Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ନିର୍ଭୟା ପ୍ରସଙ୍ଗ- ଫାଶୀ ବିରୋଧରେ ସୁପ୍ରିମ କୋର୍ଟରେ କ୍ୟୁରେଟିଭ୍‌ ପିଟିସନ୍‌ ଦାୟର କଲା ଦୋଷୀ ବିନୟ

9/01/2020 at 12:14 PM

ନୂଆଦିଲ୍ଲୀ ୦୯।୦୧ – ନିର୍ଭୟା ପ୍ରସଙ୍ଗରେ ଦୋଷୀମାନଙ୍କର ଫାଶୀ ଦଣ୍ଡାଦେଶ ତାରିଖ ନିର୍ଣ୍ଣୟ କରାଯାଇଛି। ଜାନୁଆରୀ ୨୨ ତାରିଖରେ ଏମାନଙ୍କୁ ଫାଶୀ ଦିଆଯିବ । ଜାନୁଆରୀ ୨୨ ତାରିଖ ସକାଳ ୭ଟା ସମୟରେ ଏମାନଙ୍କୁ ଫାଶୀ ଦିଆଯିବ । ଫାଶୀ ଦେବର ପ୍ରକ୍ରିୟା ଆରମ୍ଭ ହୋଇଛି । ଫାଶୀ ଦଣ୍ଡାଦେଶର ତାରିଖ ଘୁଞ୍ଚାଇବାପାଇଁ ଦୋଷୀମାନଙ୍କ ପକ୍ଷରୁ ଶେଷ ଉଦ୍ୟମ କରାଯାଇଛି. ଦୋଷୀ ସାବ୍ୟସ୍ତ ହୋଇଥିବା ବିନୟ ସୁପ୍ରିମକୋର୍ଟରେ କ୍ୟୁରେଟିଭ୍‌ ପିଟିଶନ ଦାୟର କରିଛି। ଗୁରୁବାରେ ଏହାକୁ ସୁପ୍ରିମକୋର୍ଟରେ ବିନୟର ଆଇନଜୀବୀ ଦାଖଲ କରିଛନ୍ତି ।

୪ ଜଣ ଦୋଷୀଙ୍କୁ ଫାଶୀ ଦଣ୍ଡାଦେଶ ଦିଆଯାଇଥିବା ବେଳେ କେବଳ ବିନୟ କୁମାର ଶର୍ମା ପକ୍ଷରୁ ସୁପ୍ରିମକୋର୍ଟରେ କ୍ୟୁରେଟିଭ୍‌ ପିଟିଶନ୍‌ ଦାୟର କରାଯାଇଛି । ୨୦୧୭ ମସିହାରେ ପବନ ଗୁପ୍ତାର ଦାୟର ଏସ୍‌ଏଲ୍‌ପି ପ୍ରମାଣିତ କରିବାପାଇଁ ପଟିଆଲା ହାଉସ୍‌କୋର୍ଟରେ ମାମଲା ଦାୟର କରିଛନ୍ତି ।

ପୂର୍ବରୁ ଏହି ମାମାଲାରେ ଏକ ରିଭ୍ୟୁ ପିଟିସନ୍‌କୁ ସୁପ୍ରିମକୋର୍ଟ ଖାରଜ କରିଦେଇଥିଲେ । ମଙ୍ଗଳବାରରେ ପଟିଆଲା ହାଉସ୍‌କୋର୍ଟ ଦୋଷୀମାନଙ୍କୁ ୨୨ ଜାନୁଆରୀ ସକାଳ ୭ ଟାରେ ଫାଶୀ ଦେବାପାଇଁ ନିର୍ଦେଶ ଦେଇଛନ୍ତି। ସେମାନଙ୍କ ନାମରେ ଡେଥ୍‌ ଓ୍ୱାରେଣ୍ଟ ଜାରି କରାଯାଇଛି । ଏହା ବିରୋଧରେ ସୁପ୍ରିମକୋର୍ଟରେ କ୍ୟୁରେଟିଭ୍‌ ପିଟିଶନ ଦାୟର କରିବେ ବୋଲି ଦୋଷୀମାନଙ୍କର ଆଇନଜୀବୀ ଏପି ସିଂ ସୂଚନା ଦେଇଥିଲେ । ଏଥିପାଇଁ ପଟିଆଲା ହାଉସ୍‌କୋର୍ଟ ୭ ଦିନର ସମୟ ଦେଇଥିଲେ ।

ସୁପ୍ରିମକୋର୍ଟର ୫ ଜଣ ବରିଷ୍ଠ ଆଇନଜୀବୀ ଏହି ପିଟିଶନର ଶୁଣାଣୀ କରିବେ ।

୨୦୧୨ ମସିହାର ନିର୍ଭୟା ଗଣ ଦୁଷ୍କର୍ମ ଘଟଣାରେ ଦୋଷୀମାନଙ୍କୁ ମଙ୍ଗଳବାରରେ କୋର୍ଟ ଡେଥ୍‌ ଓ୍ୱାରେଣ୍ଟ ଜାରି କରିଛନ୍ତି । ଏହି ୪ ଜଣ ଦୋଷୀଙ୍କୁ ଜାନୁଆରୀ ୨୨ ତାରିଖ ସକାଳ ୭ଟାରେ ଫାଶୀ ଦେବା ପାଇଁ ନିର୍ଦେଶ ଦିଆଯାଇଛି । ଡେଥ୍‌ ଓ୍ୱାରେଣ୍ଟ ଜାରି ହେବାପରେ ଅନେକ ଆଇନଗତ କାର୍ଯ୍ୟାନୁଷ୍ଠାନ ବାକି ରହିଛି । ଏଥିରେ ଏହି ଦୋଷୀମାନେ ଫାଶୀ ଦିଆଯିବାର ତାରିଖକୁ ଘୁଞ୍ଚାଇବା ପାଇଁ ଆବେଦନ କରିପାରିବେ ।

ଦୋଷୀ ବିନୟ କୁମାର ଶର୍ମା ଦାୟର କରିଥିବା ପିଟିଶନ୍‌ର ଶୁଣାଣୀ ୧୪ ଦିନ ମଧ୍ୟରେ କରା ନଗଲେ ଫାଶୀ ତାରିଖ ଘୁଞ୍ଚିବାର ସମ୍ଭାବନା ରହିଛି ।

ରାଷ୍ଟ୍ରପତିଙ୍କ ପାଖରେ ବି ଏମାନଙ୍କ ଦୟା ଆବେଦନ ରହିଛି। ୧୪ ଦିନ ମଧ୍ୟରେ ରାଷ୍ଟ୍ରପତି ଏହି ଦୋଷୀମାନଙ୍କ ବିରୋଧରେ କୌଣସି ଫଇସଲା ନ ନେଲେ ବି ତାରିଖ ଘୁଞ୍ଚି ପାରେ ।

   Related Posts