Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ଲକ୍ ଡାଉନ୍ ଉଲଂଘନ କରି ପରିବାର ସହ ବିଚ୍‌ରେ ବୁଲିଲେ ନ୍ୟୁଜିଲ୍ୟାଣ୍ଡ ସ୍ବାସ୍ଥ୍ୟମନ୍ତ୍ରୀ, ହେଲା ଏଭଳି କାର୍ଯ୍ୟାନୁଷ୍ଠାନ

7/04/2020 at 12:14 PM

ଓ୍ବିଲିଂଟନ୍ ୭।୪: କରୋନା ଭାଇରସ୍ ମହାମାରୀର ପ୍ରଭାବ ସାରା ବିଶ୍ବରେ ଦେଖିବାକୁ ମିଳିଛି । ପ୍ରାୟ ସବୁ ଦେଶର ଲକ୍ ଡାଉନ୍ ଜାରି କରାଯାଇଛି । ଏହି ଲକ୍ ଡାଉନ୍ ମଧ୍ୟରେ ନ୍ୟୁଜିଲ୍ୟାଣ୍ଡ ସ୍ବାସ୍ଥ୍ୟମନ୍ତ୍ରୀ ଦାୟିତ୍ବହୀନତା ତାଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି । ସେ ଲକ୍ ଡାଉନ୍ ନିୟମ ଉଲ୍ଲଂଘନ କରି ପରିବାର ସହ ସମୁଦ୍ରକୂଳକୁ ବୁଲିବାକୁ ଯାଇଥିଲେ । ଏହାପରେ ନ୍ୟୁଜିଲ୍ୟାଣ୍ଡ ପ୍ରଧାନମନ୍ତ୍ରୀ ତାଙ୍କୁ ତାଙ୍କ ପଦରୁ ବଦଳି କରିଛନ୍ତି ।

ନ୍ୟୁଜିଲ୍ୟାଣ୍ଡର ସ୍ବାସ୍ଥ୍ୟମନ୍ତ୍ରୀ ଡେଭିଡ କ୍ଲାର୍କ ଏକ ବିବୃତ୍ତିରେ କହିଛନ୍ତି ଯେ, ଏହି ସଙ୍କଟ ସମୟରେ ସେ ଦଳ ସହ ରହିପାରିଲେ ନାହିଁ । ଲକ୍ ଡାଉନ୍ ସମୟରେ ସେ ନିଜ ପରିବାରକୁ ସମୁଦ୍ର କୂଳରେ ବୁଲାଇବାକୁ ନେଇଥିଲେ । କ୍ଲାର୍କ ତାଙ୍କ ବିବୃତ୍ତିରେ କହିଛନ୍ତି ଯେ ସେ ତାଙ୍କ ଘରଠାରୁ ୨୦ କିଲୋମିଟର କାର୍ ଚଲାଇ ସମୁଦ୍ର କୂଳକୁ ଯାଇଥିଲେ । ସେଠାରେ ପରିବାର ସହ ବୁଲାବୁଲି କରିଥିଲେ ।

ସେ ଏ ବିଷୟରେ ପ୍ରଧାନମନ୍ତ୍ରୀ ଜୈକିଣ୍ଡାଙ୍କୁ ଅବଗତ କରାଇଥିଲେ ଏବଂ ତାଙ୍କ ଇସ୍ତଫା ପ୍ରସ୍ତାବ ଦେଇଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ ଯଦି ଅନ୍ୟ କୌଣସି ପରିସ୍ଥିତି ଥାଆନ୍ତା, ମୁଁ ତାଙ୍କୁ ଏହି ପଦରୁ ହଟାଇ ଦେଇଥା’ନ୍ତି, କିନ୍ତୁ ବର୍ତ୍ତମାନ ସମୟ କରୋନା ଭାଇରସ୍ ବିରୋଧରେ ଲଢିବାର ସମୟ । ଏଭଳି ପରିସ୍ଥିତିରେ ସେ ତାଙ୍କୁ ମନ୍ତ୍ରୀ ପଦରୁ ହଟାଉ ନାହାଁନ୍ତି । ତେବେ ସେ ଡେଭିଡ କ୍ଲାର୍କକୁ ଆସୋସିଏଟ୍ ଅର୍ଥମନ୍ତ୍ରୀ ପଦକୁ ବଦଳି କରିଛନ୍ତି । ତାଙ୍କ ସ୍ଥାନରେ ଅନ୍ୟ ମନ୍ତ୍ରୀ ନିଯୁକ୍ତ କରିଛନ୍ତି ।

ସୂଚନାଯୋଗ୍ୟ ଯେ, କରୋନା ଭାଇରସ୍ ଯୋଗୁଁ ନ୍ୟୁଜିଲ୍ୟାଣ୍ଡରେ ଲକ୍ ଡାଉନ୍ ଲାଗୁ କରାଯାଇଛି । ବର୍ତ୍ତମାନ ପର୍ଯ୍ୟନ୍ତ ନ୍ୟୁଜିଲାଣ୍ଡରେ ୧ ହଜାରରୁ ଅଧିକ ଲୋକ କରୋନା ଭାଇରସ୍ ରେ ସଂକ୍ରମିତ ହୋଇଛନ୍ତି । ଯାହା ଫଳରେ ଲକ୍ ଡାଉନ୍ କୁ କଡାକଡି କରାଯାଇଛି ।

ସ୍ବାସ୍ଥ୍ୟମନ୍ତ୍ରୀଙ୍କ ଦ୍ବାରା ଏଭଳି ଖୁଲାସା ପରେ ନ୍ୟୁଜିଲ୍ୟାଣ୍ଡରେ ତାଙ୍କୁ କଡା ସମାଲୋଚନା କରାଯାଉଛି । କରୋନା ସଙ୍କଟ ଶେଷ ହେବା ପରେ ତାଙ୍କୁ ପଦରୁ ହଟାଯିବ ବୋଲି ଆଶଙ୍କା କରାଯାଉଛି ।

   Related Posts