ବାରଙ୍ଗ ୧|୬: ନନ୍ଦନକାନନ ପ୍ରାଣୀ ଉଦ୍ୟାନରେ ଜନ୍ମ ହେଲା ନୀଳଗିରି ଲାଙ୍ଗୁର । ଖୁଆଡ ନଂ ୫୩ରେ ରହୁଥିବା ମାଈ ନୀଳଗିରି ଲାଙ୍ଗୁର ଆଜି ଏକ ଶାବକକୁ ଜନ୍ମ ଦେଇଛି । ଉଭୟ ମା’ ଛୁଆ ସୁସ୍ଥ ଅଛନ୍ତି ।
ଗତ ଶୁକ୍ରବାର ଏହାର ଅଣ୍ଡିରା ନୀଳଗିରି ଲାଙ୍ଗୁରର ମୃତ୍ୟୁ ହୋଇଥିଲା । ଯାହାକୁ ନେଇ ନନ୍ଦନକାନନ କର୍ତ୍ତୃପକ୍ଷ ନିରାଶ ହୋଇ ପଡିଥିଲେ। ବାପ ମୃତ୍ୟୁ ପରେ ସନ୍ତ।ନ ଜନ୍ମ ହେବା ଖବର ଶୁଣି ନନ୍ଦନକାନନରେ ଖୁସିର ଲହରି ଖେଳି ଯାଇଛି । ଅଣ୍ଡିରା ଲାଙ୍ଗୁରର ମୃତ୍ୟୁ ପରେ ନନ୍ଦନକାନନରେ ଆଉ ଏକମାତ୍ର ମାଈ ନୀଳଗିରି ଲାଙ୍ଗୁର ରହିଥିଲା । ଏବେ ଏମାନଙ୍କ ସଂଖ୍ୟା ୨କୁ ବୃଦ୍ଧି ପାଇଛି ।
ଗତ ୨୦୧୭ମସିହାରେ ଜନ୍ତୁ ଅଦଳବଦଳ ପ୍ରକ୍ରିୟାରେ ଚେନ୍ନାଇ ଆରିଗନାର ଆନ୍ନା ଜୁଲୋଜିକାଲ ପାର୍କରୁ ଏକ ହଳ ନୀଳଗିରି ଲାଙ୍ଗୁର ଅଣାଯାଇଥିଲା। ଏହି ବିଲୁପ୍ତ ପ୍ରାୟ ଜନ୍ତୁ ନୀଳଗିରି ଲାଙ୍ଗୁର ଭାରତର ଦକ୍ଷିଣ ପଶ୍ଚିମ ନୀଳଗିରି ପାର୍ବତ୍ୟାଞ୍ଚଳରେ ଦେଖା ଯାଇଥାନ୍ତି।