Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ବରିଷ୍ଠ ସାମ୍ବାଦିକ ସମ୍ମାନିତ : ପଲ୍ଲୀବାଣୀ ମିଶନ ପକ୍ଷରୁ ନ୍ୟୁଜ୍ ୭ ଏଡିଟର ଅର୍ଦ୍ଧେନ୍ଦୁ ଦାସ ଏବଂ ପ୍ରମେୟ ନ୍ୟୁଜ୍ ଏଡିଟର ଧୀରେନ୍ଦ୍ର ନାରାୟଣ ମିଶ୍ର ସମ୍ମାନିତ

11/08/2019 at 11:44 AM

ନୂଆଦିଲ୍ଲୀ ୧୧|୮: ଦିଲ୍ଲୀର କନଷ୍ଟିଟ୍ୟୁସନ୍ କ୍ଲବ୍ ରେ ଅନୁଷ୍ଠିତ ହୋଇଛି ଓଡିଶା ସାମ୍ବାଦିକତା ପୁରସ୍କାର ପ୍ରଦାନ ସମାରୋହ । ଅଗ୍ରଣୀ ପ୍ରତିଷ୍ଠାନ “ପଲ୍ଲିବାଣୀ ମିଶନ’ ପକ୍ଷରୁ ଓଡ଼ିଆ ଏବଂ ଓଡ଼ିଶାର ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଯୋଗଦାନ ପାଇଁ ଶନିବାର ରାଜ୍ୟର ୭ ଜଣ ପ୍ରତିଭାବାନ ସାମ୍ବାଦିକଙ୍କୁ ଚଳିତ ବର୍ଷ ଓଡ଼ିଶା ସାମ୍ବାଦିକତା ପୁରସ୍କାର ପ୍ରଦାନ କରାଯାଇଛି ।

ସାମ୍ବାଦିକତା କ୍ଷେତ୍ରରେ ଅତୁଳନୀୟ ଅବଦାନ ପାଇଁ ନ୍ୟୁଜ୍ ସେଭେନ୍ ଏଡିଟର ଅର୍ଦ୍ଧେନ୍ଦୁ ଦାସଙ୍କୁ ଏହି ଅବସରରେ ସମ୍ମାନିତ କରାଯାଇଛି । ଏହାସହ ଦୈନିକ ଖବର କାଗଜ ପ୍ରମେୟର ନ୍ୟୁଜ୍ ଏଡିଟର୍ ଧୀରେନ୍ଦ୍ର ନାରାୟଣ ମିଶ୍ରଙ୍କୁ ମଧ୍ୟ ସମ୍ମାନିତ କରାଯାଇଛି ।

ସେହିଭଳି ରାଜ୍ୟର ଆଉ କିଛି ବରିଷ୍ଠ ସାମ୍ବାଦିକ ଓ ବିଶିଷ୍ଟ ସ୍ବାଧୀନତା ସଂଗ୍ରାମୀ ନୀଳମଣି ସାମଲଙ୍କୁ ମଧ୍ୟ ସମ୍ମାନିତ କରାଯାଇଥିଲା ।

ଏହି ସମାରୋହରେ ରାଜଧାନୀ ଦିଲ୍ଲୀରୁ ଦୀର୍ଘ ୨୩ ବର୍ଷ ଧରି ପ୍ରକାଶିତ ହେଉଥିବା ସାହିତ୍ୟ ପତ୍ରିକା ପଲ୍ଲୀବାଣୀ ଏକ ସଂଖ୍ୟାର ଲୋକାର୍ପିତ ହୋଇଥିଲା ।

