Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

୨ ବର୍ଷ ଧରି ଯୌନ ଉତ୍ପୀଡ଼ନ କରୁଥିବା ସମ୍ପାଦକଙ୍କୁ ହତ୍ୟା କଲା ଟ୍ରେନି

18/03/2019 at 6:26 PM

ମୁମ୍ବାଇ ୧୮/୩ : ମୁମ୍ବାଇର ଏକ ମାସିକ ଖାବକାଗଜ ଇଣ୍ଡିଆ ଅନବାଉଣ୍ଡର ସମ୍ପାଦକଙ୍କୁ ନିର୍ମମ ହତ୍ୟା କରାଯାଇଛି | ସେ ମାର୍ଚ୍ଚ ୧୫ ତାରିଖରୁ ନିଖୋଜ ଥିଲେ | ସ୍ଥାନୀୟ ଥାନାରେ ତାଙ୍କ ନିଖୋଜ ଥିବା ଏତଲା ଦିଆଯାଇଥିଲା | ଏହି ମାମଲାର ଖୁଲାସା କରି ପୋଲିସ ଜଣେ ଟ୍ରେନି ସାମ୍ବାଦିକ ଏବଂ ମାଗାଜିନର ପ୍ରିଣ୍ଟରକୁ ଗିରଫ କରିଛି | ଯୌନ ଉତ୍ପୀଡ଼ନ ମାମଲାରେ ହତ୍ୟା କରାଯାଇଥିବା କୁହାଯାଉଛି |


ଠାଣେ ଗ୍ରାମୀଣ ପୋଲିସ ଅନୁଯାୟୀ, ମୃତ ସମ୍ପାଦକ ନିତ୍ୟାନନ୍ଦ ପାଣ୍ଡେ | ତାଙ୍କ ଶବ ଗତକାଲି ବିଭତ୍ସ ଅବସ୍ଥାରେ ଉଦ୍ଧାର ହୋଇଥିଲା | ଶବ ଉଦ୍ଧାର ପରେ ପୋଲିସ ତଦନ୍ତ କରିଥିଲା | ତଦନ୍ତ ପରେ ପୋଲିସ ୨୪ ବର୍ଷ ବୟସ୍କ ସହଯୋଗୀ ଅଙ୍କିତା ମିଶ୍ରଙ୍କୁ ପଚରାଉଚୁରା କରିଥିଲା | ଅଙ୍କିତା ଏହି ମାମଲାରେ କିଛି କହିନଥିଲେ |


କିନ୍ତୁ ପୋଲିସ ବାରମ୍ବାର ପଚାରିବାରୁ ସବୁ ଘଟଣା ସାମ୍ନାକୁ ଆସିଥିଲା | ସମ୍ପାଦକଙ୍କ ହତ୍ୟା ଘଟଣା ସମ୍ପର୍କରେ ଅଙ୍କିତା ପୋଲିସ ସମ୍ପୂର୍ଣ ସୂଚନା ଦେଇଥିଲେ | ସେ ପୋଲିସକୁ କହିଥିଲେ ଯେ, ସମ୍ପାଦକ ଗତ ୨ ବର୍ଷ ହେଲା ଲଗାତାର ତାଙ୍କୁ ଯୌନ ଉତ୍ପୀଡ଼ନ ଦେଉଥିଲେ | ସେ ଅଙ୍କିତାଙ୍କୁ ବହୁତ ହଇରାଣ ମଧ୍ୟ କରୁଥିଲେ | ଅଙ୍କିତା ବାରଣ କଲେ ମଧ୍ୟ ସମ୍ପାଦକ ନିତ୍ୟାନନ୍ଦ ତାଙ୍କ ଶୁଣିନଥିଲେ | ଏହାପରେ ଅଙ୍କିତା ମାଗାଜିନର ପ୍ରିଣ୍ଟର ସତୀଶ ମିଶ୍ରଙ୍କ ସହ ମିଶି ପାଣ୍ଡେ ଠାରୁ ମୁକ୍ତି ପାଇବା ପାଇଁ ଏକ ଯୋଜନା ପ୍ରସ୍ତୁତ କରିଥିଲେ | ଯୋଜନା ମୁତାବକ, ଅଙ୍କିତା ଶୁକ୍ରବାର ଦିନ ପାଣ୍ଡେଙ୍କୁ ଏକ ଜାଗା ଦେଖାଇବା ବାହାନାରେ ଏକ ଶୂନଶାନ ଜାଗାକୁ ନେଇଯାଇଥିଲେ | ସେଠାରେ ଅଙ୍କିତା ପାଣ୍ଡେଙ୍କୁ ଏକ ପାନୀୟ ଦେଇଥିଲେ ଯେଉଁଥିରେ ନିଶା ମିଶିଥିଲା | ପାନୀୟ ପିଇବା ପରେ ପାଣ୍ଡେ ବେହୋସ ହୋଇଯାଇଥିଲେ | ପାଣ୍ଡେ ବେହୋସ ହେବାପରେ ଅଙ୍କିତା ଏବଂ ସତୀଶ ପାଣ୍ଡେଙ୍କ ତଣ୍ଟି ଚିପି ହତ୍ୟା କରିଥିଲେ | ଏହାପରେ ଉଭୟ ମିଶି ପାଣ୍ଡେଙ୍କ ଶବକୁ ଭୀମ୍ବଡ଼ିର ଏକ ଶୂନଶାନ ଜାଗାରେ ଫୋପାଡ଼ି ଦେଇ ଫେରାର ହୋଇଯାଇଥିଲେ |


ପାଣ୍ଡେ ମୁମ୍ବାଇର ଜଣେ ପ୍ରତିଷ୍ଠିତ ସମ୍ପାଦକ | ପାଣ୍ଡେଙ୍କର ମୁମ୍ବାଇର ବଡ ବଡ ବ୍ୟବସାୟୀ, ରାଜନେତାଙ୍କ ସହ ବସିବା ଉଠିବା ଥିଲା | ସେ ଭବ୍ୟ ଜୀବନ ଶୈଳୀ ବିତାଉଥିଲେ | ସେ ମହଙ୍ଗା କାର ଚଢ଼ୁଥିଲେ | ତାଙ୍କ ମାଗାଜିନରେ ଅନେକ ସରକାରୀ ବିଜ୍ଞାପନ ମଧ୍ୟ ସ୍ଥାନ ପାଇଥିଲା |

   Related Posts