Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

କରୋନା ପଜିଟିଭ୍ ବାହାରିଲେ ସୋସାଇଟି କିମ୍ବା କଲୋନୀ ସିଲ୍ କରିବାକୁ ଜାରି ହେଲା ନୂଆ ନିୟମ

4/06/2020 at 5:00 PM

ନୂଆଦିଲ୍ଲୀ ୦୪/୦୬ : କରୋନା ପଜିଟିଭ ମାମଲା ଆସିଲେ ଦିଲ୍ଲୀରେ ପୁରା କଲୋନୀକୁ କିମ୍ବା ହାଉସିଂ ସୋସାଇଟିକୁ ସିଲ କରି ଦିଆଯାଉଥିଲା | କିନ୍ତୁ ଗୋଟିଏ କରୋନା ମାମଲା ଯୋଗୁଁ ପୁରା ସୋସାଇଟିକୁ ସିଲ କରିବା ଫଳରେ ଲୋକେ ନାନା ଅସୁବିଧାର ସମ୍ମୁଖୀନ ହେଲେ | ଯାହାଫଳରେ ବର୍ତ୍ତମାନ ଏହି ନିୟମ ବଦଳାଇ ଦିଆଯାଇଛି | ନୂଆ ନିୟମ ଅନୁଯାୟୀ, ବର୍ତ୍ତମାନ କୌଣସି କଲୋନୀ କିମ୍ବା ହାଉସିଂ ସୋସାଇଟିରୁ କରୋନା ମାମଲା ସାମ୍ନାକୁ ଆସିଲେ ପୁରା କଲୋନୀକୁ ସିଲ କରାଯିବ ନାହିଁ | ବରଂ କେବଳ ସେହି ଟାୱାରକୁ କିମ୍ବା ସେହି ଫ୍ଲୋରକୁ ହିଁ ସିଲ କରାଯିବ | ଏହି ନିର୍ଣ୍ଣୟ ନେବା ଅଧିକାର ଜିଲ୍ଲା ଅଧିକାରୀଙ୍କୁ ଦିଆଯାଇଛି | ରାଜ୍ୟ ସରକାର ଓ ଗୃହ ମନ୍ତ୍ରାଳୟ ଏନେଇ ଆଦେଶ ଜରି କରିବା ପରେ ଏହିଭଳି ନିର୍ଣ୍ଣୟ ନିଆଯାଇଛି | ନୂଆ ଆଦେଶରେ କଣ୍ଟେନମେଣ୍ଟ ଜୋନ ଏରିଆ ମଧ୍ୟ ନିର୍ଣ୍ଣୟ କରାଯାଇଛି |

ଗୌତମବୁଦ୍ଧ ନଗର ଜିଲ୍ଲା ଅଧିକାରୀ ସୁହାସ ଏଲୱାଇ ଏକ ଆଦେଶରେ କହିଛନ୍ତି ଯେ ରାଜ୍ୟ ସରକାରଙ୍କ ଆଦେଶ ପରେ ସହରମାନଙ୍କରେ କଣ୍ଟେନମେଣ୍ଟ ଏରିଆ ପୁଣିଥରେ ନିର୍ଣ୍ଣୟ କରାଯାଇଛି | ଯଦି କୌଣସି ବଡ ଆପାର୍ଟମେଣ୍ଟରେ କରୋନା ମାମଲା ସାମ୍ନାକୁ ଆସେ ତାହେଲେ ତାହେଲେ ହାଉସିଂ ସୋସାଇଟିରେ ସେହି ଗୋଟିଏ ଟାୱାରକୁ ସିଲ କରାଯିବ | ଯଦି ଗୋଟିଏରୁ ଅଧିକ ପଜିଟିଭ ମାମଲା ବାହାରେ ତାହେଲେ ପୂର୍ବରୁ ଜାରି ହୋଇଥିବା ଆଦେଶ ଅନୁସାରେ, ୫୦୦ ମିଟର ବିଶିଷ୍ଟ କଣ୍ଟେନମେଣ୍ଟ ଏରିଆ ଏବଂ ୨୫୦ ମିଟରର ବଫର ଜୋନ ଚିହ୍ନଟ ପ୍ରକ୍ରିୟା ଜାରି ରହିବ |

ଅପରପକ୍ଷରେ ଯଦି ଦୁଇଟି ଟାୱାରରେ ଗୋଟିଏ ଲେଖାଏଁ ମାମଲା ବାହାରେ ଏବଂ ଉଭୟ ଟାୱାର ମଧ୍ୟରେ ଦୂରତା ୫୦୦ ମିଟରରୁ ଅଧିକ ଥାଏ ତାହେଲେ ସେହି ସୋସାଇଟି କଣ୍ଟେନମେଣ୍ଟ ଜୋନ ଘୋଷିତ ହେବନାହିଁ | ଆରଡବ୍ଲୁଏ ଓ ହାଉସିଂ ଶୋସିଟିରେ ରହୁଥିବା ଲୋକଙ୍କ ବିରୋଧ ପରେ ଏହିଭଳି ପଦକ୍ଷେପ ନିଆଯାଇଛି | କାରଣ କିଛି ଦିନ ପୂର୍ବରୁ ଗାଜିଆବାଦରେ ଏକ କରୋନା ମାମଲା ସାମ୍ନାକୁ ଆସିବା ପରେ ପୁରା ସୋସାଇଟିକୁ ସିଲ କରିଦିଆଯାଇଥିଲା ଫଳରେ ସୋସାଇଟିରେ ହଙ୍ଗାମା ସୃଷ୍ଟି ହୋଇଥିଲା |

ଗୃହ ମନ୍ତ୍ରାଳୟ ଗାଇଡଲାଇନ ଜାରି କରି ସେହି ପୁରୁଣା ନିୟମ ରଖିଛନ୍ତି | କିନ୍ତୁ ସେଥିରେ ଆଉ ଏକ ଲାଇନ ଯୋଡି ଦେଇଛନ୍ତି | ସେ କହିଛନ୍ତି ପରିସ୍ଥିତି ଦେଖି ଜିଲ୍ଲା ଅଧିକାରୀ ନିର୍ଣ୍ଣୟ ନେବେ | ସେଥିପାଇଁ ଦିଲ୍ଲୀରେ କଣ୍ଟେନମେଣ୍ଟ ଜୋନ ପାଇଁ ୫୦୦ ମିଟରର ପୁରୁଣା ନିୟମ ହିଁ ଲାଗୁ କରାଯାଉଛି | ଦିଲ୍ଲୀରେ ବର୍ତ୍ତମାନ ୧୬୦ ରୁ ଅଧିକ କଣ୍ଟେନମେଣ୍ଟ ଜୋନ ରହିଛି |

   Related Posts