ଭୁବନେଶ୍ବର୨୩|୮: ଡାକ୍ତରଙ୍କ ଭୁଲ୍ ଚିକିତ୍ସାରେ ପୁଣି ଜଣେ ଶିଶୁର ଜୀବନ ଯାଇଥିବା ଅଭିଯୋଗ । ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖାଦେଇଥିବା ଅଭାବନୀୟ ଘଟଣା ପରେ ସେଠାରେ ଉତ୍ତେଜନା ପ୍ରକାଶ ପାଇଛି । ସେପଟେ ବ୍ରହ୍ମପୁରରେ ରାସ୍ତାରେ ପ୍ରସବ କରିଛନ୍ତି ଜଣେ ମହିଳା । ତାଙ୍କୁ ବ୍ରହ୍ମପୁର ଏମ୍କେସିଜିକୁ ସ୍ଥାନାନ୍ତର କରାଯାଇଛି ।
ଝିଅକୁ ହରାଇ ଡାକ୍ତରଖାନା ପିଣ୍ଡାରେ କାନ୍ଦିକାନ୍ଦି ଲୋଟି ପଡୁଛନ୍ତି ବାପା ମା । ଯିଏ ଦେଖୁଛି ତା ଆଖିରୁ ବି ଲୁହ ଝରୁଛି । ଯାଜପୁର ଜିଲ୍ଲା ହସ୍ପିଟାଲରେ ଏଭଳି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି । ହରିପୁରର ନୀଳମଣି ବରାଳଙ୍କ ଝିଅ ପୂଜାରିଣୀଙ୍କୁ ବାତ ମାରିଥିଲା । ନୀଳମଣି ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।
ଡାକ୍ତର ଇଞ୍ଜେକ୍ସନ ଦେଇଥିଲେ। ଇଂଜେକ୍ସନ ନେବା ପରେପରେ ହିଁ ପୂଜାରିଣୀ ବେହୋସ ହୋଇଯାଇଥିଲେ । ପରିବାର ଲୋକେ ଡାକ୍ତରଙ୍କୁ ଡାକିଥିଲେ ବି କେହି ଆସିନଥିଲେ । ପରେ ଝିଅର ମୃତ୍ୟୁ ହୋଇଥିଲା । ଭୂଲ୍ ଇଂଜେକ୍ସନ ପାଇଁ ହିଁ ପୂଜାରିଣୀଙ୍କ ମୃତ୍ୟୁ ହେଲା ବୋଲି ତାଙ୍କ ବାପା ମା ଅଭିଯୋଗ କରିଛନ୍ତି ।
{"id":147971}ଇଞ୍ଜେକ୍ସନ ଅଧା ଡୋଜ୍ ବଦଳରେ ପୂରା ଡୋଜ ଦିଆଯାଇଥିବା ସେମାନେ ଅଭିଯୋଗ କରିଛନ୍ତି। ଝିଅର ମୃତ୍ୟୁକୁ ନେଇ ଡାକ୍ତରଖାନାରେ ଉତ୍ତେଜନା ପ୍ରକାଶ ପାଇଥିଲା । ମୃତଦେହ ରଖି ପରିବାର ଲୋକ ଧାରଣାରେ ବସିଥିଲେ । ପରେ ପୂଜାରିଣୀଙ୍କ ପୋଷ୍ଟମର୍ଟମ କରାନଯାଇ ମୃତଦେହକୁ ଘରକୁ ପଠାଇ ଦିଆଯାଇଛି । ଏପରିକି ପୋଲିସକୁ ବି ଖବର ଦେଇନଥିଲେ ଡାକ୍ତରଖାନା କର୍ତ୍ତୃପକ୍ଷ । ଯାହାକୁ ନେଇ ନାନା ସଂଦେହ ସୃଷ୍ଟି ହୋଇଛି ।
{"id":147972}ଏ ଦୃଶ୍ୟକୁ ବି ଦେଖନ୍ତୁ । ବ୍ରହ୍ମପୁର କୋର୍ଟପେଟା ଛକ ରାସ୍ତା ଉପରେ ପ୍ରସବ କରିଛନ୍ତି ଜଣେ ମହିଳା । ପାତ୍ରପୁର ସାମନ୍ତିଆପଲ୍ଲୀ ଅଞ୍ଚଳର । ବସରୁ ଓହ୍ଲାଇ ମେଡିକାଲ ଯାଉଥିବା ବେଳେ ମହିଳାଙ୍କ ପ୍ରସବ ବେଦନା ହୋଇଥିଲା । ରାସ୍ତା ଉପରେ ହିଁ ଶୋଇପଡିଥିଲେ ମହିଳା ଜଣଙ୍କ ।କିଛି ମହିଳା ଓ ସେହିବାଟ ଦେଇଯାଉଥିବା ଜଣେ ମହିଳା ଡାକ୍ତର ସ୍ମୃତି ରଂଜନ ପଟ୍ଟନାୟକ ପ୍ରାଥମିକ ଚିକିତ୍ସା ଆରମ୍ଭ କରିଦେଇଥିଲେ ।ସେହିଠାରେ ହିଁ ଶିଶୁକନ୍ୟା ଜନ୍ମ ଦେଇଥିଲେ ମହିଳା ।
{"id":147973}ପରେ ସ୍ଥାନୀୟ ଲୋକଙ୍କ ସହାୟତାରେ ଆମ୍ବୁଲାନ୍ସ ଯୋଗେ ମହିଳାଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଏବେ ଉଭୟ ମା ଓ ଶିଶୁ ସୁସ୍ଥ ଅଛନ୍ତି । ମହିଳାଙ୍କ ସାଙ୍ଗରେ କେହି ପରିବର ଲୋକ ନଥିବା ବେଳେ କେବଳ ୪ ବର୍ଷର ପୁଅ ଥିଲା ।
{"id":147974}ରାଜ୍ୟରେ ସ୍ବାସ୍ଥ୍ୟସେବାରେ ପରିବର୍ତ୍ତନ ପାଇଁ କାଲି ସ୍ବାସ୍ଥ୍ୟମନ୍ତ୍ରୀ ବରିଷ୍ଠ ଅଧିକାରୀଙ୍କୁ ନେଇ ସମୀକ୍ଷା ବୈଠକ କରିଥିଲେ । ହେଲେ ୨୪ ଘଣ୍ଟା ନପୁରୁଣୁ ଏହି ଦୁଇ ଦୁଇଟି ଘଟଣା ରାଜ୍ୟ ସ୍ବାସ୍ଥ୍ୟବ୍ୟବସ୍ଥାର ଅସୁସ୍ଥତାକୁ ପଦାରେ ପକାଇଛି ।…