Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁର୍କୀରେ ବଡ ଧରଣର ଭୂକମ୍ପ ପରେ ସୁନାମି: ପ୍ରକୃତି ରଚିଲା ତାଣ୍ଡବଲୀଳା, ୬ ମୃତ, ୨୦୦ରୁ ଉର୍ଦ୍ଧ୍ଵ ଆହତ
  • ||
  • ବିଜେପିକୁ ତିର୍ତ୍ତୋଲବାସୀ ନିଶ୍ଚୟ ଜିତାଇବେ ଏବଂ ପ୍ରଧାନମନ୍ତ୍ରୀଙ୍କ ହାତମୁଠାକୁ ଟାଣ କରିବେ- ଧର୍ମେନ୍ଦ୍ର
  • ||
  • PL 2020: ଗର୍ଜିଲା କ୍ରିସ୍ ଗେଲଙ୍କ ବ୍ୟାଟ୍, ରାଜସ୍ଥାନ ସମ୍ମୁଖରେ ୧୮୬ ରନର ବିଜୟ ଲକ୍ଷ୍ୟ ରଖିଲା କିଙ୍ଗ୍ସ ଏକାଦଶ ପଞ୍ଜାବ
  • ||
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||

ନିର୍ଭୟା ମାମଲାର ଦୋଷୀ ମିଡିଆ ଆଗରେ ମୁହଁ ଖୋଲିବେ ?… ଗୁରୁବାର ହେବ ନିଷ୍ପତ୍ତି

11/03/2020 at 4:54 PM

ନୂଆଦିଲ୍ଲୀ୧୧/୩: ବହୁ ଚର୍ଚ୍ଚିତ ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାରେ ମାର୍ଚ୍ଚ ୨୦ ତାରିଖରେ ଚାରି ଦୋଷୀ ଫାଶୀ ଖୁଣ୍ଟରେ ଝୁଲିବେ। ସେହି ଦିନ ହୁଏତ ନିର୍ଭୟା ମାମଲାରେ ପୂର୍ଣ୍ଣଚ୍ଛେଦ ପଡିବ। ଦୋଷୀଙ୍କ ବିରୋଧରେ ତିନି ତିନି ଥର ଡେଥ୍‌ ଓ୍ବାରେଣ୍ଟ ଜାରି ହେବା ପରେ ବି ସେମାନେ ଫାଶୀରୁ ବର୍ତ୍ତି ଯାଇଥିଲେ। ଏହା ଦୋଷୀଙ୍କ ବିରୋଧରେ ଚତୁର୍ଥ ତଥା ଶେ​‌ଷ ଡେଥ୍‌ ଓ୍ବାରେଣ୍ଟ। ନିର୍ଭୟା ମାମଲାର ଟିକ୍‌ନିକ୍ ସମସ୍ତ ଖବର ଗଣମାଧ୍ୟମରେ ପ୍ରକାଶ ପାଉଛି। ତେବେ ବୁଧବାର ଦିଲ୍ଲୀ କୋର୍ଟ ତିହାର ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି, ଯେ ଗଣମାଧ୍ୟମ ସାମ୍ନାରେ ଚାରି ଦୋଷୀ ନିଜର ପ୍ରତିକ୍ରୟା ରଖିବେ କି ନାହିଁ, ତାହା ଗୁରୁବାରରେ ନିଷ୍ପତ୍ତି ନିଆଯିବ। ନିଷ୍ପତ୍ତି ପରେ ଯେଉଁ ଗଣମାଧ୍ୟମ ସଂସ୍ଥା ସେମାନଙ୍କ ସାକ୍ଷାତାକାର ନେବାକୁ ଚାହିଁଛନ୍ତି, ସେମାନେ ନେଇ ପାରିବେ। ମିଡିଆ ହାଉସ୍‌ ପକ୍ଷରୁ ଦାୟର ପିଟିସନର ଶୁଣାଣି ସମୟରେ ଜଷ୍ଟିସ୍‌ ନବୀନ ଚାଓ୍ବାଲା ଏଭଳି ରାୟ ପ୍ରଦାନ କରିଛନ୍ତି।

