ଗତ କାଲି ସାଧାରଣ ନିର୍ବାଚନ ତାରିଖ ଘୋଷଣା ହୋଇଛି । ଲୋକସଭା ଏବଂ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା ହୋଇଛି । ଏହି ଘୋଷଣା ପରେ ପୁରା ଦେଶରେ ଆଦର୍ଶ ଆଚରଣ ସଂହିତା ଲାଗୁ ହୋଇଛି। ଏହି କାରଣରୁ ରକ୍ଷାମନ୍ତ୍ରୀ ନିର୍ମଳା ସୀତାରମଣଙ୍କୁ ଅସୁବିଧାର ସାମ୍ନା କରିଥିଲେ।

ନିର୍ମଳା ସୀତାରମଣ ଗତକାଲି ତାମିଲନାଡୁର ଏକ ସ୍ଥାନରେ ଅନୁଷ୍ଠିତ ହେଉଥିବା  ଉତ୍ସବରେ ଯୋଗ ଦେବାପାଇଁ ସ୍ବତନ୍ତ୍ର ବିମାନଯୋଗେ ଯାଇଥିଲେ । କାର୍ଯ୍ୟକ୍ରମ ଚାଲଥିବାବେଳେ ଭାରତୀୟ ନିର୍ବାଚନ ଆୟୋଗ ତାରିଖ ଘୋଷଣା କରିଥିଲେ । ପରଂପରା ଅନୁସାରେ ନିର୍ବାଚନ ଆଚରଣ ବିଧି ଲାଗୁ ହୋଇଥାଏ । ଫଳରେ ନିର୍ମଳା ଙ୍କୁ ଛାଡି ସ୍ବତନ୍ତ୍ର ବିମାନଟି ଚାଲିଯାଇଥିଲା । ସେ ନିଜ ବ୍ୟବସ୍ଥାରେ ଫେରିଥିଲେ ।

ଏହି କାରଣରୁ ତାଙ୍କୁ କମର୍ଶିୟାଲ ଫ୍ଲାଇଟ୍‌ରେ ଦିଲ୍ଲୀ ଯିବାକୁ ପଡିଥିଲା। କେବଳ ସେତିକି ନୁହଁ ତାଙ୍କୁ ଛାଡିବା ପାଇଁ କୌଣସି ଅଫିସର ଏୟାରପୋର୍ଟ ଆସିନଥିଲେ। ଆଚରଣ ବିଧି ଯୋଗୁଁ ସୀତାରମଙ୍କୁଣଙ୍କୁ ଏହି ସବୁ ସମସ୍ୟାର ସାମ୍ନା କରିବାକୁ ପଡିଥିଲା।

ରବିବାର ଏକ କାର୍ଯ୍ୟକ୍ରମରେ ଯୋଗ ଦେଇ ସୀତାରମଣ ଚେନ୍ନାଇରୁ ଦିଲ୍ଲୀ ଫେରୁଥିଲେ।  ଗୋଟେ ବିଷେଶ ବିମାନ ଦ୍ୱାରା ତାଙ୍କୁ ଯାତ୍ରା କରିବାର ଥିଲା। ଏହି ସମୟ ମଧ୍ୟରେ ନିର୍ବାଚନ ତାରିଖ ଘୋଷଣା ହୋଇସାରିଥିଲା। ଏହି ଯାତ୍ରାରେ ସୀତାରମଣ କୌଣସି ସରକାରୀ ଗାଡି ଓ ଏସକର୍ଟ ବିମାନର ବ୍ୟବହାର କରିନାହାନ୍ତି ।  ସାରା ଦେଶରେ ୭ଟି ପର୍ଯ୍ୟାୟରେ ଲୋକସଭା ନିର୍ବାଚନ ହେବ । ଏପ୍ରିଲ ମାସ ୧୧ ତାରିଖରେ ପ୍ରଥମ ପର୍ଯ୍ୟାୟ ଲୋକସଭା ନିର୍ବାଚନ ହେବ। ପ୍ରତ୍ୟେକ ପର୍ଯ୍ୟାୟ ନିର୍ବାଚନ ପରେ ମେ ମାସ ୨୩ ତାରିଖରେ ପରିଣାମ ଘୋଷଣା ହେବ।  ନିର୍ବାଚନ ସମୟରେ ଆଚରଣ ସଂହିତା ସବୁ ରାଜନୈତୀକ ଦଳଙ୍କୁ ମଧ୍ୟ ପାଳନ କରିବାକୁ ପଡେ।