ନୂଆଦିଲ୍ଲୀ,୦୬/୦୧: ନ୍ୟୁଜିଲାଣ୍ଡ ଆଇସିସି ଟେଷ୍ଟ ରାଙ୍କିଂରେ ଅଷ୍ଟ୍ରେଲିଆକୁ ପଛରେ ପକାଇ ଶୀର୍ଷ ସ୍ଥାନ ଦଖଲ କରିଛି । ରାଙ୍କିଂ ଇତିହାସରେ ପ୍ରଥମ ଥର ପାଇଁ ଏହି ଉପଲବ୍ଧ ହାସଲ କରିଛି କିଓ୍ୱି ଟିମ୍ । ବୁଧବାର ଦଳ ଖ୍ରୀଷ୍ଟଚର୍ଚ୍ଚରେ ପାକିସ୍ତାନକୁ ଗୋଟିଏ ଇନିଂସ ଓ ୧୭୬ ରନରେ ମାତ୍ ଦେଇଥିଲା । ଏହାସହ ଦଳ ଦୁଇ ମ୍ୟାଚ୍ ବିଶିଷ୍ଟ ସିରିଜକୁ କ୍ଲିନ୍ ସ୍ୱିପ୍ କରିଥିଲା ।
କେନ୍ ଓ୍ୱିଲମସନଙ୍କ ନେତୃତ୍ୱରେ ଦଳ ପ୍ରଥମ ଟେଷ୍ଟରେ ପାକିସ୍ତାନକୁ ୧୦୧ ରନରେ ହରାଇଥିଲା । ଏହି ସିରିଜ ବିଶ୍ୱ ଟେଷ୍ଟ ଚାମ୍ପିଅନସିପର ଅଂଶ ବିଶେଷ । ଏବେ ନ୍ୟୁଜିଲାଣ୍ଡର ପଏଣ୍ଟ ହେଉଛି ୧୨୦ । ସେହିପରି ଦଳର ରେଟିଂ ଅଙ୍କ ହେଉଛି ୧୧୮ । ଅଷ୍ଟ୍ରେଲିଆ ୧୧୬ ରେଟିଂ ଅଙ୍କ ସହ ଦୁଇ ନମ୍ବରରେ ରହିଛି । ଏବେସୁଦ୍ଧା ଟେଷ୍ଟ ରାଙ୍କିଂରେ ଅଷ୍ଚ୍ରେଲିଆ ଶୀର୍ଷରେ ଥିଲା ।
wp:html/wp:html?? NEW ZEALAND ARE NO.1️⃣?
— ICC (@ICC) January 6, 2021
Victory over Pakistan has sent Kane Williamson's side to the ? of the @MRFWorldwide ICC Test Team Rankings!
They have achieved the feat for the first time in rankings history ? pic.twitter.com/8lKm6HebtO
ବୁଧବାର ନ୍ୟୁଜିଲାଣ୍ଡ ଓ ପାକିସ୍ତାନ ମଧ୍ୟରେ ଖେଳାଯାଇଥିବା ଟେଷ୍ଟରେ ପାକ୍ ଦ୍ୱିତୀୟ ଇନିଂସରେ ୧୮୬ ରନରେ ଅଲଆଉଟ୍ ହୋଇଯାଇଥିଲା । କିଓ୍ୱି ବୋଲର କାଇଲ ଜେମିସନ ୪୮ ରନ୍ ଦେଇ ୬ ଓ୍ୱିକେଟ୍ ନେଇଥିଲେ । ପ୍ରଥମ ଇନିଂସରେ ଜେମିସନ୍ ୫ଟି ଓ୍ୱିକେଟ୍ ନେଇଥିଲେ । ଏପରି ଭାବେ ସେ ଏହି ଟେଷ୍ଟରେ ୧୧ଟି ଓ୍ୱିକେଟ୍ ନେଇଛନ୍ତି ।
ସୂଚନାଯୋଗ୍ୟ, ନ୍ୟୁଜିଲାଣ୍ଡ ପ୍ରଥମ ପାଳିରେ ୬ ଓ୍ୱିକେଟ୍ ହରାଇ ୬୫୯ ରନ୍ କରି ପାକ୍ ବିପକ୍ଷରେ ୩୬୨ ରନରେ ଆଗୁଆ ରହିଥିଲା । ଦ୍ୱିତୀୟ ଇନିଂସରେ ପାକ୍ ୨୯୭ ରନରେ ଅଲଆଉଟ୍ ହୋଇଯାଇଥିଲା ।