Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||
  • ଖଲ୍ଲିକୋଟ : ପାଖେଇ ଆସୁଛି ‘ଜଓ୍ବାଦ’, ଡଙ୍ଗା ଓ ଜାଲ ନଷ୍ଟ ହେବା ଆଶଙ୍କାରେ ମତ୍ସ୍ୟଜୀବୀ
  • ||

ଉତ୍ତର କୋରିଆରେ ଲାଗୁ ହେଲା ନୂଆ ଆଇନ: ଏହି କାମ କଲେ ମିଳିବ ମୃତ୍ୟୁଦଣ୍ଡ

19/07/2021 at 7:07 PM

ନୂଆଦିଲ୍ଲୀ ୧୯/୦୭ : ଉତ୍ତର କୋରିଆରେ ଏକଛତ୍ରବାଦୀ ନିଷ୍ପତ୍ତି ପାଇଁ ଚର୍ଚ୍ଚିତ କିମ୍ ଜୋଙ୍ଗ୍ ଉନ୍ ନିଜ ଦେଶର ନିୟମଗୁଡିକୁ ଆହୁରି କଠୋର କରିଦେଇଛନ୍ତି। କିଛି ସମୟ ପୂର୍ବରୁ ଉତ୍ତର କୋରିଆରେ ଏକ ଆଇନ ପ୍ରଣୟନ କରାଯାଇଛି। ଏହି ଆଇନ ଅନୁଯାୟୀ ଯଦି କୌଣସି ବ୍ୟକ୍ତି ଦକ୍ଷିଣ କୋରିଆ, ଆମେରିକା ଏବଂ ଜାପାନର ଗଣମାଧ୍ୟମ ସହ ଜଡିତ ବିଷୟବସ୍ତୁ ସେୟାର କରନ୍ତି ତେବେ ତାଙ୍କୁ ମୃତ୍ୟୁଦଣ୍ଡ ଦିଆଯାଇପାରେ।

ଦକ୍ଷିଣ କୋରିଆରେ କଥିତ ଆପତ୍ତିଜନକ ଶବ୍ଦ ଏବଂ ସାଧାରଣ ଭାଷା ମଧ୍ୟ ନିଷେଧ ତାଲିକା ଅନ୍ତର୍ଭୁକ୍ତ କରାଯାଇଛି। ଦକ୍ଷିଣ କୋରିଆର ହେୟାର ଷ୍ଟାଇଲ ଏବଂ ବିଦେଶୀ ଫ୍ୟାଶନ୍ ପୂର୍ବରୁ ହିଁ ନିଷେଧ ରହିଛି।

ଲୋକଙ୍କୁ କୁହାଯାଇଛି ଯେ ଉତ୍ତର କୋରିଆର ଭାଷା ସର୍ବୋତ୍ତମ ଏବଂ ଦକ୍ଷିଣ କୋରିଆରେ ବ୍ୟବହୃତ ଭାଷା ବ୍ୟବହାର କଲେ ମୃତ୍ୟୁଦଣ୍ଡର ହୋଇପାରେ।

ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ୍ ଏହା ମଧ୍ୟ ଘୋଷଣା କରିଛନ୍ତି ଯେ ଯଦି ଦକ୍ଷିଣ କୋରିଆ, ଜାପାନ ଏବଂ ଆମେରିକାର ଗଣମାଧ୍ୟମକୁ ଅନୁସରଣ କରୁଥିବା ଜଣାପଡେ ତାହେଲେ ସେହି ବ୍ୟକ୍ତିଙ୍କୁ ୧୫ ବର୍ଷ କାରାଗାରରେ ରହିବାକୁ ପଡ଼ିବ।

ଉତ୍ତର କୋରିଆର ଖବରକାଗଜ ରୋଡୋଙ୍ଗ୍ ସିନମନରେ ଦକ୍ଷିଣ କୋରିଆର ପପ୍ ସଂସ୍କୃତିର ବିପଦ ବିଷୟରେ ଲେଖାଯାଇଛି ଯେ ରଙ୍ଗୀନ ପୋଷାକରେ ଦେଖାଯାଇଥିବା ଲୋକେ ଆମ ସଂସ୍କୃତିରେ ପ୍ରବେଶ କରି ଆମ ସଂସ୍କୃତିକୁ ନଷ୍ଟ କରିବାକୁ ଚାହୁଁଛନ୍ତି। ଏମାନେ ସେହି ଲୋକଙ୍କ ଠାରୁ ମଧ୍ୟ ବିପଜ୍ଜନକ ଯେଉଁମାନଙ୍କ ହାତରେ ବନ୍ଧୁକ ଅଛି।

ଉତ୍ତର କୋରିଆ ଷ୍ଟଡିଜ୍ ବିଶ୍ୱବିଦ୍ୟାଳୟର ପ୍ରଫେସର ୟାଙ୍ଗ ମୋ-ଜିନ୍ କୋରିଆ ହେରାଲ୍ଡ ସହ କଥାବାର୍ତ୍ତା ବେଳେ କହିଛନ୍ତି ଯେ କିମ୍ ଜୋଙ୍ଗ୍ ଉନ୍ ନିଜେ ସ୍ୱିଜରଲ୍ୟାଣ୍ଡରେ ଅଧ୍ୟୟନ କରିଥିଲେ। କିନ୍ତୁ ଯେ ଜାଣନ୍ତି କୋରିଆର ପପ୍ ମ୍ୟୁଜିକ୍ ଏବଂ ପାଶ୍ଚାତ୍ୟ ସଂସ୍କୃତି ଉତ୍ତର କୋରିଆର ଯୁବପିଢ଼ିଙ୍କୁ ସହଜରେ ପ୍ରଭାବିତ କରିପାରିବ।

ପ୍ରଫେସର ୟାଙ୍ଗ ମୋ-ଜିନ୍ କହିଛନ୍ତି କିମ ଜାଣିଥିଲେ ଏହା ତାଙ୍କ ସମାଜବାଦୀ ବ୍ୟବସ୍ଥା ଉପରେ ନକାରାତ୍ମକ ପ୍ରଭାବ ପକାଇପାରେ। ଯୁବପିଢ଼ି ବିଦ୍ରୋହୀ ହୋଇପାରନ୍ତି। ସେଥିପାଇଁ ସେ ଅନ୍ୟ ଦେଶରେ ପାଶ୍ଚାତ୍ୟ ସଂସ୍କୃତି, ସଙ୍ଗୀତ ଏବଂ ଗଣମାଧ୍ୟମକୁ ନିଜ ଦେଶରେ ପ୍ରଚଳିତ ହେଉ ବୋଲି ଚାହୁଁ ନାହାନ୍ତି।

   Related Posts