ନୂଆଦିଲ୍ଲୀ ୦୭।୦୧: ବହୁଚର୍ଚ୍ଚିତ ନିର୍ଭୟା ଗଣଦୁଷ୍କର୍ମ ମାମଲାରେ ଆଜି ରାୟ ଶୁଣଆିଛନ୍ତି ଦିଲ୍ଲୀ ପଟିଆଲା ହାଉସ କୋର୍ଟ । ସମସ୍ତ ୪ଜଣ ଦୋଷୀଙ୍କୁ ଫାଶୀ ଦେବା ପାଇଁ ଡେଥ୍ ଓ୍ବାରେଣ୍ଟ ଜାରି କରିଛନ୍ତି କୋର୍ଟ । ନିର୍ଭୟାଙ୍କ ମା’ କରିଥିବା ଆବେଦନ ଉପରେ ଶୁଣାଣି କରି ରାୟ ଶୁଣାଇଛନ୍ତି କୋର୍ଟ । ଆସନ୍ତା ୨୨ତାରିଖ ସକାଳ ୭ଟାରେ ୪ଜଣ ଦୋଷୀଙ୍କୁ ଫାଶୀ ଦିଆଯିବ ।
{"id":208271,"sizeSlug":"large"}
ତେବେ ଦିଲ୍ଲୀ ପଟିଆଲା ହାଉସ କୋର୍ଟରେ ମାମଲାର ଶୁଣାଣି ଚାଲିଥିବା ବେଳେ ନିର୍ଭୟା ମା ଓ ଦୋଷୀ ମୁକେଶର ମାଙ୍କ ମଧ୍ୟରେ ଜୋରଦାର ଯୁକ୍ତିତର୍କ ହୋଇଥିବାର ଦେଖିବାକୁ ମିଳିଥିଲା । ନିର୍ଭୟାର ମା ଦୋଷୀଙ୍କୁ ତୁରନ୍ତ ଫାଶୀ ଦେବାକୁ ଦାବି କରୁଥିବା ବେଳେ , ଦୋଷୀ ମୁକେଶର ମା କାନ୍ଦି କାନ୍ଦି, ମୁଁ ବି ଜଣେ ମା , ମୋ କଥା ଚିନ୍ତା କରାଯାଉ ବୋଲି ବୋଲି କୋର୍ଟରେ ଗୁହାରୀ କରିଥିଲେ । ଦୋଷୀ ମୁକେଶର ମା କୋର୍ଟ ରୁମ୍ରେ କାନ୍ଦି କାନ୍ଦି ଜଜ ସାହେବ ଆମକୁ ଦୟା କର ବୋଲି କହିବା ପରେ ନିର୍ଭୟା ମା ଓ ତାଙ୍କ ମଧ୍ୟରେ କଥା କଟାକଟି ହୋଇଥିଲା । ଘଟଣାରେ ଜଜ୍ ହସ୍ତକ୍ଷେପ କରିବାରୁ ଉଭୟ ଚୁପ୍ ହୋଇଥିଲେ ।