ଗତ ଶୁଣାଣିରେ ଅଦାଲତ କହିଥିଲେ ଯେ, ନିର୍ଭୟା ଦୋଷୀ ବାରମ୍ବାର ଆଇନ୍ ବ୍ୟବସ୍ଥାର ମଜାକ ଉଡ଼ାଇଛନ୍ତି। ତେଣୁ ସେମାନଙ୍କୁ ପ୍ରୋତ୍ସାହିତ କରିବା ଉଚିତ୍ ନୁହେଁ। ମୁକେଶ, ପଓ୍ବନ, ବିନୟ ଏବଂ ଅକ୍ଷୟ ଚାରି ଦୋଷୀଙ୍କ ବ୍ୟବହାରକୁ ଲକ୍ଷ୍ୟ କରି ହାଇକୋର୍ଟ ଏଭଳି ନିଷ୍ପତ୍ତି ନେଇଛନ୍ତି। ଚାରି ଦୋଷୀଙ୍କ ସାକ୍ଷାତକାର ନେବା ପାଇଁ ମିଡିଆ ହାଉସ୍‌ କୋର୍ଟରେ ଏକ ପିଟିସନ ଦାୟର କରିଥିଲେ। ଚାରି ଦୋଷୀଙ୍କ ସାକ୍ଷାତକାର ନେବା  ପାଇଁ କୋର୍ଟରେ ମିଡିଆ ହାଉସ୍ ଅନୁମତି ମାଗିଥିଲେ। ଦୋଷୀଙ୍କ ସାକ୍ଷାତକାର ଭବିଷ୍ୟତରେ ସମାଜକୁ ଏକ ଭଲ ବାର୍ତ୍ତା ଦେବ ବୋଲି ମିଡିଆ ହାଉସ୍ ଯୁକ୍ତିରେ ଦର୍ଶାଇଛି।ଗତ ଫେବୃଆରୀ ୨୫ ତାରିଖରେ ଏହି ସଂପର୍କରେ ତିହାର ଜେଲ୍‌ ଅଧିକାରୀଙ୍କୁ ମିଡିଆ ହାଉସ୍‌ ଅନୁମତି ମାଗିଥିଲେ। ଦୁଇ ଦିନ ପରେ ଜେଲ୍‌ ପ୍ରଶାସନ ମଡିଆ ହାଉସ୍‌ ପ୍ରସ୍ତାବକୁ ଅସ୍ବୀକାର କରିଥିଲେ।

ଅନ୍ୟପଟେ ୨୦୧୨ର ଦିଲ୍ଲୀ ଗଣଦୁଷ୍କର୍ମ ଓ ହତ୍ୟା ମାମଲାରେ ଚାରି  ଦୋଷୀଙ୍କୁ ମାର୍ଚ୍ଚ ୨୦ ସକାଳ ୫ଟା ୩୦ରେ ଫାଶୀ ଦିଆଯିବ। ଦିଲ୍ଲୀର ପଟିଆଲା ହାଉସ୍ କୋର୍ଟ ମୃତ୍ୟୁ ପରଓ୍ଵାନା(ଡେଥ୍ ଓ୍ଵାରେଣ୍ଟ) ଜାରି କରିଛନ୍ତି। ମାତ୍ର ଦୋଷୀଙ୍କ ପକ୍ଷରୁ ଫାଶୀ ଘୁଞ୍ଚାଇବା ଲାଗି ଯଥା ସମ୍ଭବ ପ୍ରୟାସ ଜାରି ରହିଛି। ଏହା ମଧ୍ୟରେ ନିର୍ଭୟାଙ୍କ ମା ଆଶା ଦେବୀ କହିଛନ୍ତି ମାର୍ଚ୍ଚ ୨୦ ସକାଳ ଆମ ଜୀବନର ସକାଳ ହେବ। ଦୋଷୀଙ୍କୁ ଫାଶୀ ହେବା ପର୍ଯ୍ୟନ୍ତ ସଂଘର୍ଷ ଜାରି ରହିବ। ଏହା ସହିତ ଆଶା ଦେବୀ କହିଛନ୍ତି ଯଦି ସୁଯୋଗ ମିଳେ ତେବେ ସେ ଦୋଷୀଙ୍କୁ ମରିବା ଦେଖିବାକୁ ଚାହିଁବେ।

   Related Posts