Monday, September 16, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କଂଗ୍ରେସ ସଂଖ୍ୟା ୧୬ ରୁ ୯କୁ ଖସିଲା: ସଭାପତି ପଦରୁ ଇସ୍ତଫା ଦେଲେ ନିରଞ୍ଜନ, ପ୍ରଚାର କମିଟି ଅଧ୍ୟକ୍ଷ ପଦରୁ ଇସ୍ତଫା ଦେଲେ ଭକ୍ତ

ଭୁବନେଶ୍ବର୨୪|୫: ନିର୍ବାଚନ ଫଳାଫଳକୁ ନେଇ କଂଗ୍ରେସ ନିରାଶ । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଗୋଟି ଚାଳନାକୁ ପ୍ରଶ୍ନ ହେବା କରିବା କଲେଣି କଂଗ୍ରେସ ନେତା । ସଭାପତିଙ୍କୁ ନେଇ ବିଦ୍ରୋହ ହେବା ଆଗରୁ ମାମଲା ଥଣ୍ଡା ପାଇଁ  ନିରଞ୍ଜନ ନୈତିକତା ଦୃଷ୍ଟିରୁ ଇସ୍ତଫା ଦେଇଛନ୍ତି । ଏପଟେ ଭକ୍ତ ଦାସ ବି ପ୍ରଚାର କମିଟି ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି ।

ଫ୍ଲପ ହେଲା ଓଡ଼ିଶା କଂଗ୍ରେସ । କ୍ୟାପଟେନ୍‌ ନିରଞ୍ଜନଙ୍କ ନେତୃତ୍ବରେ ଦଳର ଡଙ୍ଗା ବୁଡିଗଲା । ବର୍ଷକ ତଳେ ଠିକ ଏହି ମେ ମାସରେ ନିରଞ୍ଜନ ହାଇକମାଣ୍ଡଙ୍କ ଉପରେ ଚାପ ପକାଇ ପ୍ରସାଦଙ୍କୁ ଗାଦିଚ୍ୟୁତ କରିଥିଲେ । ଅଧା ବୁଡିଥିବା କଂଗ୍ରେସ ଡଙ୍ଗା ଉଠାଇବାକୁ ସ୍ବପ୍ନ ଦେଖାଇଥିଲେ । ହେ​‌ଲେ କଂଗ୍ରେସ ଅବସ୍ଥା ଶୋଚନୀୟ ହୋଇପଡିଲା। କଂଗ୍ରେସ ସଂଖ୍ୟା ୧୬ ରୁ ୯କୁ ଖସିଲା।  ଦୁଇ ଅଙ୍କରୁ ଏକ ଅଙ୍କ ହୋଇଗଲା। ଶେଷରେ  ଏମିତି ଅବସ୍ଥା ହେଲା ​‌ଯେ ବିରୋଧୀଦଳର ମାନ୍ୟତା ବି ରହିଲାନି । ନିରଞ୍ଜନ କଂଗ୍ରେସ ଡଙ୍ଗା କଣ ପାର କରିବେ ନିଜେ ବି ଦୁଇଟି ଆସନରେ ବୁଡିଯାଇଛନ୍ତି ।

କଂଗ୍ରେସ ଗଡ ଧସିଯାଇଥିବା ବେଳେ ନିରଞ୍ଜନ ନୈତିକତାର କଥା କହି ନିଜ ମୁଣ୍ଡ ଉପରକୁ ସବୁ ଦୋଷ ନେଇଛନ୍ତି । ଦଳରେ ବିଦ୍ରୋହ ବଢିବା ଆଗରୁ ସଭାପତି ପଦରୁ ଇସ୍ତଫା ଦେଇଛନ୍ତି । ପ୍ରଚାର କମିଟି ଅଧ୍ୟକ୍ଷ ପଦରୁ ବି ଭକ୍ତ ଦାସ ଇସ୍ତଫା ଦେଇଛନ୍ତି । ବିପର୍ଯ୍ୟୟ ପାଇଁ ଭୁଲ କେଉଁଠି ରହିଲା ଖୋଜିବା ପାଇଁ ନରସିଂହ ମିଶ୍ରଙ୍କ ନେତୃତ୍ବରେ ଏକ ୧୭ ଜଣିଆ ଟିମ ଗଠନ କରାଯାଇଛି ।

ରାହୁଲ ଗାନ୍ଧୀଙ୍କ ଓଡିଶା ଗସ୍ତ ପରେ କଂଗ୍ରେସ ସପକ୍ଷରେ ବାତାବରଣ ବୋହିଥିଲା ।ହେଲେ ପରେ କିନ୍ତୁ ଏହି ମାହୋଲକୁ ପିସିସି ସଭାପତି ଧରି ରଖିପାରିଲେ ନାହିଁ । ଯେଉଁଥିପାଇଁ କଂଗ୍ରେସ ଏଭଳି ବିପର୍ଯ୍ୟୟର ସମ୍ମୁଖୀନ ହେଲା। ହେଲେ ପିସିସି ସଭାପତିଙ୍କ ଇସ୍ତଫା କଣ ଅସନ୍ତୁଷ୍ଟ କଂଗ୍ରେସ କର୍ମୀଙ୍କୁ ସନ୍ତୁଷ୍ଟ କରିପାରିବ ? ଏବେ ତାହା ହିଁ ବଡ ପ୍ରଶ୍ନ

194 Views

   ସମ୍ବନ୍ଧିତ ଖବର