Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

TRAI ର ନୂଆ ତାରିଫ୍ ଅର୍ଡର୍ : ବନ୍ଦ୍ ହୋଇଯିବ ୧୦୦ ରୁ ଅଧିକ ଟିଭି ଚାନେଲ୍ !

27/07/2020 at 2:52 PM

ନୂଆଦିଲ୍ଲୀ ୨୭/୦୭ : ଟିଭି ବ୍ରଡକାଷ୍ଟରଙ୍କ ମଧ୍ୟରେ ହଇଚଇ ସୃଷ୍ଟି ହୋଇଛି | ଦୂରସଞ୍ଚାର (TRAI) ନିୟାମକଙ୍କ ଗୋଟିଏ ଆଦେଶ ଯୋଗୁଁ ବ୍ରଡକାଷ୍ଟର ଚିନ୍ତିତ ହୋଇପଡିଛନ୍ତି | ନୂଆ ତାରିଫ ଆଦେଶ ତୁରନ୍ତ ପାଳନ କରିବାକୁ TRAI ନିର୍ଦେଶ ଦେଇଛି | ହଠାତ ନିଆଯାଇଥିବା ଏହି ପଦକ୍ଷେପ ଯୋଗୁଁ ଅନେକ ଚାନେଲ ବନ୍ଦ ହୋଇଯିବାର ଆଶଙ୍କା କରିଛନ୍ତି ବ୍ରଡକାଷ୍ଟର | ସୂଚନା ପ୍ରସାରଣ ମନ୍ତ୍ରୀ ପ୍ରକାଶ ଜାଭେଡକର ମେ ମାସରେ ଆଇବିଏଫ ସଦସ୍ୟଙ୍କ ସହିତ ବୈଠକ କରିଥିଲେ | ବର୍ତ୍ତମାନ ଏନଟିଓ ୨.୦ ଜାରି କରାଯିବ ନାହିଁ ବୋଲି ସେ କହିଥିଲେ | କିନ୍ତୁ ତା ସତ୍ତ୍ୱେ ନିର୍ଦେଶ ଜାରି କରିଛନ୍ତି | 

ପ୍ରସାରନକର୍ତ୍ତା କହିଛନ୍ତି ଯେ, ଏନଟିଓ ୨.୦ ଯୋଗୁଁ ସେମାନଙ୍କ ଚାନେଲ ଦାମ ନିର୍ଣ୍ଣୟ କରିବା କ୍ଷମତା ଉପରେ ପ୍ରଭାବ ପଡିବ | TRAI ସମସ୍ତ ଚାନେଲର ଏମଆରପି ସର୍ବାଧିକ ୧୨ ଟଙ୍କା ନିର୍ଧାରିତ କରିଛନ୍ତି | ଏହା ଉପରେ ଚାନେଲ ବକେଟ ଉପରେ ରିହାତି ସୀମା ମଧ୍ୟ ୩୩ ପ୍ରତିଶତ ନିର୍ଧାରିତ କରିଛନ୍ତି | ଷ୍ଟାର ଓ ଡିଜ୍ନି ଇଣ୍ଡିଆର ଚେୟାରମ୍ୟାନ ଉଦୟ ଶଙ୍କର ଓ ଜି ଏଣ୍ଟରଟେନମେଣ୍ଟର ଏମଡି ତଥା ସିଇଓ ପୁନିତ ଗୋଏଙ୍କା ଇଟିକୁ ଅଲଗା ଅଲଗା ଭାବେ କହିଛନ୍ତି ଯେ ଏନଟିଓ ୨.୦ ଲାଗୁ ହେବାପରେ ଆଗାମୀ କିଛି ବର୍ଷରେ ୧୦୦-୧୫୦ ଚାନେଲ ବନ୍ଦ ହୋଇପାରେ | ସେ କହିଛନ୍ତି ଯେ ନୂଆ ତାରିଫ ଅର୍ଡର ଅନୁଯାୟୀ ଯେଉଁ ଚାନେଲ ଅଧିକ ଲୋକ ଦେଖୁନାହାନ୍ତି କିମ୍ବା ଯେଉଁସବୁ ଚାନେଲର ପହଞ୍ଚ ବେଶୀ ନୁହେଁ ସେସବୁକୁ ମୋନେଟାଇଜ କରାଯାଇପାରିବ ନାହିଁ | ସେସବୁକୁ ପୋର୍ଟଫୋଲିଓ ବେନିଫିଟ କିମ୍ବା ବକେଟ ଆଡ଼ଭାଣ୍ଟେଟେଜ ମିଳିପାରେ | ଏମିତି ଅନେକ ଚାନେଲ ରହିଛି ଯାହା ଆଗାମୀ କିଛି ବର୍ଷ ମଧ୍ୟରେ ବନ୍ଦ ହୋଇଯିବ |  TRAI ର ପଦକ୍ଷେପ ପରେ ୧୦୦ ରୁ ଅଧିକ ଚାନେଲ ବନ୍ଦ ହୋଇଯିବ | କାରଣ ଏହିସବୁ ଚାନେଲ ଚଲାଇବା ଆର୍ଥିକ ରୂପେ ଲାଭଦାୟକ ନୁହେଁ |

