Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

କରୋନା ଛଡେଇନେଲା ପେସା : ଦିନେ ଥିଲେ ନ୍ୟୁଜ୍ ଚାନେଲ୍‌ର କ୍ୟାମେରା ମ୍ୟାନ୍, ଏବେ ବିକୁଛନ୍ତି ପରିବା

9/07/2020 at 3:24 PM

ଭୋପାଲ ୦୯/୦୭ : ବେଳେବେଳେ ପରିସ୍ଥିତି ଆଗରେ ମଣିଷ ହାର ମାନିଯାଇ | କରୋନା ଭାଇରସ ଅନେକ ଲୋକଙ୍କ ଜୀବନ ଜୀବିକା ଛଡେଇ ନେଇଛି | ଅନେକ ଲୋକ ନିଜ ଚାକିରୀ ହରେଇ ବେକାର ହୋଇଯାଇଛନ୍ତି | କିଛି ଲୋକ ପେଟପାଟଣା ପାଇଁ ଅନ୍ୟ ବିକଳ୍ପ ନ ପାଇ ପରିବା ବିକ୍ରି କରୁଛନ୍ତି ତ କିଏ ଠେଲା ଲଗାଇ ଖାଇବା ବରା ସିଙ୍ଗଡ଼ା ତିଆରି କରୁଛନ୍ତି | ଏହିଭଳି ଅନେକ ମାମଲା ସାମ୍ନାକୁ ଆସିଛି | ସଂକ୍ରମଣ ସମୟରେ ଲୋକଙ୍କ ପାଖକୁ ଖବର ପହଞ୍ଚୁଥିବା ଅନେକ ଲୋକ ଖବର ଦୁନିଆରୁ ମଧ୍ୟ ହଜି ଯାଇଛନ୍ତି | ଏହିଭଳି ଏକ ଘଟଣା ଭୋପାଲରେ ଦେଖିବାକୁ ମିଳିଛି | ଭୋପାଲର ଏକ ନ୍ୟୁଜ ଚାନେଲର କ୍ୟାମେରା ମ୍ୟାନ ଏବେ ପନିପରିବା ବିକ୍ରି କରୁଛନ୍ତି | ନ୍ୟୁଜ ଚାନେଲର କ୍ୟାମେରା ମ୍ୟାନ ଡିପ୍ଲୋମା ଛାତ୍ରଛାତ୍ରୀଙ୍କୁ କ୍ୟାମେରା ମଧ୍ୟ ଶିଖାଉଥିଲା | କିନ୍ତୁ ଏବେ ତାଙ୍କ ପାଖରେ କୌଣସି କାମ ନ ଥିବାରୁ ପେଟପାଟଣା ପାଇଁ ସେ ପନିପରିବା ବିକ୍ରି କରୁଛନ୍ତି | ପରିସ୍ଥିତି ଦେଖି ସେ ନିଜ ପେସା ବି ବଦଳି ଦେଇଛନ୍ତି | କିନ୍ତୁ ସେ ସ୍ୱାଭିମାନ ଭୁଲି କାହା ଆଗରେ ହାତ ପତେଇ ନାହାନ୍ତି | ସେ କହିଛନ୍ତି ଯେ କୌଣସି ବି କାମ ଛୋଟ କିମ୍ବା ବଡ ନୁହେଁ |

