Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ସାଂଘାତିକ/ନକ୍ସଲଙ୍କ ନୂଆ ରଣ କୌଶଳ; ଗାଁ ଲୋକଙ୍କୁ ନେଇ ମାଓବାଦୀଙ୍କ ନୂଆ ଛାମୁଆ ସଂଗଠନ ନିୟୁ ଡେମୋକ୍ରାସି ଦଳମ୍ କଲା ଆତ୍ମପ୍ରକାଶ, ଓଡିଶା ପାଇଁ ବି ଭୟ

1/08/2019 at 7:36 PM

ମାଲକାନଗିରି(ରଞ୍ଜିତ ସାହା )୧|୮: ନକ୍ସଲ ପନ୍ଥିଙ୍କ ନୂଆ ରଣ କୌଶଳ । ସଂଗଠନ ନାମ ବଦଳାଇ ପୋଲିସକୁ ଚକ୍‌ମା ଦେବାର ଉଦ୍ୟମ ଆରମ୍ଭ କରିଛନ୍ତି ମାଓବାଦୀ । ନୀରିହ ଆଦିବାସୀଙ୍କୁ ଢାଲକରି ପୁଣି ଥରେ ସଂଗଠନକୁ ମଜବୁତ କରିବାର ଚେଷ୍ଟା କରିଛି ଲାଲ୍ ବାହିନୀ । ସୀମାନ୍ତ ତେଲେଙ୍ଗାନାରେ ଯବାନଙ୍କ ଉପରେ ଗ୍ରାମବାସୀମାନେ ଆକ୍ରମଣ କରିବା ପରେ ଏହି ଘଟଣା ପଦକୁ ଆସିଛି । ତେବେ ଧିରେ ଧିରେ ଏହି ଏଭଳି କାର୍ଯ୍ୟ ଓଡିଶା ଭିତରେ କାୟା ବିସ୍ତାର କରିବାର ଯଥେଷ୍ଟ ସମ୍ଭାବନା ରହିଛି । ….

ଗାଁ ଲୋକେ ଯବାନଙ୍କ ଉପରେ ମାଡ କରିଛନ୍ତି ଟେକା ପଥର । ଠେଙ୍ଗାବାଡି ଧରି ଯବାନଙ୍କୁ ଗୋଡାଉଛନ୍ତି । ଆଉ ଗାଁ ଲୋକଙ୍କ ଏପରି ଅତର୍କିତ ଆକ୍ରମଣରେ ଛତ୍ରଭଙ୍ଗ ଦେଉଛନ୍ତି ଯବାନ। ଏହି ଦୃଶ୍ୟ ଦେଖିବାକୁ ମିଳିଛି ଓଡ଼ିଶା ତେଲେଙ୍ଗାନା ସୀମା କୋତ୍ତାଗୁଡେମ୍‌ ଜିଲ୍ଲା ଜବାଲାପାଲ୍ଲି ଜଙ୍ଗଲରେ । ଗାଁ ଲୋକଙ୍କୁ ନେଇ ନକ୍ସଲଙ୍କ ନୂଆ ଛାମୁଆ ସଂଗଠନ, ନିୟୁ ଡେମୋକ୍ରାସି ଦଳମ୍‌ ସଭା କରିଥିଲା । ଏହି ସମୟରେ ସି.ଆର.ପି.ଏଫ ଯବାନମାନେ ଚଢାଉ କରିଥିଲେ । ସଂଗଠନର ମୁଖ୍ୟ ଲିଙ୍ଗାନା ଗୁଳିବିନିମୟ ବେଳେ ପ୍ରାଣ ହରାଇଥିଲା । ହେଲେ ଘଟଣା ପରେ ଗାଁ ଲୋକେ ଯବାନଙ୍କୁ ଘେରି ଯାଇଥିଲେ । ଏମିତି କି ମହିଳା ଓ ପୁରୁଷ ସମସ୍ତେ ମିଶି ଯବାନଙ୍କୁ ଉପରେ ଜୋରଦାର ଆକ୍ରମଣ କରିଥିଲେ । ଶେଷରେ ଲିଙ୍ଗାନାଙ୍କ ମୃତଦେହ ଛାଡି ଯବାନ ମାନେ ଜୀବନ ବଞ୍ଚାଇବା ଲାଗି ଘଟଣା ସ୍ଥଳରୁ ଦୌଡି ପଳାଇଥିଲେ ।

