ଲମତାପୁଟ, ୦୭/୧୧: ଦୀର୍ଘ ୯ ମାସ ପରେ ମିଳିଲା ମୃତଦେହ । ଉଦ୍ଧାର ହେଲା ନିଖୋଜ ବ୍ୟକ୍ତିଙ୍କ କଙ୍କାଳ । ଏପରି ଏକ ଅଭାବନୀୟ ଘଟଣା ସାମ୍ନାକୁ ଆସିଛି ଲମତାପୁଟ ପାଡୁଆ ଅଞ୍ଚଳରେ ।
ସୂଚନାନୁସାରେ, ଲମତାପୁଟ ଥାନା ଅନ୍ତର୍ଗତ ଡୁମୁରିବାରି ଗ୍ରାମର ଦାସ ହେନ୍ତାଳ ଗତ ୯ ମାସ ଧରି ନିଖୋଜ ଥିଲେ । ତାଙ୍କର କୌଣସି ପତ୍ତା ମିଳୁନଥିଲା । ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ କୌଣସି ସନ୍ଧାନ ମିଳିପାରି ନଥିଲା । ତେବେ ଦୀର୍ଘ ୯ ମାସ ପରେ ମଧ୍ୟ ତାଙ୍କର ସନ୍ଧାନ ପାଇନଥିଲେ ପରିବାର ଲୋକେ ଓ ପୋଲିସ।
ତେବେ ରବିବାର ଦାସଙ୍କର କଙ୍କାଳ ଉଦ୍ଧାର ହୋଇଛି । ପାଡୁଆ ପୋଲିସ କଙ୍କାଳ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । ତାଙ୍କୁ ହତ୍ୟା କରାଯାଇଥିବା ଅଭିଯୋଗରେ ପୋଲିସ ମୁଖ୍ୟ ଅଭିଯୁକ୍ତ ଶିବ ଖରା ସହ ୫ ଜଣଙ୍କୁ ଗିରଫ କରିଛି ।