Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଖ୍ରୀଷ୍ଟଚର୍ଚ୍ଚ ଟେଷ୍ଟ : ପ୍ରଥମ ଦିନ ଖେଳ ଶେଷ ସୁଦ୍ଧା ନ୍ୟୁଜିଲାଣ୍ଡ ୬୩/୦, ଭାରତ ୨୪୨ରେ ଅଲ୍‌ଆଉଟ୍‌

29/02/2020 at 12:07 PM

ଖ୍ରୀଷ୍ଟଚର୍ଚ୍ଚ ୨୯।୦୨: ନ୍ୟୁଜିଲାଣ୍ଡର ଖ୍ରୀଷ୍ଟଚର୍ଚ୍ଚରେ ୨ୟ ଟେଷ୍ଟ ମ୍ୟାଚ୍‌ ଖେଳାଯାଉଛି । ଭାରତ-ନ୍ୟୁଜିଲାଣ୍ଡ ମଧ୍ୟରେ ୨ୟ ଟେଷ୍ଟ ମ୍ୟାଚ୍‌ ଖେଳାଯାଉଛି । ତେବେ ୨ଟେଷ୍ଟ ମ୍ୟାଚ୍‌ର ପ୍ରଥମ ଦିନର ଖେଳ ଶେଷ ହୋଇଛି । ପ୍ରଥମ ଦିନ ଖେଳ ଶେଷ ସୁଦ୍ଧା ନ୍ୟୁଜିଲାଣ୍ଡ ୨୩ଓଭର ଖେଳି କୌଣସି ଓ୍ବିକେଟ ନହରାଇ ୬୩ରନ୍‌ କରିଛି । ଭାରତ ପ୍ରଥମ ଇନିଂସରେ ୬୩ଓଭର ଖେଳି ୨୪୨ରନ୍‌ କରି ଅଲଆଉଟ ହୋଇଯାଇଥିଲା । ତେବେ ଭାରତର ପ୍ରଥମ ଇନିଂସ ରନ୍‌ ଠାରୁ ନ୍ୟୁଜିଲାଣ୍ଡ ୧୭୯ରନ୍‌ ପଛରେ ରହିଛି ।

ଟସ୍ ହାରି ପ୍ରଥମେ ବ୍ୟାଟିଂ କରିବାକୁ ପଡିଆକୁ ଓହ୍ଲାଇଥିବା ଭାରତୀୟ ଟିମ୍‌ରୁ ପ୍ରାରମ୍ଭିକ ଝଟକା ଲାଗିଥିଲା । ଦଳୀୟ ସ୍କୋର ୩୦ରନ ହୋଇଥିବା ବେଳେ ଓପନର ମୟଙ୍କ ଅଗ୍ରଓ୍ବାଲ ୭ରନ୍‌ କରି ଆଉଟ ହୋଇଥିଲେ । ପରେ ଅନ୍ତଜାର୍ତୀୟ ଟେଷ୍ଟ କ୍ୟାରିୟର ପ୍ରଥମ ଅର୍ଦ୍ଧଶତକ ହାସଲ କରିଛନ୍ତି ପୃଥ୍ବୀ ସା । ଦଳୀୟ ସ୍କୋର ୮୦ ରନ୍‌ ହୋଇଥିବା ବେଳେ ପୃଥୀ ୫୪ ରନ କରି ଆଉଟ ହୋଇଥିଲେ । ପରେ ଅଧିନାୟକ ବିରାଟ କୋହଲି ୩ରନ୍ ଓ ଆଜିଙ୍କ ରାହାଣେ ୭ରନ୍‌ କରି ପାଭିଲିୟନ୍ ଫେରିଯାଇଥିଲେ ।

ତେବେ ଭାରତ ପକ୍ଷରୁ ୨ୟ ଟେଷ୍ଟର ପ୍ରଥମ ଇନିଂସ ରେ ୩ଜଣ ଖେଳାଳି ଅର୍ଦ୍ଧଶତକ ହାସଲ କରିଛନ୍ତି । ଯୁବ ବ୍ୟାଟସମ୍ୟାନ୍‌ ପୃଥୀ ୫୪ ରନ୍‌, ଚେତେଶ୍ବର ପୂଜାରା ୫୪ ଓ ହନୁମା ବିହାରୀ ୫୫ରନ୍‌ କରିଥିଲେ । ତେବେ ଏହି ୩ଜଣ ବ୍ୟାଟସମ୍ୟାନ୍‌ଙ୍କୁ ଛାଡି ଅନ୍ୟ କୌଣସି ବ୍ୟାଟସମ୍ୟାନ୍‌ ନ୍ୟୁଜିଲାଣ୍ଡର ବୋଲିଂ ଆଟାକ୍‌କୁ ସାମ୍ନା କରିପାରିନଥିଲେ । ଦଳର ୫ଜଣ ବ୍ୟାଟସମ୍ୟାନ୍‌ ଦୁଇ ଅଙ୍କ ଛୁଇଁ ପାରିନଥିଲେ ।  ସେପଟେ ନ୍ୟୁଜିଲାଣ୍ଡ ପକ୍ଷରୁ ଜାମିସନ ସର୍ବାଧିକ ୫ଟି ଓ୍ବିକେଟ ନେଇଥିବା ବେଳେ ଟ୍ରେଣ୍ଟ ବୋଲ୍ଟ ଓ ସାଉଦୀ ୨-୨ଲେଖାଏଁ ଓ୍ବିକେଟ୍‌ ନେଇଛନ୍ତି । ଏବଂ ଓ୍ବାଗନେର ଗୋଟିଏ ଓ୍ବିକେଟ୍‌ ନେଇଛନ୍ତି ।

ଭାରତ ପକ୍ଷରୁ ଦିଆଯାଇଥିବା ୨୪୨ରନ୍‌ର ପିଛା କରିବାକୁ ଯାଇ ପଡିଆକୁ ଓହ୍ଲାଇଥିଲା କିଓ୍ବି ଟିମ୍‌ । ପ୍ରଥମ ଦିନର ଖେଳ ଶେଷ ସୁଦ୍ଧା ନ୍ୟୁଜିଲାଣ୍ଡ ୨୩ଓଭର ଖେଳି ବିନା କୌଣସି ଓ୍ବିକେଟ୍‌ ହରାଇ ୬୩ ରନ ସଂଗ୍ରହ କରିଛି । ନ୍ୟୁଜିଲାଣ୍ଡ ଏବେବି ଭାରତର ଠାରୁ ୧୭୯ରନ୍‌ ପଛରେ ରହିଛି । ଭାରତ ପକ୍ଷରୁ ୪ଜଣ ବୋଲର ବୋଲିଂ କରିଥିଲେ ମଧ୍ୟ କାହାରିକୁ କୌଣସି ଓ୍ବିକେଟ୍‌ର ସଫଳତା ମିଳିନାହିଁ ।


   Related Posts