ଏକ ସମାରୋହରେ ‘ପ୍ରସାର ଭାରତୀ’ର ଅଧ୍ୟକ୍ଷ ଏ. ସୂର୍ଯ୍ୟପ୍ରକାଶ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଏ. ସୂର୍ଯ୍ୟପ୍ରକାଶ ତାଙ୍କ ବକ୍ତବ୍ୟରେ ଆଞ୍ଚଳିକ ଭାଷାମାନଙ୍କର ଗୁରୁତ୍ବକୁ ଆଲୋକପାତ କରିଥିଲେ । ସେ ଓଡ଼ିଆରେ ତାଙ୍କର ଭାଷଣ ଆରମ୍ଭ କରିଥିଲେ । ସୂର୍ଯ୍ୟ ପ୍ରକାଶ କହିଥିଲେ, ପ୍ରତ୍ୟେକ ଲୋକ ନିଜ ମାତୃଭାଷା ଛଡ଼ା ଅନ୍ୟ ଏକ ଆଞ୍ଚଳିକ ଭାଷା ଶିଖିବା ଦରକାର । ଦୁଷ୍କର୍ମ ଓ ହିଂସା ଆଦି ଦେଶର ବିଭିନ୍ନ ସାମାଜିକ ସମସ୍ୟାରେ ସାମ୍ବାଦିକଙ୍କ ଗୁରୁତ୍ବପୂର୍ଣ୍ଣ ଭୂମିକାକୁ ଆଲୋକପାତ କରିଥିଲେ ।

ସମାରୋହରେ ଅନ୍ୟମାନଙ୍କ ମଧ୍ୟରେ ଭାରତ ସରକାରଙ୍କ ମୁଖପାତ୍ର ତଥା ପିଆଇବି ପ୍ରମୁଖ ମହାନିର୍ଦ୍ଦେଶକ ସୀତାଂଶୁ କର, ଭାରତ ସରକାରଙ୍କ ପୂର୍ବତନ ରାଷ୍ଟ୍ରଦୂତ ଅମରେନ୍ଦ୍ର ଖଟୁଆ, ପ୍ରେସ୍‌ କାଉନ୍‌ସିଲର ସଦସ୍ୟା ସୁଷମା ଯାଦବ ଓ ପଲ୍ଲୀବାଣୀ ମିଶନର ଅଧ୍ୟକ୍ଷା ରାମଚନ୍ଦ୍ର ନାଥ ପ୍ରମୁଖ ଅତିଥି ଭାବେ ଯୋଗଦେଇଥିଲେ । ଅମରେନ୍ଦ୍ର ଖଟୁଆ, ସୀତାଂଶୁ କର ଓ ସୁଷମା ଯାଦବ ସେମାନଙ୍କ ଭାଷଣରେ ଦେଶର ବିକାଶ ଓ ସମାଜ ଗଠନରେ ସାମ୍ବାଦିକଙ୍କ ଦାୟିତ୍ୱ ଉଲ୍ଲେଖ କରିଥିଲେ । ସୁଷମା କହିଥିଲେ, ସାମ୍ବାଦିକମାନେ ଯେପରି ସାଧାରଣ ଲୋକଙ୍କ ବିଶ୍ୱାସ ବଜାୟ ରଖିପାରନ୍ତି ସେନେଇ ବିଶେଷ ଗୁରୁତ୍ୱ ଦେବା ଆବଶ୍ୟକ । ସମାଜରେ ସାମ୍ବାଦିକଙ୍କ ଭୂମିକା ଗୁରୁତ୍ୱପୂର୍ଣ୍ଣ ହୋଇଥିବାରୁ ନିଜର ବିଶ୍ୱସନୀୟତା ପ୍ରତି ସେମାନଙ୍କୁ ଯତ୍ନବାନ ରହିବାକୁ ପଡ଼ିବ ବୋଲି ସେ ମତବ୍ୟକ୍ତ କରିଥିଲେ ।

ପଲ୍ଲୀବାଣୀ ମିଶନ ପକ୍ଷରୁ ସଂଗ୍ରାମ ଧର ଧନ୍ୟବାଦ ଦେଇଥିଲେ । କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସମାରୋହ ପାଇଁ ତାଙ୍କର ବାର୍ତ୍ତା ପଠାଇଥିଲେ ।

   Related Posts