Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

ହସ୍ପିଟାଲରେ ଅଭିନନ୍ଦନଙ୍କୁ ଭେଟିଲେ ସୁରକ୍ଷାମନ୍ତ୍ରୀ ନିର୍ମଳା ସୀତାରମଣ : ପଚାରି ବୁଝିଲେ ସମସ୍ତ ଘଟଣା

2/03/2019 at 6:03 PM

ଦିଲ୍ଲୀ ୨/୩ : ସୁରକ୍ଷାମନ୍ତ୍ରୀ ନିର୍ମଳା ସୀତାରମଣ ଆଜି ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ହସ୍ପିଟାଲରେ ସାକ୍ଷାତ କରିଛନ୍ତି | ସମଗ୍ର ଦେଶ ତାଙ୍କ ଉପରେ ଗର୍ବିତ ବୋଲି କହିଛନ୍ତି ସୀତାରମଣ | ଅଭିନନ୍ଦନ ପାକିସ୍ତାନ କବଜାରେ ୬୦ ଘଣ୍ଟା ରହିଥିବା ସୁରକ୍ଷାମନ୍ତ୍ରୀଙ୍କୁ କହିଛନ୍ତି |

ଅଭିନନ୍ଦନ ଶୁକ୍ରବାର ରାତିରେ ଅଟ୍ଟାରି ବର୍ଡ଼ର ଦେଇ ଭାରତକୁ ଆସିଥିଲେ | ରାତି ପ୍ରାୟ ସାଢେ ୧୧ଟାରେ ସେ ବାୟୁସେନା ବିମାନରେ ଦିଲ୍ଲୀରେ ପହଁଚିଲେ | ଅଭିନନ୍ଦନଙ୍କ ଡାହାଣ ଆଖି ଆଘାତ ହୋଇ ଫୁଲିଯାଇଛି | ବାୟୁସେନାର ହସ୍ପିଟାଲରେ ତାଙ୍କର ଚିକିତ୍ସା ଚାଲିଛି | ବାୟୁସେନାର ଜଣେ ବରିଷ୍ଠ ଡାକ୍ତର ତାଙ୍କର ଶାରୀରିକ ଯାଞ୍ଚ କରିଛନ୍ତି |

ସୂଚନାଯୋଗ୍ୟ ଯେ, ୨୭ ତାରିଖରେ ଅଭିନନ୍ଦନଙ୍କୁ ପାକିସ୍ତାନୀ ଅଧିକାରୀ କବଜା କରିନେଇଥିଲେ | ପାକିସ୍ତାନ ବାୟୁସେନା ସହ ଯୁଦ୍ଧ ବେଳେ ଅଭିନନ୍ଦନଙ୍କ ମିଗ-୨୧ ବିମାନ ପାକିସ୍ତାନ ସୀମାରେ ପଡିଥିଲା | ଯାହାଫଳରେ ପାକିସ୍ତାନୀ ସେନା ତାଙ୍କୁ କାବୁ କରିନେଇଥିଲେ |

ବର୍ତ୍ତମାନ ଅଭିନନ୍ଦନ ବାୟୁସେନା ଅଧିକାରୀଙ୍କ ମେସରେ ରହିବେ | ପ୍ରଥମେ ଅଭିନନ୍ଦନଙ୍କ ରେଡକ୍ରସ ମେଡିକାଲରେ ଯାଞ୍ଚ ହେବ | ତାଙ୍କୁ କେମିତି ଆଘାତ ଲାଗିଲା, କେତେ ଆହତ ହୋଇଛନ୍ତି, କେତେ ନିର୍ଯ୍ୟାତନା ଦିଆଯାଇଛି ସେ ସବୁ ଯାଞ୍ଚ କରାଯିବ | ତାଙ୍କୁ ସେଠାରେ ଡ୍ରଗ୍ସ ଦିଆଯାଇଥିଲା କି ବୋଲି ମଧ୍ୟ ଯାଞ୍ଚ କରାଯିବ |

ପ୍ରୋଟୋକଲ ହିସାବରେ ଅଭିନନ୍ଦନଙ୍କ ଶରୀର ସ୍କାନିଂ କରାଯିବ | ତାଙ୍କୁ ମାନସିକ ନିର୍ଯ୍ୟାତନା ଦିଆଯାଇଛି କି ବୋଲି ମଧ୍ୟ ଯାଞ୍ଚ ହେବ | ଯଦି ମାନସିକ ନିର୍ଯ୍ୟାତନା ଦିଆଯାଇଥାଏ ତାହେଲେ ଆନ୍ତର୍ଜାତିକ ମଂଚରେ ଏହି ପ୍ରସଙ୍ଗ ଉପସ୍ଥାପିତ ହେବ | କାରଣ ଜେନିଭା ଚୁକ୍ତି ଅନୁସାରେ ଯୁଦ୍ଧ ବନ୍ଦୀଙ୍କ ସହ ଅମାନବୀୟ ବ୍ୟବହାର କରାଯାଇପାରିବ ନାହିଁ | ଯୁଦ୍ଧ ବନ୍ଦୀ ସହ ଜଡିତ ସମସ୍ତ ପ୍ରୋଟୋକଲ ଲାଗୁ ହେବ | ଏହାପରେ ରିପୋର୍ଟ ଭାରତ ସରକାରଙ୍କୁ ଦିଆଯିବ |

   Related Posts