Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||
  • ନିଆଳି : ଭାରସାମ୍ୟ ହରାଇ ନାଳକୁ ଖସିପଡିଲା ଟ୍ରକ୍ : ଜଣେ ମୃତ, ଦୁଇ ଗୁରୁତର
  • ||

ଦୁଇଟି ଅଭାବନୀୟ ଘଟଣା: ଯାଜପୁରରେ ଡାକ୍ତରଙ୍କ ଭୁଲ ଇଞ୍ଜେକ୍ସନ ଯୋଗୁଁ ଆକିବୁଜିଲେ ନାବାଳିକା! ବ୍ରହ୍ମପୁରରେ ରାସ୍ତାରେ ପ୍ରସବ କଲେ ମହିଳା…

23/08/2019 at 6:17 PM

ଭୁବନେଶ୍ବର୨୩|୮: ଡାକ୍ତରଙ୍କ ଭୁଲ୍‌ ଚିକିତ୍ସାରେ ପୁଣି ଜଣେ ଶିଶୁର ଜୀବନ ଯାଇଥିବା ଅଭିଯୋଗ ।  ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖାଦେଇଥିବା ଅଭାବନୀୟ ଘଟଣା ପରେ ସେଠାରେ ଉତ୍ତେଜନା ପ୍ରକାଶ ପାଇଛି । ସେପଟେ ବ୍ରହ୍ମପୁରରେ ରାସ୍ତାରେ ପ୍ରସବ କରିଛନ୍ତି ଜଣେ ମହିଳା । ତାଙ୍କୁ ବ୍ରହ୍ମପୁର ଏମ୍‌କେସିଜିକୁ ସ୍ଥାନାନ୍ତର କରାଯାଇଛି ।

ଝିଅକୁ ହରାଇ ଡାକ୍ତରଖାନା ପିଣ୍ଡାରେ କାନ୍ଦିକାନ୍ଦି ଲୋଟି ପଡୁଛନ୍ତି ବାପା ମା । ଯିଏ ଦେଖୁଛି ତା ଆଖିରୁ ବି ଲୁହ ଝରୁଛି । ଯାଜପୁର ଜିଲ୍ଲା ହସ୍ପିଟାଲରେ ଏଭଳି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି । ହରିପୁରର ନୀଳମଣି ବରାଳଙ୍କ ଝିଅ ପୂଜାରିଣୀଙ୍କୁ ବାତ ମାରିଥିଲା । ନୀଳମଣି ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।

ଡାକ୍ତର ଇଞ୍ଜେକ୍ସନ ଦେଇଥିଲେ। ଇଂଜେକ୍ସନ ନେବା ପରେପରେ ହିଁ ପୂଜାରିଣୀ ବେହୋସ ହୋଇଯାଇଥିଲେ । ପରିବାର ଲୋକେ ଡାକ୍ତରଙ୍କୁ ଡାକିଥିଲେ ବି କେହି ଆସିନଥିଲେ । ପରେ ଝିଅର ମୃତ୍ୟୁ ହୋଇଥିଲା । ଭୂଲ୍‌ ଇଂଜେକ୍ସନ ପାଇଁ ହିଁ ପୂଜାରିଣୀଙ୍କ ମୃତ୍ୟୁ ହେଲା ବୋଲି ତାଙ୍କ ବାପା ମା ଅଭିଯୋଗ କରିଛନ୍ତି ।

ଇଞ୍ଜେକ୍ସନ ଅଧା ଡୋଜ୍‌ ବଦଳରେ ପୂରା ଡୋଜ ଦିଆଯାଇଥିବା ସେମାନେ ଅଭିଯୋଗ କରିଛନ୍ତି।  ଝିଅର ମୃତ୍ୟୁକୁ ନେଇ ଡାକ୍ତରଖାନାରେ ଉତ୍ତେଜନା ପ୍ରକାଶ ପାଇଥିଲା । ମୃତଦେହ ରଖି ପରିବାର ଲୋକ ଧାରଣାରେ ବସିଥିଲେ । ପରେ ପୂଜାରିଣୀଙ୍କ ପୋଷ୍ଟମର୍ଟମ କରାନଯାଇ ମୃତଦେହକୁ ଘରକୁ ପଠାଇ ଦିଆଯାଇଛି । ଏପରିକି ପୋଲିସକୁ ବି ଖବର ଦେଇନଥିଲେ ଡାକ୍ତରଖାନା କର୍ତ୍ତୃପକ୍ଷ । ଯାହାକୁ ନେଇ ନାନା ସଂଦେହ ସୃଷ୍ଟି ହୋଇଛି । 

ଏ ଦୃଶ୍ୟକୁ ବି ଦେଖନ୍ତୁ । ବ୍ରହ୍ମପୁର କୋର୍ଟପେଟା ଛକ ରାସ୍ତା ଉପରେ ପ୍ରସବ କରିଛନ୍ତି ଜଣେ ମହିଳା । ପାତ୍ରପୁର ସାମନ୍ତିଆପଲ୍ଲୀ ଅଞ୍ଚଳର । ବସରୁ ଓହ୍ଲାଇ ମେଡିକାଲ ଯାଉଥିବା ବେଳେ ମହିଳାଙ୍କ ପ୍ରସବ ବେଦନା ହୋଇଥିଲା । ରାସ୍ତା ଉପରେ ହିଁ ଶୋଇପଡିଥିଲେ ମହିଳା ଜଣଙ୍କ ।କିଛି ମହିଳା ଓ ସେହିବାଟ ଦେଇଯାଉଥିବା ଜଣେ ମହିଳା ଡାକ୍ତର ସ୍ମୃତି ରଂଜନ ପଟ୍ଟନାୟକ ପ୍ରାଥମିକ ଚିକିତ୍ସା ଆରମ୍ଭ କରିଦେଇଥିଲେ ।ସେହିଠାରେ ହିଁ ଶିଶୁକନ୍ୟା ଜନ୍ମ ଦେଇଥିଲେ ମହିଳା ।

ପରେ ସ୍ଥାନୀୟ ଲୋକଙ୍କ ସହାୟତାରେ ଆମ୍ବୁଲାନ୍ସ ଯୋଗେ ମହିଳାଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଏବେ ଉଭୟ ମା ଓ ଶିଶୁ ସୁସ୍ଥ ଅଛନ୍ତି । ମହିଳାଙ୍କ ସାଙ୍ଗରେ କେହି ପରିବର ଲୋକ ନଥିବା ବେଳେ କେବଳ ୪ ବର୍ଷର ପୁଅ ଥିଲା ।

ରାଜ୍ୟରେ ସ୍ବାସ୍ଥ୍ୟସେବାରେ ପରିବର୍ତ୍ତନ ପାଇଁ କାଲି ସ୍ବାସ୍ଥ୍ୟମନ୍ତ୍ରୀ ବରିଷ୍ଠ ଅଧିକାରୀଙ୍କୁ ନେଇ ସମୀକ୍ଷା ବୈଠକ କରିଥିଲେ । ହେଲେ ୨୪ ଘଣ୍ଟା ନପୁରୁଣୁ ଏହି ଦୁଇ ଦୁଇଟି ଘଟଣା ରାଜ୍ୟ ସ୍ବାସ୍ଥ୍ୟବ୍ୟବସ୍ଥାର ଅସୁସ୍ଥତାକୁ ପଦାରେ ପକାଇଛି ।…

   Related Posts