ସି.ପି.ଆଇ ମାଓବାଦୀ ସଂଗଠନକୁ କେନ୍ଦ୍ର ସରକାର ବେଆଇନ ଘୋଷଣା କରିବା ପରେ ସାରା ଦେଶରେ ନକ୍ସଲଙ୍କ ଦମନ ପାଇଁ ଫୁଲ୍ ଦମରେ ଲାଗି ପଡିଛନ୍ତି ସୁରକ୍ଷା ବାହିନୀ । ଯେଉଁଥି ପାଇଁ ଏବେ ନୁତନ ରଣକୌଶଳ ଆରମ୍ଭ କରିଛନ୍ତି ମାଓବାଦୀ । ହାତରେ ବନ୍ଧୁକ ନଥିବା ଗ୍ରାମବାସୀଙ୍କୁ ନେଇ ନିୟୁ ଡେମୋକ୍ରାସି ଦଳମ୍‌ ନାଁରେ ଏକ ଛାମୁଆ ସଂଗଠନ ଆରମ୍ଭ କରିଛନ୍ତି । ସେହି ଆଦିବାସୀଙ୍କୁ ଢାଲକରି ପୁଣି ଥରେ ମାଓ ସଂଗଠନକୁ ମଜବୁତ କରିବାକୁ ଚେଷ୍ଟା ଚଳାଇଛି ଲାଲ୍‌ ବାହିନୀ । ତେବେ ଧିରେ ଧିରେ ଏହି ସଂଗଠନ ସୀମାନ୍ତ ଓଡ଼ିଶା ଉପରେ ନିଜ କାୟା ବିସ୍ତାର କରିବାର ଯଥେଷ୍ଟ ଆଶଙ୍କା ରହିଛି । ତେବେ ନକ୍ସଲ ସେମାନଙ୍କ ଏହି ନୂଆ ରଣ କୌଶଳରେ ସଫଳ ହେବେ ନାହିଁ ବୋଲି କହିଛନ୍ତି ବୁଦ୍ଧିଜୀବୀ ।

ନକ୍ସଲମାନେ ଜୁଲାଇ ୨୮ରୁ ଅଗଷ୍ଟ ୩ ପର୍ଯ୍ୟନ୍ତ ସହିଦ ସପ୍ତାହ ପାଳନ କରୁଛନ୍ତି । ନକ୍ସଲଙ୍କୁ ଦମନ ପାଇଁ ଆନ୍ଧ୍ର, ତେଲେଙ୍ଗାନା, ଛତିଶଗଡ ଓ ଓଡ଼ିଶା ପୋଲିସ ଲାଗି ପଡିଛନ୍ତି । ନିୟୁ ଡେମୋକ୍ରାସି ଦଳମ୍‌ର ମୁଖ୍ୟ ଯବାନଙ୍କ ଦ୍ବାରା ନିହତ ହୋଇଥିବାରୁ ନକ୍ସଲପନ୍ଥୀ କୌଣସି ବଡ ଧରଣର ଆକ୍ରମଣ କରିବାର ଯଥେଷ୍ଟ ସମ୍ଭାବନା ରହିଛି । ଘଟଣା ପରେ ସଂପୃକ୍ତ ଅଞ୍ଚଳରେ ପୋଲିସ ଛାଉଣି କରାଯାଇଛି । ଅନ୍ୟ ସଦସ୍ୟଙ୍କୁ ଧରିବା ଲାଗି ଯବାନମାନେ ମଧ୍ୟ ଅପରେସନ୍ ଜାରି ରଖିଛନ୍ତି ।

   Related Posts