Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଫାଶୀରୁ ବର୍ତ୍ତିବା ପାଇଁ ଶେଷ ପ୍ରୟାସ, ରାଜକ୍ଷମା ଆବେଦନ କଲା ନିର୍ଭୟା ଦୋଷୀ ଅକ୍ଷୟ

1/02/2020 at 1:47 PM

ନୂଆଦିଲ୍ଲୀ ୧।୨: ନିର୍ଭୟା ଗଣଦୁଷ୍କର୍ମ ମାମଲାର ଦୋଷୀ ବିନୟ କୁମାର ଶର୍ମାଙ୍କ ପରେ ଦୋଷୀ ଅକ୍ଷୟ ଠାକୁର ମଧ୍ୟ ଫାଶୀଦଣ୍ଡକୁ ରଦ୍ଦ କରିବା ପାଇଁ ରାଜକ୍ଷମା ଆବେଦନ କରିଛନ୍ତି । ସେ ଶନିବାର ଦିନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ନିକଟକୁ ତାଙ୍କ ଆବେଦନ ପଠାଇଦେଇଛନ୍ତି । ଏହା ପୂର୍ବରୁ ଶନିବାର ଦିନ ହିଁ ରାଷ୍ଟ୍ରପତି ରାମନାଥ କୋବିନ୍ଦ ଦୋଷୀ ବିନୟ ଶର୍ମାର ରଜକ୍ଷମା ଆବେଦନ ଖାରଜ କରିଦେଇଥିଲେ । ବିନୟ ମଧ୍ୟ ମୁକେଶ ଭଳି ସୁପ୍ରିମକୋର୍ଟରେ ରାଷ୍ଟ୍ରପତିଙ୍କ ରାଜକ୍ଷମା ଆବେଦନ ଖାରଜ କରିବାକୁ ଚ୍ୟାଲେଞ୍ଜ କରିପାରେ ।

ସୂଚନାଯୋଗ୍ୟ ଯେ, ନିମ୍ନ ଅଦାଲତ, ଦିଲ୍ଲୀ ହାଇକୋର୍ଟ ଏବଂ ସୁପ୍ରିମକୋର୍ଟରୁ ଫାଶୀ ଦଣ୍ଡ ପାଇଥିବା ୪ ଦୋଷୀ ତିହାର ଜେଲ୍ ର ସଂଖ୍ୟା-୩ରେ କଏଦ ହୋଇରହିଛନ୍ତି । ଦିଲ୍ଲୀ ପଟିଆଲା ହାଉସ୍ କୋର୍ଟ ଦ୍ବାରା ଡେଥ୍ ଓ୍ବାରେଣ୍ଟ ଜାରି ହେବା ପରେ ଶନିବାର ଦିନ ୪ ଦୋଷୀ ଅକ୍ଷୟ ଠାକୁର, ମୁକେଶ ସିଂହ, ବିନୟ କୁମାର ଶର୍ମା ଏବଂ ପବନ କୁମାର ଗୁପ୍ତାକୁ ଫାଶୀ ଦିଆଯିବାର ଥିଲା । ମାତ୍ର ଦୋଷୀମାନଙ୍କ ପକ୍ଷରୁ ବାରମ୍ବାର ଆବେଦନ କରାଯାଉଥିବା ଯୋଗୁଁ ଫାଶୀ ଉପରେ ରୋକ୍ ଲଗାଇ ଦିଆଯାଇଛି ।

ଦୋଷୀ ବିନୟ ବୁଧବାର ଦିନ ରାଜକ୍ଷମା ଆବେଦନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ନିକଟକୁ ପଠାଇଥିଲା । ତାହାକୁ ଆଜି ରାଷ୍ଟ୍ରପତି ଖାରଜ କରିଦେଇଛନ୍ତି । ତେବେ ଦୋଷୀମାନଙ୍କୁ କେବେ ଫାଶୀ ଦିଆଯିବ ତାହାର ସ୍ପଷ୍ଟ ସୂଚନା ମିଳିନାହିଁ । ଫାଶୀର ନୂଆ ତାରିଖ ଘୋଷଣା ହୋଇନାହିଁ ।

   Related Posts