ଶଙ୍କର କହିଛନ୍ତି ଯେ ଯେଉଁସବୁ ଚାନେଲ ଲୋକପ୍ରିୟ ନୁହେଁ, କିମ୍ବା ଯେଉଁସବୁ ଚାନେଲ ଅଧିକ ଲୋକ ଦେଖୁ ନାହାନ୍ତି ସେମାନେ ବିଜ୍ଞାପନ ପାଆନ୍ତିନାହିଁ | ଏହିଭଳି ସ୍ଥିତିରେ ଚାନେଲକୁ ଛିଡା ରହିବା ପାଇଁ ଏକମାତ୍ର ରାସ୍ତା ହେଲା ସବସ୍କ୍ରିପସନ ରେଭେନ୍ୟୁ | ଏନଟିଓ କାରଣରୁ ଏହା କଠିନ ହୋଇଗଲାଣି | ସେଥିପାଇଁ ଅନେକ ଚାନେଲ ବନ୍ଦ ହୋଇଯିବାର ସମ୍ଭାବନା ରହିଛି | ଏହାର ପ୍ରଭାବ କେବଳ ଇଂରାଜୀ ଚାନେଲ ନୁହେଁ ବରଂ ସ୍ଥାନୀୟ ଚାନେଲ ଉପରେ ମଧ୍ୟ ପଡିବ |

ଗୋଏଙ୍କା କହିଛନ୍ତି ଯେ ଯଦି ନିୟମ ଲାଗୁ ହୁଏ ତାହେଲେ ଅତିକମରେ ୧୦୦-୧୫୦ ଚାନେଲ ବନ୍ଦ ହୋଇଯିବ | କାରଣ ଏହିସବୁ ଚାନେଲ ଲୋକେ ପସନ୍ଦ କରୁନାହାନ୍ତି | TRAI ଜାନୁଆରୀ ୧ ତାରିଖରେ ନୂଆ ତାରିଫ ଅର୍ଡର ନୋଟିଫାଏ କରିଥିଲା | ଯାହାକୁ ନେଇ ଟପ ଟିଭି ବ୍ରଡକାଷ୍ଟର, ଇଣ୍ଡିଆନ ବ୍ରଡ଼କାଷ୍ଟିଙ୍ଗ ଫାଉଣ୍ଡେସନ ଏବଂ ଫିଲ୍ମ ଆଣ୍ଡ ଟିଭି ପ୍ରଡ୍ୟୁସର୍ସ ଗିଲ୍ଡ ଅଫ ଇଣ୍ଡିଆ ବମ୍ବେ ହାଇକୋର୍ଟରେ ଚ୍ୟାଲେଞ୍ଜ କରିଛନ୍ତି | କୋର୍ଟ ଏହି ମାମଲାରେ ଶୁଣାଣି ପୁରା କରି ନିଷ୍ପତ୍ତି ସୁରକ୍ଷିତ କରିଥିଲେ | ଅଦାଲତ ବ୍ରଡ଼କାଷ୍ଟରଙ୍କୁ କୌଣସି ଅନ୍ତରୀଣ ଆଶ୍ବସ୍ତି ଦେଇନାହାନ୍ତି | ଜୁଲାଇ ୨୪ ତାରିଖରେ TRAI ପ୍ରସାରନକର୍ତ୍ତାଙ୍କୁ ନିଜର ରେଫରେନ୍ସ ଇଣ୍ଟରକନେକ୍ଟ ଅଫର ବଦଳାଇବାକୁ କହିଛନ୍ତି | ଅଗଷ୍ଟ ୧୦ ତାରିଖ ସୁଦ୍ଧା ଏହାକୁ ନିଜ ୱେବସାଇଟରେ ପବ୍ଲିସ କରିବାକୁ କହିଛନ୍ତି |

   Related Posts