Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ଆସନ୍ତା ବର୍ଷ ଜୁଲାଇ ୨୩ରୁ ଆରମ୍ଭ ହେବ ଟୋକିଓ ଅଲମ୍ପିକ, ନୂଆ ତାରିଖ ଘୋଷଣା କଲା ଆଇଓସି

30/03/2020 at 6:24 PM

ଟୋକିଓ, ୩୦|୦୩: କରୋନା ଭାଇରସ କାରଣରୁ ଟୋକିଓ ଅଲମ୍ପିକର ଆୟୋଜନକୁ ଗୋଟିଏ ବର୍ଷ ପାଇଁ ଘୁଞ୍ଚାଇ ଦିଆଯାଇଛି । ତେବେ ଏହି ଟୁର୍ଣ୍ଣାମେଣ୍ଟର ଆୟୋଜନ ତାରିଖ ବାବଦରେ ଘୋଷଣା କରାଯାଇଛି । ଇଣ୍ଟରନ୍ୟାଶନାଲ ଅଲମ୍ପିକ କମିଟି ବା ଆଇଓସିର ସୂଚନାନୁସାରେ ଏହି ଟୁର୍ଣ୍ଣାମେଣ୍ଟ ୨୦୨୧ ଜୁଲାଇ ୨୩ ତାରିଖରୁ ଆରମ୍ଭ ହେବ । ଏହି ଖେଳ ଅଗଷ୍ଟ ୮, ୨୦୨୧ ଯାଏଁ ଚାଲିବ । ସେହିପରି ପାରା ଅଲମ୍ପିକ ଅଗଷ୍ଟ ୨୪ରୁ ସେପ୍ଟେମ୍ବର ୫ ଯାଏଁ ଅନୁଷ୍ଠିତ ହେବ ।

ଜୁଲାଇ ୨୪ରୁ ଅଗଷ୍ଟ ୯ ଯାଏଁ ହୋଇଥାନ୍ତା ଆୟୋଜନ

ଚଳିତ ବର୍ଷ ଜୁଲାଇ ୨୪ରୁ ଅଗଷ୍ଟ ୯ ତାରିଖ ଯାଏଁ ଅଲମ୍ପିକ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଥାନ୍ତା । ଏହି ଖେଳର ମସାଲ କିଛି ଦିନ ପୂର୍ବରୁ ଗ୍ରୀସରୁ ଟୋକିଓ ପହଁଚିଥିଲା ।କିନ୍ତୁ ସାରା ବିଶ୍ୱରେ କରୋନା ଭାଇରସର ଆତଙ୍କ ମଧ୍ୟରେ ଅନେକ ବଡ ଦେଶ ଏଥିରେ ଭାଗ ନେବେ ନାହିଁ ବୋଲି ଘୋଷଣା କରିଥିଲେ । ତେଣୁ ଏହାକୁ ମାର୍ଚ୍ଚ ୨୫ ତାରିଖରେ ସ୍ଥଗିତ କରାଯାଇଥିଲା । ଖେଳ ଇତିହାସରେ ପ୍ରଥମ ଥର ପାଇଁ କୌଣସି ମହାମାରୀ ପାଇଁ ଏହି ଟୁର୍ଣ୍ଣାମେଣ୍ଟକୁ ସ୍ଥଗିତ ରଖାଯାଇଥିଲା।

ଅଲମ୍ପିକର ନୂଆ ତାରିଖ ଘୋଷଣା କରାଯାଇଥିଲେ ମଧ୍ୟ ଏବେବି ଅନେକ ଆଶଙ୍କା ରହିଛି । ଅନ୍ୟ ଦେଶ ଏହି ତାରିଖରେ ସହମତି ପ୍ରକାଶ କରିବେ ନା ନାହିଁ ତାହା ସ୍ପଷ୍ଟ ହୋଇପାରି ନାହିଁ ।  ଖେଳର ଆୟୋଜନ ପାଇଁ ଷ୍ଟାଡିୟମ ଉପଲବ୍ଧ ହେବ ନା ନାହିଁ ସେନେଇ ପ୍ରଶ୍ନ ସୃଷ୍ଟି ହୋଇଛି । ଏହାସହ ଟିକେଟଧାରକଙ୍କୁ କିପରି ଟଙ୍କା ଫେରସ୍ତ ମିଳିବ ସେନେଇ ମଧ୍ୟ ପ୍ରଶ୍ନ ଉଠିଛି । ତେବେ ଆସନ୍ତା ବର୍ଷ ଆୟୋଜିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ ଅଲମ୍ପିକ ୨୦୨୦ ନାମରେ ପରିଚିତ ହେବ । 

   Related Posts