କଟକ ୧୧।୧୧: ସିଲଭର ସିଟିରେ ଆତଙ୍କରାଜ । ପୁରା ଲଫଙ୍ଗା ଆଉ ଅଶ୍ଳୀଳ ଭାଷାରେ ଗାଳିଗୁଲଜ । ଗ୍ରୁପ୍ ହୋଇ କରିଛନ୍ତି ଭିଡିଓ । ଆଉ କିଛି ଭିଡିଓରେ ଖଣ୍ଡା ବୁଲାଇ ପତିଆରା । ଅନ୍ୟ ଏକ ଭିଡିଓରେ ଗୁଳି ଫୁଟାଇ ଭିଲିଆନ୍ ଷ୍ଟାଇଲରେ ଡାଇଲଗ । ଭୁବନେଶ୍ବରରେ କେବିଏନ ଗ୍ରୁପର ଦାଦାଗିରି ଭିଡିଓ ପରେ କଟକରେ ଅଶ୍ଳୀଳ ଏବଂ ଖଣ୍ଡା ବନ୍ଧୁକର ଭିଡିଓ ଭାଇରାଲ୍ ।
ଅମାନିଆ ବାଘ ଓ ପବ୍ଲିକ ଷଣ୍ଢ । ୨ଟି ଗ୍ରୁପ୍ କରି କଟକର କିଛି ଟିନ୍ଏଜ୍ ଯୁବକ ଏପରି ଭିଡିଓ ସୁଟ୍ କରିଛନ୍ତି । କାହାକୁ ଟାର୍ଗେଟ୍ କରୁଛନ୍ତି ତାହା ଜଣାପଡୁନାହିଁ । ଝିଅଙ୍କ ଉଦ୍ଦେଶ୍ୟରେ ଖରାପ ଭାଷା ସାଙ୍ଗକୁ ଅଶାଳୀନ ଶବ୍ଦ । ଜଣେ ଯୁବକ ବନ୍ଧୁକ ଫୁଟାଇ ଗୁଣ୍ଡା ଭଳି କହୁଥିବା ବେଳେ ଅନ୍ୟ ଜଣେ ଖଣ୍ଡା ଧରି ଦେଉଛି ଧମକ । କଟକ ତାଳଦଣ୍ଡା କେନାଲ ଅଞ୍ଚଳରେ ଏହି ଭିଡିଓ ସୁଟ୍ ହୋଇଥିବା ମନେ ହେଉଛି । ଆଉ ଏକ ଭିଡିଓରେ ଜଣେ ଯୁବତୀ ବନ୍ଧୁକ ଧରି ଡାଇଲଗ୍ କହୁଥିବା ବେଳେ ତାହାର ଉଦ୍ଦେଶ୍ୟ ଅସ୍ପଷ୍ଟ ।
ରାଜଧାନୀରେ ଆତଙ୍କ ଖେଳାଇଥିବା କେବିଏନ୍ ଗ୍ରୁପ ଦ୍ବାରା ଏହି ଦୁଇ ଗ୍ରୁପ୍ ପ୍ରଭାବିତ ନୁହେଁ ତ ? କିଏ ଏହି ଗ୍ୟାଙ୍ଗ୍ ର ମାଷ୍ଟର ମାଇଣ୍ଡ ? କଣ ଏମାନଙ୍କ ଉଦ୍ଦେଶ୍ୟ ? ଏହି ଗ୍ରୁପର ଭିଡିଓ ଭାଇରାଲ ପରେ ୩ ଯୁବକ ଓ ଜଣେ ଯୁବତୀଙ୍କୁ ଅଟକ ରଖିଛି ପୋଲିସ ।
ରାଜଧାନୀରେ କେବିଏନ, ସିଲଭର ସିଟିରେ ଅମାନିଆ ବାଘ ଓ ପବ୍ଲିକ ଷଣ୍ଢ । ସୋସିଆଲ ମିଡିଆରେ କ୍ରେଜ୍ ପାଇଁ ନା ଅପରାଧ ପ୍ରବଣତା ? ପୋଲିସ ତଦନ୍ତ ରିପୋର୍ଟ ପରେ ହିଁ ଅମାନିଆଙ୍କ ମତଲବ ଜଣାପଡିବ ।
