ଭୁବନେଶ୍ବର ୨୮।୪: ଅଙ୍ଗାଡିଆ ସ୍କିମ ନାଁରେ ଠକେଇ । କୋଟିଏ ଟଙ୍କା କ୍ୟାସ୍ ଦେଲେ ଆକାଉଣ୍ଟକୁ ଯିବ ଦେଢ କୋଟି । ଏଭଳି ଏକ କାରବାର ଚାଲିଥିବା ବେଳେ କମିଶନରେଟ୍ ପୋଲିସ ପକ୍ଷରୁ ଚଢାଉ କରାଯାଇଥିଲା । ୩ ପୋଲିସ କର୍ମଚାରୀଙ୍କ ସମେତ ୯ ଜଣଙ୍କୁ ଗିରଫ କରିଛି ପୋଲିସ । ବ୍ୟବସାୟୀଙ୍କ ସୂଚନା ଅନୁସାରେ ଜବତ ହୋଇଛି ୪୦ ପ୍ୟାକେଟ୍ ଟଙ୍କା ବିଡା । ଯେଉଁଥିରେ ପାଖାପାଖି କୋଟିଏ ଟଙ୍କା ଥିଲା ।
୩ ପୋଲିସ କର୍ମଚାରୀ ହେଲେ ଭୁବନେଶ୍ବର UPDର ଦିଲୀପ ପୃଷ୍ଟି ଓ ସନ୍ଦୀପ ପୃଷ୍ଟି ଏବଂ କଟକ UPDର ପ୍ରଫୁଲ ଭୂୟାଁ । ଏମାନଙ୍କ ନିକଟରୁ ୯ଟି ପ୍ୟାକେଟରୁ ୨୨ ଲକ୍ଷ ୫୦ ହଜାର ଟଙ୍କା ଜବତ ହୋଇଛି । ଦଲାଲ୍ଙ୍କ ସହ ମିଶି ନକଲି ପୋଲିସ ରେଡ୍ କରି ଟଙ୍କା ହଡପ କରିଥିଲେ ।
କରଞ୍ଜିଆର ବ୍ୟବସାୟୀ କମଲ୍ ଶାହାକୁ ଠକିବାକୁ ହୋଇଥିଲା ଯୋଜନା । ଫରେଷ୍ଟ ପାର୍କ ନିକଟରେ ଥିବା ଏକ ହୋଟେଲରେ ଡିଲ୍ ଚାଲିଥିବା ବେଳେ ପୋଲିସ ଚଢାଉ କରି ଗିରଫ କରିଛି । ଏହି ଘଟଣାରେ ଅନ୍ୟ କିଛି ପୋଲିସ ଓ ଦଲାଲ ଫେରାର ଥିବା ଡିସିପି ସୂଚନା ଦେଇଛନ୍ତି ।