ନୂଆଦିଲ୍ଲୀ,୧୧/୦୭: ରାଜ୍ୟରେ କରୋନା ଭାଇରସର ସଂକ୍ରମଣ ଧିରେଧିରେ କମୁଛି ।ଅନଲକ୍ ପ୍ରକ୍ରିୟା ମଧ୍ୟ ଆରମ୍ଭ ହେଲାଣି । ଏହାମଧ୍ୟରେ ସରକାର ଅନଲକ୍-୭ର ଗାଇଡଲାଇନ୍ ଜାରି କରିଛନ୍ତି । ଗାଇଡଲାଇନରେ ଅନେକ କଟକଣା ହଟିଛି ।
ଦିଲ୍ଲୀ ସରକାର ଅନଲକ-୭ର ଗାଇଡଲାଇନ୍ ଜାରି କରିଛନ୍ତି । ଗାଇଡଲାଇନ ଅନୁସାରେ, ଦିଲ୍ଲୀ ପୋଲିସ, ସେନା ଟ୍ରେନିଂ କିମ୍ବା ଅନ୍ୟ କୌଣସି ସଂସ୍ଥାର ଟ୍ରେନିଂ ଉପରେ ଆଉ ରୋକ୍ ଲାଗିବ ନାହିଁ । ଆକାଡେମିକ ଗ୍ୟାଦରିଂ ବା ଶିକ୍ଷାନୁଷ୍ଠାନରେ କାର୍ଯ୍ୟକ୍ରମ ଆୟୋଜନକୁ ଅନୁମତି ମିଳିଛି । ଏଥିରେ ସ୍କୁଲ-କଲେଜର କୌଣସି କାର୍ଯ୍ୟକ୍ରମ ଆଦି ହୋଇପାରିବ । ସ୍କୁଲ-କଲେଜର ଅଡିଟୋରିୟମ ଶିକ୍ଷା ସମ୍ବନ୍ଧୀୟ ଟ୍ରେନିଂ କିମ୍ବା ବୈଠକ ପାଇଁ ୫୦ ପ୍ରତିଶତ କ୍ଷମତାରେ ଖୋଲିପାରିବ ।
ଦିଲ୍ଲୀରେ ଏବେ ଦୈନିକ ୧୦୦ରୁ କମ ମାମଲା ସାମ୍ନାକୁ ଆସୁଛି । ଶନିବାର ୭୬ଟି କେସ୍ ସାମ୍ନାକୁ ଆସିଥିଲା । କେବଳ ଜଣେ ଆକ୍ରାନ୍ତ ପ୍ରାଣ ହରାଇଥିଲେ । ମାର୍ଚ୍ଚ ୨୧ ପରେ ଏତେ କମ୍ ସଂଖ୍ୟକ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ସୂଚନାଯୋଗ୍ୟ, ଦିଲ୍ଲୀରେ ୨୫ ହଜାରରୁ ଅଧିକ କରୋନା ଆକ୍ରାନ୍ତ ଜୀବନ ହାରିଛନ୍ତି । ଏବେ କିନ୍ତୁ ମୃତ୍ୟସଂଖ୍ୟା କମୁଛି । ଏବେ ଦେଶର ରାଜଧାନୀରେ କେବଳ ୭୯୨ଟି ସକ୍ରିୟ ମାମଲା ରହିଛି । ହୋମ୍ ଆଇସୋଲେସନରେ ୨୫୬ ଜଣ ଆକ୍ରାନ୍ତ ରହିଛନ୍ତି ।