Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଆବିଷ୍କାର ହେଲା ନୂତନ କ୍ଷୁଦ୍ର ଚନ୍ଦ୍ର, ଗତ ୩ ବର୍ଷରୁ ପୃଥିବୀକୁ କରୁଛି ପରିକ୍ରମା

10/03/2020 at 4:10 PM

ନ୍ୟୁୟର୍କ ୧୦।୦୩- ଜ୍ୟୋତିର୍ବିଦ ଏକ କାର ଆକାରର ଦ୍ଵିତୀୟ ପ୍ରାକୃତିକ ଗ୍ରହକୁ ଆବିଷ୍କାର କରିଛନ୍ତି। ଏହି ଗ୍ରହ ଗତ ତିନି ବର୍ଷରୁ ଅସ୍ଥାୟୀ ଭାବେ ପୃଥିବୀର ପରିକ୍ରମା କରୁଥିଲା। ଏହାକୁ ମିନି ମୁନ ବା କ୍ଷୁଦ୍ର ଚନ୍ଦ୍ର କୁହାଯାଉଛି।  

ପୃଥିବୀକୁ ଅସ୍ଥାୟୀ ଭାବେ ପରିକ୍ରମଣା କରୁଥିବା ଏହି କ୍ଷୁଦ୍ର ଚନ୍ଦ୍ରର ନାମ ୨୦୨୦ ସିଡି୩ ରଖାଯାଇଛି। ମାଇ କାଟାଲିନା ସ୍କାଇ ସର୍ଭେର ଜଣେ ଗବେଷକ ଟେଡି ପ୍ରୁୟେନ ଗତ ଫେବୃଆରୀ ୧୫ରେ ମହାକାଶରେ ୨୦ତମ ବିଶାଳ ବସ୍ତୁ ଦେଖିବାକୁ ପାଇଥିବା କହିଛନ୍ତି। ୟୁନିଭର୍ସଟି ଅଫ ଆରିଜୋନା ଲୁନାର ଆଣ୍ଡ ପ୍ଲାନେଟାରୀ ଲ୍ୟାବ୍ ଏହି ସମ୍ବନ୍ଧରେ ଗତ ସପ୍ତାହରେ ଟୁଇଟ୍ କରିଥିଲେ।

ନୂତନ ଭାବେ ଆବିଷ୍କାର ହୋଇଥିବା ଏହି ନୂତନ କ୍ଷୁଦ୍ର ଚନ୍ଦ୍ର ୨୦୨୦ ସିଡି ୩ର କକ୍ଷ ଏହା ଦର୍ଶାଉଛି ଯେ, ଏହା ତିନି ବର୍ଷ ପୂର୍ବେ ପୃଥିବୀର କକ୍ଷ ପଥରେ ପ୍ରବେଶ କରିଛି। ଅନ୍ତରାଷ୍ଟ୍ରୀୟ ଜ୍ୟୋତିର୍ବିଦ ସଙ୍ଘର ମାଇନର ପ୍ଲାନେଟ୍ ସେଣ୍ଟର(ଏମପିସି) ଏହାର ସୂଚନା ଦେଇଛି।

ଏହାର ବ୍ୟାସ୍ ୧.୯ ରୁ ୩.୫ ମିଟର ରହିଛି, ଯାହା ସି- ଟାଇପ୍ କ୍ଷୁଦ୍ର ଗ୍ରହ ପରି ଦୃଶ୍ୟମାନ ହେଉଛି। ମାତ୍ର ଏହା ପ୍ରାୟ ୧ ମିଲିୟନ କ୍ଷୁଦ୍ରଗ୍ରହ ମଧ୍ୟରୁ ଏକ କ୍ଷୁଦ୍ର ଗ୍ରହ। ଏହା ପୃଥିବୀର କକ୍ଷରେ ପ୍ରବେଶ କରିବାରେ ଦ୍ଵିତୀୟ କ୍ଷୁଦ୍ର ଗ୍ରହ।

ନିଜର ଆନୁଷ୍ଠାନିକ ବୟାନରେ ଏମପିସି କହିଛି ଯେ, ଏହି ଗ୍ରହର କକ୍ଷ ଏହା ଦର୍ଶାଉଛି ଯେ, ଏହି ବସ୍ତୁ ଅସ୍ଥାୟୀ ରୂପେ ପୃଥିବୀ ସହ ଜଡିତ ରହିଛି। ସୌର  ବିକିରଣର ଚାପରେ ଏହି ଗ୍ରହ କରିଥିବା ଗତିବିଧିର କୌଣସି ପ୍ରମାଣ ମିଳି ନାହିଁ। ଏହି କ୍ଷୁଦ୍ର ଗ୍ରହ ସହିତ କୌଣସି କୃତ୍ରିମ ଗ୍ରହର କୌଣସି ଲିଙ୍କ୍ ଥିବାର ସୂଚନା ମଧ୍ୟ ମିଳିନାହିଁ।

ପୃଥିବୀର ସ୍ଥାୟୀ ଉପ ଗ୍ରହ ଚନ୍ଦ୍ର ତୂଳନାରେ ଏହି ନୂତନ କ୍ଷୁଦ୍ର ଚନ୍ଦ୍ରର ପ୍ରାରମ୍ଭିକ ଗତିବିଧିରୁ ଏହା ଜଣା ପଡିଛି ଯେ, ଏହା ପୃଥିବୀଠୁ କିଛି ଦୂରତାରେ ନିଜର କକ୍ଷ ପଥରେ ରହିଥିଲା। ଉଲ୍ଲେଖଯୋଗ୍ୟ, ପୃଥିବୀରୁ ଚନ୍ଦ୍ରର ଦୂରତା ୩ ଲକ୍ଷ ୮୪ ହଜାର ୪୦୦ କିଲୋମିଟର ରହିଛି।

ମାତ୍ର ଜ୍ୟୋତିର୍ବିଦଙ୍କ କହିବା କଥା କୌଣସି ବି ସମୟରେ ଅତି କମରେ ଗୋଟିଏ କ୍ଷୁଦ୍ର ଚନ୍ଦ୍ର ପୃଥିବୀର  ପରିକ୍ରମା କରୁଛନ୍ତି। ଏହା ନିଜର  ଛୋଟ ଆକାର କାରଣରୁ ସହଜରେ ଦୃଶ୍ୟମାନ ହୁଅନ୍ତି ନାହିଁ।

   Related Posts