ଭୁବନେଶ୍ୱର, ୦୨/୧୦: ରାଜ୍ୟ କଂଗ୍ରେସର ମଙ୍ଗ ଧରିବାକୁ ପୁଣିଥରେ ଅମଙ୍ଗ ନିରଞ୍ଜନ । ପୂର୍ବରୁ ଥରେ ଇସ୍ତଫା ପତ୍ର କଂଗ୍ରେସ୍ ହାଇକମାଣ୍ଡଙ୍କ ନିକଟକୁ ପଠାଇଥିବା ବେଳେ ଏବେ ପୁଣିଥରେ ସେ ହାଇକମାଣ୍ଡଙ୍କ ନିକଟକୁ ଚିଠି ଲେଖିଛନ୍ତି । ସଭାପତି ପଦରୁ ଅବ୍ୟାହତି ଦେବା ପାଇଁ ସେ ଏଥିରେ ଲେଖିଥିବା ଜଣାପଡ଼ିଛି ।
୨୦୧୯ ନିର୍ବାଚନ ପରେ ପିସିସି ସଭାପତି ପଦରୁ ନିରଞ୍ଜନ ପଟ୍ଟନାୟକ ଇସ୍ତଫା ଦେଇଥିଲେ । ହେଲେ ଏ ପର୍ଯ୍ୟନ୍ତ ତାଙ୍କ ଇସ୍ତଫା ପତ୍ର ଗ୍ରହଣ ହୋଇନାହିଁ । ଏହି ନିର୍ବାଚନରେ କଂଗ୍ରେସର ସ୍ଥିତି ଖରାପ ରହିବାରୁ ସେ ଇସ୍ତଫା ଦେଇଥିଲେ । ହେଲେ ଏହା ଗ୍ରହଣ ନହେବାରୁ ସେ ଏପର୍ଯ୍ୟନ୍ତ ରାଜ୍ୟ କଂଗ୍ରେସର ମଙ୍ଗ ସମ୍ଭାଳି ଆସୁଛନ୍ତି ।