Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||

ଆପଣଙ୍କ ଫୋନରେ ଅଛି କି ଏହି ଆପ୍ ? ଆରସି ଏବଂ ଡିଏଲ ପାଖରେ ନଥିଲେ ବି କଟାଯିବ ନାହିଁ ଚାଲାଣ

5/09/2019 at 10:44 AM

ନୂଆଦିଲ୍ଲୀ ୫/୯: ସେପ୍ଟେମ୍ବର ୧ତାରିଖରୁ ଟ୍ରାଫିକ୍ ଚାଲାଣ ମୂଲ୍ୟରେ ଅତ୍ୟଧିକ ବୃଦ୍ଧି ଘଟିଛି। କେତେକ ରାଜ୍ୟରେ ଏହି ନିୟମ ଗତ ସୋମବାରଠୁ ଲାଗୁ ହୋଇପାରିନଥିଲା,କାରଣ ସଫ୍ଟଓ୍ବେୟାରରେ ଅପଡେଟ୍ ହୋଇନଥିଲା। ଏବେ ଧୀରେ ଧୀରେ ପ୍ରାୟ ସବୁ ରାଜ୍ୟରେ ଏହି ନିୟମ ଲାଗୁ ହେଉଛି। ନୂଆ ନିୟମ ଲାଗୁ ହେବା ପରେ ଅନେକ ଲୋକଙ୍କର ଅନେକ ଟଙ୍କା ଚାଲାଣରେ ଖର୍ଚ୍ଚ ହେଲାଣି। କିନ୍ତୁ ଯଦି ଆପଣଙ୍କ ପାଖରେ କେବଳ ଏହି ଗୋଟିଏ ମୋବାଇଲ୍ ଆପ୍ ରହିଛି ତେବେ ଆପଣ ଚାଲାଣରୁ ବର୍ତ୍ତି ପାରିବେ। ଆସନ୍ତୁ ଜାଣିବା ଏହା ବିଷୟରେ

ପ୍ରକୃତରେ ଗତ ବର୍ଷ ପରିବହନ ମନ୍ତ୍ରାଳୟ ଆଇଟି ଆକ୍ଟର ବ୍ୟବସ୍ଥା ବିଷୟରେ କହିଥିଲା ଯେ ଏବେ ଡ୍ରାଇଭିଙ୍ଗ ଲାଇସେନ୍ସ,ରେଜିଷ୍ଟେସନ ସାର୍ଟିଫିକେଟ ଏବଂ ଇନସ୍ୟୁରାନ୍ସ ପେପର ଭଳି ଦସ୍ତାବିଜର ଓରିଜିନାଲ କପି ଭେରିଫାୟ ପାଇଁ ନ ନିଆଯାଉ।

ଆହୁରି ମଧ୍ୟ ମନ୍ତ୍ରାଳୟ ମଧ୍ୟ କହିଥିଲା ଯେ ଡିଜିଲକର ଏବଂ ଏମପରିବହନ ଆପରେ ଥିବା ଦସ୍ତାବିଜର ଇଲେକ୍ଟୋନିକ୍ କପିକୁ ବୈଧ ବୋଲି ଧରାଯିବ। କେନ୍ଦ୍ର ସରକାର ରାଜ୍ୟର ପରିବହନ ବିଭାଗ ଏବଂ ଟ୍ରାଫିକ୍ ପୋଲିସକୁ ଏହି ସମ୍ପର୍କରେ ନିର୍ଦେଶ ଦେଇ କହିଥିଲା ଯେ ଭେରିଫାୟ ପାଇଁ ଦସ୍ତାବିଜର ଓରିଜିନାଲ କପି ନ ନିଆଯାଉ।

ଏପରି ପରିସ୍ଥିତିରେ ଟ୍ରାଫିକ୍ ପୋଲିସ୍ ନିଜ ପାଖରେ ଥିବା ମୋବାଇଲରୁ ଡ୍ରାଇଭର କିମ୍ବା ପରିବହନର ସୂଚନା କ୍ୟୁଆର କୋଡ ଜରିଆରେ ନିଜ ଡାଟାବେସରୁ ବାହାର କରି ପାରିବେ ଏବଂ ଡ୍ରାଇଭର ଟ୍ରାଫିକ୍ ନିୟମର ଉଲ୍ଲଙ୍ଘନ କରିବାର ରେକର୍ଡ଼ ରଖି ପାରିବେ।

ଏହି ସୁବିଧାର ଲାଭ ଉଠାଇବା ପାଇଁ ଆପଣଙ୍କୁ ନିଜର ସ୍ମାର୍ଟଫୋନରେ ସର୍ବପ୍ରଥମେ ଡିଜିଲକର ଏବଂ ଏମପରିବହନ ଆପକୁ ଡାଉନଲୋଡ କରିବାକୁ ପଡ଼ିବ। ଏହା ପରେ ସାଇନଅପ କରିବା ପାଇଁ ନିଜର ମୋବାଇଲ୍ ନମ୍ବର ଏଣ୍ଟର କରିବାକୁ ପଡ଼ିବ। ଏହା ପରେ ଆପଣଙ୍କ ମୋବାଇଲରେ ଏକ ଓଟିପି ଆସିବ। ଏହି ଓଟିପିକୁ ଏଣ୍ଟର କରି ଭେରିଫାୟ କରନ୍ତୁ। ଦ୍ବିତୀୟ ପର୍ଯ୍ୟାୟରେ ଲଗିନ କରିବା ପାଇଁ ନିଜର ୟୁଜର ନେମ୍ ଏବଂ ପାସଓ୍ବାର୍ଡ଼ ସେଟ୍ କରିବାକୁ ପଡ଼ିବ।

ଏହା ପରେ ଆପଣଙ୍କୁ ଡିଜିଲକର ଆକାଉଣ୍ଟ ହୋଇଯିବ। ଏବେ ଏଥିରେ ନିଜର ଆଧାର ନମ୍ବରକୁ ପ୍ରମାଣିତ କରନ୍ତୁ। ଆଧାର ଡାଟାବେସରେ ଆପଣଙ୍କର ଯେଉଁ ମୋବାଇଲ୍ ନମ୍ବର ରେଜିଷ୍ଟାର ରହିଛି ସେଥିରେ ଏକ ଓଟିପି ଆସିବ। ଏହି ଓଟିପିକୁ ଏଣ୍ଟର କରିବା ପରେ ଆଧାର ପ୍ରମାଣିତ କରିବାର ପ୍ରକ୍ରିୟା ଶେଷ ହୋଇଯିବ। 

   

ଏବେ ଡିଜିଲକରରୁ ଆପଣ ଆରସି,ଲାଇସେନ୍ସ ଏବଂ ଇନସ୍ୟୁରାନ୍ସର କପି ଡାଉନଲୋଡ କରି ପାରିବେ ଏବଂ ପୋଲିସକୁ ଦେଖାଇ ପାରିବେ। ଏମପରିବହନ ଆପରେ ଗାଡ଼ିର ମାଲିକଙ୍କ ନାଁ,ରେଜିଷ୍ଟେସନର ତାରିଖ,ମଡେଲ୍ ନମ୍ବର,ଇନସ୍ୟୁରାନ୍ସ ର ବୈଧତା ଆଦିର ସୂଚନା ରହିଥାଏ। ଏହା ଦ୍ବାରା ଆପଣଙ୍କୁ କୌଣସି କାଗଜପତ୍ର ସାଙ୍ଗରେ ନେଇ ଯିବାର ଆବଶ୍ୟକତା ପଡ଼ିବ ନାହିଁ।

   Related Posts