ଭୁବନେଶ୍ବର ୨୧।୧୨: ପିସିସି ତଥା ଜିଲ୍ଲା ସ୍ତରୀୟ ସାଂଗଠନିକ ନିର୍ବାଚନ ନେଇ ପ୍ରତିକ୍ରିୟା ରଖିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ସେ କହିଛନ୍ତି ଯେ, କଂଗ୍ରେସ ଜିଲ୍ଲା ସଭାପତି ଚୟନ ପ୍ରକ୍ରିୟା ସରିଛି । ଘୋଷଣା କାମ ଏଆଇସିସି ପାଖରେ ପଡିଛି । କେବଳ ସୋନିଆ ଗାନ୍ଧିଙ୍କ ଷ୍ଟାମ୍ପକୁ ଅପେକ୍ଷା ରହିଛି ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ।
ଆସନ୍ତା ଜାନୁଆରୀ ମାସରେ ଏ ସମସ୍ତ ପଦ ପଦବୀ ପାଇଁ ନାଁ ଘୋଷଣା ହେବାର ସମ୍ଭାବନା ଅଛି ବୋଲି ନିରଞ୍ଜନ କହିଛନ୍ତି । ସେହିଭଳି ଚଳିତ ମାସ ୨୮ ତାରିଖରେ କଂଗ୍ରେସର ପ୍ରତିଷ୍ଠା ଦିବସ ଅବସରରେ ଭୁବନେଶ୍ବରରେ ଦଳ ପକ୍ଷରୁ ଫ୍ଲାଗ୍ ମାର୍ଚ୍ଚ କରାଯିବ ବୋଲି କୁହାଯାଇଛି । ସେହିଦିନ ଦେଶର ରାଜନୈତିକ ଓ ଅର୍ଥନୈତିକ ସ୍ଥିତିକୁ ନେଇ ରାଜ୍ୟପାଳଙ୍କୁ ଭେଟି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ମାରକ ପତ୍ର ଦେବ କଂଗ୍ରେସ ।
