Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଚିନ୍ ପାଇଲଟ୍‌ଙ୍କ ଫୁସଫୁସରେ ସଂକ୍ରମଣ, ଆଜି ଆସିବ ଟେଷ୍ଟ ରିପୋର୍ଟ
  • ||
  • ବରିଷ୍ଠ ବିଜେପି ନେତାଙ୍କ ବିବାଦୀୟ ବୟାନ୍-‘ମୁସଲମାନ୍ ପ୍ରାର୍ଥୀଙ୍କୁ କେବେ ବି ଦେବୁନି ଟିକେଟ୍’
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ଚୀନକୁ ଆଉ ଏକ ଝଟ୍‌କା: ଏହି ଚାଇନିଜ୍ କମ୍ପାନୀକୁ ଅଯୋଗ୍ୟ ଘୋଷଣା କଲା NHAI

8/09/2020 at 5:48 PM

ନୂଆଦିଲ୍ଲୀ ୦୮/୦୯ : ଭାରତ ଚୀନ ମଧ୍ୟରେ ଚାଲିଥିବା ସୀମା ବିବାଦ ଯୋଗୁଁ କେନ୍ଦ୍ର ସରକାରଙ୍କ ରାଷ୍ଟ୍ରୀୟ ରାଜମାର୍ଗ ପ୍ରାଧିକରଣ (National Highway Authority of India) ଚୀନର ଏକ କମ୍ପାନୀକୁ ଅଯୋଗ୍ୟ ଘୋଷିତ କରିଛି | ପଶ୍ଚିମବଙ୍ଗରେ ଗଙ୍ଗା ନଦୀ ଉପରେ ଏକ ନିର୍ମାଣାଧୀନ ପୋଲ ଗାର୍ଡର ଭାଙ୍ଗିଯିବା ମାମଲାରେ କମ୍ପାନୀ ଦାୟୀ ଥିବା ଜଣାପଡିଥିଲା | ସେଥିପାଇଁ କମ୍ପାନୀ ଆଗାମୀ ୩ ବର୍ଷ ଯାଏଁ NHAI ର କୌଣସି ପରିଯୋଜନାରେ ଭାଗ ନେବନାହିଁ |

NHAI ରୁ ପ୍ରାପ୍ତ ସୂଚନା ଅନୁଯାୟୀ, ପଶ୍ଚିମବଙ୍ଗରେ ଏନଏଚ ୩୪ରେ ଫରକ୍କାରୁ ରାଣୀଗଞ୍ଜ ରାସ୍ତାକୁ ୪ ଲେନ ବିଶିଷ୍ଟ କରାଯାଉଛି | ଏହି ଭାଗରେ ଗଙ୍ଗା ନଦୀ ଉପରେ ଏକ ପୋଲ ତିଆରି ହେଉଛି | ସେହି ପୋଲ ଉପରେ ଗାର୍ଡର ଲଂଚିଙ୍ଗ ସମୟରେ ଫେବୃଆରୀ ୧୬ ତାରିଖରେ ଏକ ଦୁର୍ଘଟଣା ହୋଇଥିଲା | ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଥିଲା | ଏହି ମାମଲାରେ ପୋଲ ବିଶେଷଜ୍ଞଙ୍କ ଦ୍ୱାରା ଯାଞ୍ଚ ହୋଇଥିଲା | ଯାଞ୍ଚ ପ୍ରକ୍ରିୟାରେ ଚୀନର ଏହି କମ୍ପାନୀ ଦାୟୀ ଥିବା ସାମ୍ନାକୁ ଆସିଥିଲା | 

NHAI ଅନୁଯାୟୀ, ଏହି ପରିଯୋଜନାକୁ କାର୍ଯ୍ୟରୂପ ଦେଉଥିବା ଚାଇନିଜ କମ୍ପାନୀ କିଙ୍ଗଦାଓ କନ୍ସଟ୍ରକ୍ସନ ଇଂଜିନିୟରିଂ (Qingdao Construction Engineering) ଗ୍ରୁପ କମ୍ପାନୀ ଲିମିଟେଡ଼ ଏବଂ ଘରୋଇ କମ୍ପାନୀ ଆରକେଇସି ପ୍ରୋଜେକ୍ଟସ ଲିମିଟେଡ଼ (RKEC Projects Ltd) ଉପରେ ସଂଯୁକ୍ତ ରୂପେ ଭବିଷ୍ୟତରେ କୌଣସି ପରିଯୋଜନାରେ ସ୍ୱାମୀ ନ ହେବାକୁ ପ୍ରତିବନ୍ଧକ ଲଗାଯାଇଛି |

ଏହି ପରିଯୋଜନାରେ ହୋଇଥିବା ଦୁର୍ଘଟଣା ପରେ ଏନଏଚଏଆଇ ମାମଲାର ତଦନ୍ତ ପାଇଁ ପୋଲ ବିଶେଷଜ୍ଞ ନିଯୁକ୍ତ କରିଥିଲେ | ଏଥିପାଇଁ ଠିକାଦାର, ଡିଜାଇନ କନ୍ସଲଟାଣ୍ଟ ଏବଂ ଲଂଚିଙ୍ଗ ଗାର୍ଡର ଡିଜାଇନର ମଧ୍ୟରେ ସଠିକ ଯୋଗାଯୋଗ ହୋଇନଥିବା ବିଶେଷଜ୍ଞ ନିଜ ତଦନ୍ତରେ ଜାଣିବାକୁ ପାଇଥିଲେ | ଏଥିପାଇଁ ଠିକାଦାର, ଡିଜାଇନ କନ୍ସଲଟାଣ୍ଟ ଏବଂ ଲଂଚିଙ୍ଗ ଗାର୍ଡର ପ୍ରଣାଳୀକୁ ଦୋଷୀ ସାବ୍ୟସ୍ତ କରାଯାଇଥିଲା | କିନ୍ତୁ ଏହି ଅସଫଳତା ପାଇଁ ସେ କୌଣସି କାରଣ ଦର୍ଶାଇ ପାରିନଥିଲେ |

   Related Posts