ନୂଆଦିଲ୍ଲୀ ୨୯/୧: ନିର୍ଭୟାଙ୍କ ମାଆ ଆଶା ଦେବୀ କହିଛନ୍ତି ଯେ ସମସ୍ତ ଦୋଷୀଙ୍କୁ ଫେବୃୟାରୀ ୧ତାରିଖରେ ଫାଶୀ ଦିଆଯିବ ବୋଲି ତାଙ୍କୁ ସୁପ୍ରିମ କୋର୍ଟ ଉପରେ ପୂରା ଭରସା ରହିଛି। ଦୋଷୀ ଅକ୍ଷୟ କ୍ୟୁରେଟିଭ ପିଟିସନ ଦାଖଲ କରିଥିଲେ। ମୁକେଶ ରାଷ୍ଟ୍ରପତିଙ୍କ ଦ୍ବାରା ଦୟା ଆବେଦନକୁ ଖାରଜ କରିବାକୁ ସୁପ୍ରିମ କୋର୍ଟରେ ଚ୍ୟାଲେଞ୍ଜ କରିଥିଲା। ଏହାକୁ ନେଇ ଆଜି ଶୁଣାଣି ଆସି ଯାଇଛି।
ମୁକେଶଙ୍କ ଆବେଦନକୁ ସୁପ୍ରିମ କୋର୍ଟ ଖାରଜ କରି ଦେଇଛନ୍ତି। ଆଶା ଦେବୀ କହିଛନ୍ତି ଯେ ଅନ୍ୟ ଦୋଷୀଙ୍କ ଆବେଦନ ଖାରଜ ହେବାର ବିଶ୍ବାସ ତାଙ୍କ ପାଖରେ ରହିଛି। ସେ ନ୍ୟାୟ ମିଳିବ ବୋଲି ଆଶାବ୍ୟକ୍ତ କରିଛନ୍ତି। ସେ କହିଛନ୍ତି ଯେ ଦୋଷୀଙ୍କୁ ଆଇନ୍ ଅଧିକାର ଦେଇଛି,ଏହାର ଅପବ୍ୟବହାର ହେଉଛି,କୋର୍ଟକୁ ଏହା ଉପରେ ବ୍ୟାନ୍ ଲଗାଇବା ଉଚିତ୍।
ନିର୍ଭୟା ଗଣଦୁଷ୍କର୍ମ ମାମଲାର ଦୋଷୀ ଫାଶୀରୁ ବର୍ତ୍ତିବା ପାଇଁ ବାରମ୍ବାର ପ୍ରୟାସ କରୁଛନ୍ତି। ମୁକେଶ ତିହାର ଜେଲରେ ଯୌନ ଶୋଷଣର ଅଭିଯୋଗ କରିଥିଲେ। ଅକ୍ଷୟଙ୍କ ପରେ ବିନୟ ମଧ୍ୟ ରାଷ୍ଟ୍ରପତିଙ୍କୁ ଦୟା ଆବେଦନ ପଠାଇବାର ପ୍ରସ୍ତୁତି କରୁଛି।
