ହରିଦ୍ଵାର ୩୦/୧- ବିବାହ ଭୋଜିକୁ ଯୋଗଦେବାକୁ ଯାଇଥିବା ମହିଳା ପ୍ରେମୀସହ ହୋଇଛି ଫେରାର । ଫେରାର ହୋଇଥିବା ନଅଟି ଛୁଆର ମାଆକୁ ଫେରାଇ ଆଣିବାକୁ ସ୍ଵାମୀ ଥାନାଧିକାରୀଙ୍କ ପାଖରେ କରିଛି ପ୍ରାର୍ଥନା ।
ଏହିଭଳି ଘଟଣା ଘଟିଛି ଉତ୍ତରାଂଚଳ ହରିଦ୍ଵାରରେ । ଜଣେ ମହିଳା ପ୍ରେମୀସହ ହୋଇଛି ଫେରାର । ଡ଼େରାଡ଼ୁନର ଏକ ବିବାହ ଭୋଜିକୁ ଯୋଗଦେବାକୁ ଯାଇଥିବା ଏହି ମହିଳା ଘରକୁ ଫେରି ନଥିଲା । ମହିଳାଙ୍କର ନଅଟି ପିଲାଥିବା ଅଭିଯୋଗ କରିଛନ୍ତି ତାଙ୍କ ସ୍ଵାମୀ । ଡ଼େରାଡ଼ୁନ ରାୟପୁରର ଜଣେ ଯୁବକଙ୍କ ସହ ପଳେଇଯାଇଥିବା ନେଇ ତାଙ୍କ ସ୍ବାମୀ ଥାନାରେ ଆଣିଥିଲେ ଅଭିଯୋଗ ।
ମହିଳାଙ୍କୁ ଫେରାଇ ଆଣିବାକୁ ତାଙ୍କ ସ୍ଵାମୀ ଥାନାଧିକାରୀଙ୍କୁ କରିଛନ୍ତି ନିବେଦନ । ନଅଟି ପିଲାଙ୍କୁ ସମ୍ଭାଳିବା ଓ ଦାୟିତ୍ଵନେବା ତାଙ୍କ ପକ୍ଷେ କଷ୍ଟକର ବୋଲି କହିଛନ୍ତି ତାଙ୍କ ସ୍ଵାମୀ ।
ସେ ଫେରୁପୁର ଥାନାଧିକାରୀଙ୍କ ପାଖରେ ମାମଲା ଦାୟର କରିବା ବଦଳରେ କରିଛନ୍ତି ଆକୁଳ ନିବେଦନ । ସ୍ତ୍ରୀକୁ ଫେରାଇଆଣିବାକୁ ସେ ଥାନାଧିକାରୀଙ୍କୁ କହିଥିବା ଜଣାଯାଇଛି ।
ଅପରପକ୍ଷରେ ଫେରାର ପ୍ରେମୀଯୁଗଳଙ୍କୁ ଠାବ କରିପାରିନି ପୋଲିସ ।