ମୋହିତ ଖାଁ ନିୟାଜି ଆଗରୁ ଏକ ନ୍ୟୁଜ ଚାନେଲରେ କ୍ୟାମେରା ମ୍ୟାନ ଥିଲେ | ପରେ ଏକ ୟୁନିଭର୍ସିଟିରେ ଫିଲ୍ଡ କ୍ୟାମେରାମ୍ୟାନ ଭାବେ କାମ କରୁଥିଲେ | ଲକଡାଉନ ତାଙ୍କ ଚାକିରୀ ଚାଲିଗଲା | ଏବେ ସେ ଭୋପାଲ ଜବାହର ଛକରେ ପନିପରିବା ବିକ୍ରି କରୁଛନ୍ତି | ସେ କହିଛନ୍ତି ଯେ ଚାକିରୀ ଚାଲିଯିବା ପରେ ସେ ଚିନ୍ତିତ ହୋଇପଡିଥିଲେ | ଘରେ ସ୍ତ୍ରୀ, ପିଲା, ମା’ ସମସ୍ତଙ୍କ ଭରଣପୋଷଣ ପାଇଁ ସେ କିଛି କାମ କରିବାକୁ ମନସ୍ଥ କଲେ | ପରିବା ବିକାଳୀଙ୍କୁ ଦେଖି ସେ ପାଇବା ବିକ୍ରି କରିବାକୁ ନିଷ୍ପତ୍ତି ନେଲେ | ଆଗରୁ ୧୦ ଦିନ ଯାଏଁ ଘରେ ସେ ଜଣେଇନଥିଲେ ଯେ ସେ ପରିବା ବିକ୍ରି କରୁଛନ୍ତି | କିନ୍ତୁ ପରେ ଘର ଲୋକଙ୍କୁ କହିଥିଲେ |

ହୋଷାଙ୍ଗାବାଦରେ ଜଣେ ଯାଦୁଗର ୮ ବର୍ଷ ହେଲା ବିଭିନ୍ନ ସହରରେ ଯାଦୁ ସର୍କସରେ କାମ କରି ମାସକୁ ୩୦ ହଜାର ଟଙ୍କା ରୋଜଗାର କରୁଥିଲେ | ଲକଡାଉନ ଯୋଗୁଁ ତାଙ୍କର ସବୁ କାମ ବନ୍ଦ ହୋଇଗଲା | ସେ ଏବେ ଘରକୁ ଫେରି ଯାଇଛନ୍ତି | ଏବେ ତାଙ୍କ ହାତ ଯାଦୁ ଦେଖାଉନି | ଏବେ ତାଙ୍କ ହାତ ଅନ୍ୟ କାମ କରୁଛି | ଗତ ୨-୩ ମାସ ହେଲା ସେ ଶ୍ରମିକ ଭାବେ କାମ କରୁଛନ୍ତି | ଘର ଆଦି ପଲସ୍ତର କରୁଛନ୍ତି |

ସିଏମଆଇଇଇ ତାଲିକା ଅନୁଯାୟୀ, ମାର୍ଚ୍ଚ ମାସରେ ମଧ୍ୟପ୍ରଦେଶରେ ବେକାରୀ ହାର ୨.୨ ପ୍ରତିଶତ ଥିଲା | ମେ ମାସରେ ତାହା ବଢି ୨୭.୫ ପ୍ରତିଶତ ହୋଇଛି | ରୋଜଗାର କେନ୍ଦ୍ର ସୂଚନା ଅନୁଯାୟୀ, ମଧ୍ୟପ୍ରଦେଶରେ ପୂର୍ବରୁ ହିଁ ୨୭ ଲକ୍ଷ ବେକାରୀ ପଞ୍ଜିକୃତ ହୋଇଛନ୍ତି | ଯୁବ ଆୟୋଗ ସର୍ଭେରେ ଜଣାପଡିଛି ଯେ କରୋନା ସମୟରେ ୧୨ ଲକ୍ଷ ଲୋକ ଚାକିରୀ ହରାଇଛନ୍ତି | ଲକଡାଉନ ବେଳେ ୭ ଲକ୍ଷରୁ ଅଧିକ ଶ୍ରମିକ ଅନ୍ୟ ରାଜ୍ୟରୁ ଫେରିଛନ୍ତି | ଏମାନଙ୍କୁ କାମ ଯୋଗାଇବା ପାଇଁ ସରକାର ରୋଜଗାର ସେତୁ ପୋର୍ଟାଲ ତିଆରି କରିଛନ୍ତି | କିନ୍ତୁ ଏହି ପୋର୍ଟାଲ ଆଧାରରେ ଏବେ ସୁଦ୍ଧା କିଛି ହଜାର ଲୋକଙ୍କୁ କାମ ମିଳିଛି |a

   Related Posts