Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନବରଙ୍ଗପୁର : ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ୨ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୭୧ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୨ କରୋନା ସଂକ୍ରମିତ, ୩୧୫୨୭୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||

ଜାରିଙ୍ଗି ଗଣ ଦୁଷ୍କର୍ମ ମାମଲାରେ ନୂଆ ମୋଡ- ପୁଲିସର ରାଜସାକ୍ଷୀ ହିଁ ମୁଖ୍ୟ ଅଭିଯୁକ୍ତ, ପୀଡିତାଙ୍କ ବୟାନ ପରେ ଗିରଫ କଲା ପୁଲିସ

29/09/2019 at 5:43 PM

କଳାହାଣ୍ଡି ୨୯।୦୯ – ଜାରିଙ୍ଗ ଗଣଦୁଷ୍କର୍ମ ମାମଲାରେ ପୀଡିତାଙ୍କ ସାନି ବୟାନ ଆଧାରରେ ଗିରଫ ହୋଇଛନ୍ତି ଲଳିନ୍ଦ୍ର ଶବର । ଏହାସହ ମାମଲାରେ ମୋଟ୍ ଗିରଫଙ୍କ ସଂଖ୍ୟା ୯ରେ ପହଞ୍ଚିଛି। ସେପଟେ ଘଟଣାକୁ ନେଇ କଳାହାଣ୍ଡିରୁ ରାଜଧାନୀ ପର୍ଯ୍ୟନ୍ତ ବୟାନବାଜି ଜାରି ରହିଛି। ମୁଖ୍ୟ ଅଭିଯୁକ୍ତ ଲଳିନ୍ଦ୍ର ଶବରଙ୍କର ଫୋନ କଲ୍ ହିଷ୍ଟ୍ରି ଓ ୨୭ ତାରିଖ ମଧ୍ୟାହ୍ନରେ ଜୁନାଗଡ଼ ପୋଲିସ ଷ୍ଟେସନର ସିସିଟିଭି ଫୁଟେଜ ଯାଞ୍ଚ କରିବାକୁ ଦାବି କରିଛି ବିଜେପି । …

ଶେଷରେ ଜାରିଙ୍ଗ ଗଣଦୁଷ୍କର୍ମ ମାମଲାରେ ପୀଡ଼ିତାଙ୍କ ସାନି ବୟାନ ଆଧାରରେ ବନ୍ଧା ହେଲେ ମୁଖ୍ୟ ଅଭିଯୁକ୍ତ ତଥା ପୋଲିସର ରାଜସାକ୍ଷୀ ଲଳିନ୍ଦ୍ର ଶବର । ଏହାସହ ଏହି ମାମଲାରେ ମୋଟ୍ ଗିରଫଙ୍କ ସଂଖ୍ୟା ପହଞ୍ଚିଛି ୯ରେ । ଜୁନାଗଡ ପୋଲିସ ପ୍ରଥମେ ଲଳିନ୍ଦ୍ର ଶବରଙ୍କୁ ରାଜସାକ୍ଷୀ ଭାବେ ପେସ୍ କରିଥିଲା।  ପରେ ପୀଡ଼ିତା ଲଳିନ୍ଦ୍ରଙ୍କୁ ମୁଖ୍ୟ ଖଳନାୟକ ବୋଲି ଅଭିଯୋଗ କରିବା ପରେ ପୋଲିସ ତାଙ୍କୁ ଗିରଫ କରିଛି ।

ପ୍ରଶ୍ନ ଉଠୁଛି ପୀଡିତା ପୋଲିସ ନିକଟରେ ଲଳିନ୍ଦ୍ରଙ୍କୁ ଦୁଷ୍କର୍ମକାରୀ ବୋଲି ଯଦି କହିଥିଲା ପୋଲିସ କାହିଁକି ତାକୁ ତଦନ୍ତ ପରିସରଭୁକ୍ତ କରି ନ ଥିଲା ?  ସେହିପରି ପୀଡ଼ିତା ଯେଉଁ ଲଳିନ୍ଦ୍ରଙ୍କୁ ମୁଖ୍ୟ କାର୍ପଟଦାର ଦର୍ଶାଉଛନ୍ତି ତାଙ୍କରି ସାଙ୍ଗରେ ପୁଣି ଘରକୁ ଫେରିଲେ କେମିତି। ସେହିପରି ପୀଡ଼ିତା ପ୍ରଥମ ବୟାନରେ କାହିଁକି ଲଳିନ୍ଦ୍ରଙ୍କ ନାଁ ନେଇନଥିଲେ।

ଏପଟେ ବିଜେପି ଏହି ପ୍ରସଙ୍ଗରେ ବିଜେଡିକୁ ବାରମ୍ବାର ଟାର୍ଗେଟ କରିବାରେ ଲାଗିଛି। ଲଳିନ୍ଦ୍ର ଶବର ଙ୍କର କଲ୍ ହିଷ୍ଟ୍ରି ଯାଞ୍ଚ କରିବାକୁ ବିଜେପି ଦାବି କରିଛି । ଏହା ବ୍ୟତୀତ ସେପ୍ଟେମ୍ବର ୨୭ ମଧ୍ୟାହ୍ନରେ ଜୁନାଗଡ଼ ପୋଲିସ ଷ୍ଟେସନରେ ଏଇ ଘଟଣା ନେଇ କେଉଁମାନେ ଆଇଆଇସିଙ୍କୁ ସାକ୍ଷାତ କରିଥିଲେ ତାର ସିସିଟିଭି ଫୁଟେଜ ଯାଞ୍ଚ କରିବାକୁ ବିଜେପି ଦାବି କରିଛି ।

 ମାମଲାକୁ ନେଇ କଳାହାଣ୍ଡିରୁ ରାଜଧାନୀ ପର୍ଯ୍ୟନ୍ତ ବୟାନବାଜି ଜାରି ରହିଛି । ଏହାସହ ରାଜନୀତି ବି ତେଜ୍ ହେବାର ଲାଗିଛି ।…   

   Related Posts