Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||
  • ଓଏସଏପି ଯବାନଙ୍କ ଆତ୍ମହତ୍ୟା, ଗଛରେ ଝୁଲୁଛି ମୃତଦେହ
  • ||
  • କ୍ଲାସରୁମ୍ ଭିତରକୁ ପଶିଆସିଲା ବାଘ, ଛାତ୍ରଛାତ୍ରୀଙ୍କୁ ଗୋଡାଇ ଗୋଡାଇ କଲା ଘାଇଲା
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୫କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୨ କରୋନା ସଂକ୍ରମିତ, ୧୦୪୯୫୯୭ରେ ପହଞ୍ଚିଲା ସଂଖ୍ୟା
  • ||
  • ମାର୍ଗଶିର ଗୁରୁବାରରେ ଲକ୍ଷ୍ମୀ ମନ୍ଦିରରୁ ଚୋରି, ନେଇଗଲେ ହୁଣ୍ଡି ଓ ସୁନା ଗହଣା
  • ||
  • ଗୁଜୁରାଟ ଦଙ୍ଗା ବେଳେ କେଉଁ ସରକାର ଥିଲା ? ସିବିଏସଇର ପ୍ରଶ୍ନକୁ ନେଇ ବିବାଦ ଜୋର
  • ||

ଜମ୍ମୁ-କାଶ୍ମୀରରେ ମୁଣ୍ଡ ଟେକିଲା ଆଉ ଏକ ଆତଙ୍କବାଦୀ ସଙ୍ଗଠନ ଟିଆରଏଫ୍, ହନ୍ଦଓ୍ୱାଡା ଆକ୍ରମଣ ପାଇଁ ନିଜକୁ କଲା ଦାୟୀ

3/05/2020 at 3:54 PM

ଶ୍ରୀନଗର, ୦୩|୦୫  : ଶନିବାର ଜମ୍ମୁ-କାଶ୍ମୀରର କୁପଓ୍ୱାଡା ଜିଲ୍ଲାର ହନ୍ଦଓ୍ୱାଡାରେ ହୋଇଥିବା ଆତଙ୍କବାଦୀ ଆକ୍ରମଣ ପାଇଁ ଲସ୍କର-ଏ-ତୋଏବାର ‘ଦି ରେଜିମେଣ୍ଟ ଫ୍ରଣ୍ଟ୍’ ବା ଟିଆରଏଫ୍ ନିଜକୁ ଦାୟୀ କରିଛି । ଏହି ଆତଙ୍କବାଦୀ ସଙ୍ଗଠନ ସହ ଗୁଳି ବିନିମୟରେ ସେନାର ୨ ଅଧିକାରୀଙ୍କ ସମେତ ୫ ଜଣ ସହିଦ ହୋଇଛନ୍ତି ।

ବର୍ତ୍ତମାନ ଜମ୍ମୁ-କାଶ୍ମୀରରେ ଆତଙ୍କବାଦୀ ସଙ୍ଗଠନ ଅଧିକ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିଛି । ଗତ କିଛିଦିନ ଧରି ସେନାର ଲଗାତାର ଅପରେସନରେ ଅନେକ ଆତଙ୍କବାଦୀ ଏପରି କି କିଛି କମାଣ୍ଡର ମଧ୍ୟ ନିହତ ହୋଇଥିଲେ । ତେଣୁ ସଙ୍ଗଠନ ପ୍ରତିଶୋଧ ନେବା ପାଇଁ ସୁଯୋଗ ଖୋଜୁଥିଲା । ଏପରିକି କିଛି ଆତଙ୍କବାଦୀ ସଙ୍ଗଠନ ମଧ୍ୟ ନିଜ ନିଜ ଭିତରେ ଯୁଦ୍ଧ ଆରମ୍ଭ କରିଦେଇଛନ୍ତି । ତେବେ ଲସ୍କର-ଏ-ତୋଏବାର ଟିଆରଏଫ୍ ହିଜିବୁଲ ମୁଜାହୁଦ୍ଦୀନକୁ ଦୁର୍ବଳ କରିବାକୁ ଚାହୁଁଛି । ହିଜବୁଲକୁ ମାତ୍ ଦେବା ପାଇଁ ଟିଆରଏଫ୍ ନିଜକୁ ଏହି ଆକ୍ରମଣ ପାଇଁ ଦାୟୀ କରିଛି ।

ସୂଚନାଯୋଗ୍ୟ, ଉତ୍ତର କାଶ୍ମୀରର କୁପଓ୍ୱାଡା ଜିଲ୍ଲାର ହନ୍ଦଓ୍ୱାଡା ଚାଞ୍ଜମୁଲ୍ଲା ଅଞ୍ଚଳରେ ଶନିବାର ଏକ ଘରେ ଆତଙ୍କବାଦୀମାନେ ଲୁଚି ରହିଥିବା ଖବର ମିଳିଥିଲା । ଏପରିକି ସେମାନେ କିଛି ନାଗରିକଙ୍କୁ ବନ୍ଧକ ମଧ୍ୟ କରି ରଖିଥିଲେ । ଏହା ପରେ  ଯବାନମାନେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ନିଜକୁ ବିପଦରେ ଦେଖି ଆତଙ୍କବାଦୀମାନେ ପ୍ରଥମେ ଗୁଳି ଚାଳନା କରିଥିଲେ । ଅପରେସନରେ ଯବାନଙ୍କ ଗୋଟିଏ ଟିମ୍ ବନ୍ଧକଙ୍କୁ ମୁକୁଳାଇଥିବା ବେଳେ ଅନ୍ୟ ଏକ ଟିମ୍ ଆତଙ୍କବାଦୀଙ୍କୁ ପାଲଟା ଜବାବ ଦେଇଥିଲା । ଏଥିରେ କର୍ଣ୍ଣଲ  ଆଶୁତୋଷ ଶର୍ମା ମେଜର ଅନୁଜଙ୍କ ସମେତ ଆହୁରି ୩ଜଣ ଯବାନ ସହିଦ ହୋଇଥିଲେ ।  

   Related Posts