Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦାନା ବାନ୍ଧୁଛି ବାତ୍ୟା : ୫ରେ ଓଡିଶା-ଆନ୍ଧ୍ର ଉପକୂଳରେ ଲ୍ୟାଣ୍ଡଫଲ୍ !
  • ||
  • ସୋମବାରଠୁ ଶୀତ ଅଧିବେଶନ, ପ୍ରଥମ ଦିନରେ କୃଷି ବିଲ୍ ରବ୍ଦ ନେଇ ଆସିବ ପ୍ରସ୍ତାବ
  • ||

ଗ୍ୟାସ୍ ସିଲିଣ୍ଡର୍ ଡେଲିଭରୀ ପାଇଁ ନଭେମ୍ବର ୧ରୁ ଲାଗୁ ହେବ ନୂଆ ନିୟମ: ଜାଣନ୍ତୁ କ’ଣ କରିବାକୁ ହେବ

27/10/2020 at 1:41 PM

ନୂଆଦିଲ୍ଲୀ ୨୭/୧୦ : ଗ୍ୟାସ ସିଲିଣ୍ଡର କଳାବଜାରୀ ଉପରେ ଲଗାମ ଲଗାଇବାକୁ ସରକାର ନଭେମ୍ବର ୧ ତାରିଖରୁ ନୂଆ ନିୟମ ଲାଗୁ କରିବାକୁ ପ୍ରସ୍ତୁତି କରୁଛନ୍ତି। ନଭେମ୍ବର ୧ ତାରିଖରେ ଡେଲିଭରୀ ବଏ ସିଲିଣ୍ଡର ନେଇ ଘରକୁ ଆସିଲେ ତାଙ୍କୁ ଓଟିପି ଦେବାକୁ ହେବ। ସରକାରୀ ତୈଳ କମ୍ପାନୀ ଅନୁଯାୟୀ ନଭେମ୍ବର ୧ ତାରିଖରୁ ଦେଶର ୧୦୦ଟି ସ୍ମାର୍ଟ ସିଟିରେ ଗ୍ୟାସ୍ ଡେଲିଭରୀ ପାଇଁ ୱାନ୍ ଟାଇମ୍ ପାସୱାର୍ଡ଼ ବା ଓଟିପି ଅନିବାର୍ଯ୍ୟ।

ଏହି ନୂଆ ସିଷ୍ଟମକୁ DAC ନାଁ ଦିଆଯାଇଛି ଅର୍ଥାତ୍ ଡେଲିଭରୀ ଅଥେଣ୍ଟିକେସନ୍ କୋଡ୍। ଏବେ କେବଳ ବୁକିଂ କଲେ ସିଲିଣ୍ଡର୍ ଡେଲିଭର ହେବନାହିଁ। ସିଲିଣ୍ଡର ବୁକିଂ ପରେ ଆପଣଙ୍କ ପଞ୍ଜିକୃତ ମୋବାଇଲ୍ ନମ୍ବରକୁ ଏକ କୋଡ୍ ପଠାଯିବ। ସେହି କୋଡ଼ ଆପଣଙ୍କୁ ଡେଲିଭରୀ ବଏକୁ ଦେଖାଇବାକୁ ହେବ। ଡେଲିଭରୀ ବଏକୁ ସେହି କୋଡ ନ ଦେଖାଇବା ଯାଏଁ ସିଲିଣ୍ଡର୍ ଡେଲିଭର୍ ହେବନାହିଁ।

ଯଦି କୌଣସି ଗ୍ରାହକ ଡିଷ୍ଟ୍ରିବ୍ୟୁଟର୍ ପାଖରେ ନିଜର ମୋବାଇଲ ନମ୍ବର୍ ଅପଡେଟ କରିନାହାନ୍ତି ତାହେଲେ ମଧ୍ୟ ଆପଣଙ୍କ ସିଲିଣ୍ଡର ଡେଲିଭର ହୋଇପାରିବ। ଡେଲିଭରୀ ବଏ ପାଖରେ ଏକ ଆପ ଥିବ, ଯେଉଁ ଆପ ଜରିଆରେ ଆପଣ ନିଜ ନମ୍ବର ଅପଡେଟ୍ କରିପାରିବେ। ଏହାପରେ କୋଡ୍ ଜେନେରେଟ୍ କରିପାରିବେ। ତେବେ ଯେଉଁ ଗ୍ରାହକଙ୍କ ଠିକଣା ଭୁଲ ଥିବ କିମ୍ବା ମୋବାଇଲ ନମ୍ବର ଭୁଲ ଥିବ ସେହି ଗ୍ରାହକଙ୍କ ପାଇଁ ସମସ୍ୟା। ଏଥିପାଇଁ ଗ୍ରାହକଙ୍କ ସିଲିଣ୍ଡର୍ ଡେଲିଭରୀ ରୋକି ଦିଆଯାଇପାରେ।

ତୈଳ କମ୍ପାନୀ ତରଫରୁ ସମସ୍ତ ଗ୍ରାହକଙ୍କୁ ପରାମର୍ଶ ଦିଆଯାଇଛି ଯେ ସେ ନିଜ ନାମ, ଠିକଣା ଓ ମୋବାଇଲ ନମ୍ବର ଅପଡେଟ୍ କରିଦିଅନ୍ତୁ। ଯେପରି ସିଲିଣ୍ଡର ଡେଲିଭରୀ ସମୟରେ ତାଙ୍କୁ କୌଣସି ପ୍ରକାର ସମସ୍ୟାର ସମ୍ମୁଖୀନ ହେବାକୁ ନପଡେ। ତେବେ ଏହି ନିୟମ କମର୍ସିୟାଲ୍ ଏଲପିଜି ସିଲିଣ୍ଡର ପାଇଁ ଲାଗୁ ହେବନାହିଁ।

   Related Posts