Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାଙ୍ଗକୁ ମାରି ଖଣ୍ଡଖଣ୍ଡ କରି ଖଟ ବାକ୍ସରେ ଲୁଚାଇଥିଲା : ପିଲାଦିନର ସାଙ୍ଗ ରହୁଥିଲେ ଏକାଠି, ପଇସା ପାଇଁ ସବୁ ସରିଗଲା

27/10/2020 at 8:16 PM

ନୂଆଦିଲ୍ଲୀ, ୨୭|୧୦:     ନୂଆଦିଲ୍ଲୀ ସନ୍ତ ନଗରରେ ଘଟିଥିବା ସମୀର ମଲ୍ଲିକ ହତ୍ୟାକାଣ୍ଡର ପର୍ଦ୍ଦାଫାସ କରିଛି ପୋଲିସ । ଏହି ହତ୍ୟାକାଣ୍ଡରେ ସଂପୃକ୍ତି ଅଭିଯୋଗରେ ପୋଲିସ ଜଣେ ଯୁବକଙ୍କୁ ଗିରଫ କରିଛି । ଏହି ହତ୍ୟାକାଣ୍ଡର ତଦନ୍ତ କରିବା ପୋଲିସ ପାଇଁ ଏକ ଚ୍ୟାଲେଞ୍ଜ ଥିଲା । କାରଣ ମୃତଦେହ ଶରୀରରେ ଏକାଧିକ ଛୁରାମାଡର ଚିହ୍ନ ଥିବା ବେଳେ ମୃତଦେହକୁ ଖଣ୍ଡ ବିଖଣ୍ଡିତ ଅବସ୍ଥାରେ ୨ଦିନ ପରେ ଏକ ଖଟ ବାକ୍ସ ଭିତରୁ ଉଦ୍ଧାର କରାଯାଇଥିଲା ।

ଗିରଫ ଅଭିଯୁକ୍ତ ହେଲା ସଲମାନ । ସେ ମୃତକଙ୍କ ରୁମ୍ ମେଟ୍ ବୋଲି ଜଣାପଡିଛି । ଉଭୟଙ୍କ ଘର ଉତ୍ତରପ୍ରଦେଶର ମୋରଦାବାଦରେ । ସଲମାନ କୌଣସି ଏକ ଘରୋଇ ସଂସ୍ଥାରେ କାମ କରେ । ତେବେ ସେ ହିଁ ସମୀରକୁ ହତ୍ୟା କରିଥିବା ଜେରାରେ ସ୍ୱୀକାର କରିଥିଲା । ଉଭୟଙ୍କ ମଧ୍ୟରେ ଟଙ୍କା ପଇସା ବିବାଦରୁ ଏହି ହତ୍ୟାକାଣ୍ଡ ଘଟିଥିବା ସୂଚନା ମିଳିଛି । କାରଣ ସମୀର ଠିକାଦାର ଭାବେ କାମ କରୁଥିବା ବେଳେ ସଲମାନ ତା ପାଖରେ କାମ କରୁଥିଲା । ଦରମା ଦିଆ ନିଆକୁ ନେଇ ଉଭୟଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା ।

ପୋଲିସର କହିବାନୁସାରେ, ସଲମାନ ସମୀର ସହ ବଚସା ଲାଗିବା ପରେ ଘର ଛାଡିଦେଇଥିଲା । ତେବେ ହତ୍ୟାକାଣ୍ଡ ପରଠୁ ସେ ନିଖୋଜ ଥିଲା । ଫଳରେ ସନ୍ଦେହ ଘନୀଭୂତ ହୋଇଥିଲା । ଏହାପରେ ପୋଲିସ ମୋରଦାବାଦରେ ଚଢଉ କରି ସଲମାନକୁ ଗିରଫ କରିଥିଲା ।

   Related Posts