ ତାହା ବିଭିନ୍ନ କୋର୍ଟରେ ଚ୍ୟାଲେଞ୍ଜ ପରେ ସୁପ୍ରିମ କୋର୍ଟରେ କାଏମ ରହିଥିଲା ।
{"id":232988,"sizeSlug":"large"}
ପ୍ରଥମେ ୪ ଦୋଷୀ ମୁକେଶ, ବିନୟ, ଅକ୍ଷୟ ଓ ପୱନଙ୍କ ବିରୋଧରେ ଡେଥ ୱାରେଣ୍ଟ ଜାରି କରିଥିଲେ ପଟିଆଲା ହାଉସ କୋର୍ଟ ଅତିରିକ୍ତସେସନ୍ସ ଜଜ୍ । ଗତ ଜାନୁଆରୀ ୭ ତାରିଖରେ ପ୍ରଥମ ଡେଥ୍ ୱାରେଣ୍ଟ ଜାରି ହୋଇଥିଲା ଓ ସେଥିରେ ଜାନୁଆରୀ ୨୨ ତାରିଖକୁ ଫାଶୀ ଧାର୍ଯ୍ୟ ହୋଇଥିଲା । କିନ୍ତୁ ସେହି ତାରିଖ ସ୍ଥଗିତ ରହିଛି । ପରେ ଫେବୃଆରୀ ୧ ତାରିଖରେ ଫାଶୀ ଦଣ୍ଡ କାର୍ଯ୍ୟକାରିତା ଉପରେ କୋର୍ଟେ ରୋକ୍ ଲଗାଇଥିଲେ । ସେହିଭଳି ତୃତୀୟ ଡେଥ୍ ଓ୍ବାରେଣ୍ଟ ମଧ୍ୟ ଫେଲ୍ ମାରିଥିଲା ଏବଂ ମାର୍ଚ୍ଚ ୩ର ଫାଶୀ ଟଳିଥିଲା । ଏବେ ୪ର୍ଥ ଡେଥ୍ ଓ୍ବାରେଣ୍ଟରେ ୨୦ତାରିଖ ଦିନ ଭୋର ୫ଟା ୩୦ମିନିଟ୍ କୁ ଫାଶୀ ଦଣ୍ଡ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ରହିଛି।
