ନୂଆଦିଲ୍ଲୀ, ୦୨/୧୦: ଟୋକିଓ ଅଲିମ୍ପିକ୍ସରେ ଜାଭେଲିନ୍ ଥ୍ରୋରେ ସୂର୍ଣ୍ଣ ଜିତିଥିବା ନୀରଜ ଚୋପ୍ରା ପୁଣି ଚର୍ଚ୍ଚାରେ । ସେ ଏବେ ମାଳଦ୍ୱୀପରେ ଛୁଟି କଟାଉଛନ୍ତି । ସୁନା ପୁଅ ନୀରଜ ବିଶ୍ୱର ସବୁଠାରୁ ସୁନ୍ଦର ସମୁଦ୍ର କୂଳରେ ଛୁଟିର ମଜା ଉଠାଉଛନ୍ତି । କିନ୍ତୁ ସଦାବେଳେ ଖେଳ ଓ ପ୍ରାକ୍ଟିସ୍ ବାବଦରେ ଭାବୁଥିବା ସୁନା ପୁଅ ପାଣି ଭିତରେ ଜାଭେଲିନ୍ ଥ୍ରୋ ଅଭ୍ୟାସ କରିଛନ୍ତି ।
ନୀରଜ ନିଜେ ଏକ ଭିଡିଓ ସେୟାର କରିଛନ୍ତି । ୨୩ ବର୍ଷୀୟ ଏହି ଖେଳାଳି ଏବେ ଫୁରବେରୀ ରିସୋର୍ଟରେ ରହୁଛନ୍ତି । ଏଠାରେ ସେ ସ୍କୁବା ଡାଇଭିଂ ବେଳେ ଜାଭେଲିନ୍ ଥ୍ରୋ କରିବାର ନକଲ କରିଛନ୍ତି । ଯାହାର ଭିଡିଓ ସେ ଶୁକ୍ରବାର ଇନଷ୍ଟାଗ୍ରାମରେ ସେୟାର କରିଥିଲେ ।
wp:html/wp:html
ଭିଡିଓ କ୍ୟାପ୍ସନରେ ସେ ଲେଖିଛନ୍ତି ଯେ, ସେ ମାଟି, ଆକାଶ ଓ ପାଣିରେ ସର୍ବଦା ଜାଭେଲିନ୍ କଥା ଚିନ୍ତା କରନ୍ତି । ଏହାସହ ଟ୍ରେନିଂ ଆରମ୍ଭ ହୋଇଯାଇଥିବା ସେ ଉଲ୍ଲେଖ କରିଛନ୍ତି ।
ନୀରଜ ଚୋପ୍ରା ନିଜର ବ୍ୟସ୍ତ କାର୍ଯ୍ୟସୂଚୀ ଓ ଅସୁସ୍ଥତା ପାଇଁ ଚଳିତ ସିଜିନ ଅଧାରୁ ଓହରି ଆସିଥିଲେ । ସେ ଭାରତର ଅଲିମ୍ପିକ୍ସ ଇତିହାସରେ ସୁନା ଜିତିଥିବା ଦ୍ୱିତୀୟ ଭାରତୀୟ ଅଟନ୍ତି । ସେ ଟୋକିଓ ଅଲିମ୍ପିକ୍ସରେ ସୁନା ପଦକ ହାସଲ କରିଥିଲେ ।
