Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||
  • ଭୁବନେଶ୍ବର : DRDO ତଥ୍ୟ ଲିକ୍ ମାମଲାରେ କ୍ରାଇମବ୍ରାଞ୍ଚ ହାତରେ ନୂଆ ତଥ୍ୟ, ଦୁବାଇ ଲୁଲୁ ଇଣ୍ଟରନ୍ୟାସନାଲ୍ ଏଜେନ୍ସିରୁ ଆସିଥିଲା ଟଙ୍କା
  • ||

ସାମ୍ନାକୁ ଆସିଲା କରୋନାର ୩ ନୂଆ ଲକ୍ଷଣ : ବାନ୍ତି ଲାଗିଲେ, ଡାଇରିଆ ହେଲେ କରନ୍ତୁ କୋଭିଡ ଟେଷ୍ଟ

29/06/2020 at 1:48 PM

ନୂଆଦିଲ୍ଲୀ ୨୯/୦୬ : ଦେଶରେ କରୋନା ସଂକ୍ରମଣ ବ୍ରେକ ନେବାର ନାଁ ନେଉନାହିଁ | ଲଗାତାର ନୂଆ ମାମଲା ସାମ୍ନାକୁ ଆସୁଛି | ଦେଶରେ ଏବେ ସୁଦ୍ଧା ୫ ଲକ୍ଷ ୨୮ ହଜାରରୁ ଅଧିକ ଲୋକ ସଂକ୍ରମଣର ଶିକାର ହୋଇସାରିଛନ୍ତି | କରୋନା ସଂକ୍ରମଣ ବଢିବା ସହିତ ନୂଆ ନୂଆ ଲକ୍ଷଣ ମଧ୍ୟ ସାମ୍ନାକୁ ଆସିଛି | ଇତି ମଧ୍ୟରେ କରୋନାର ନୂଆ ଲକ୍ଷଣ ସ୍ୱାସ୍ଥ୍ୟ ବିଭାଗର ଚିନ୍ତା ବଢ଼ାଇଛି | ଏବେ ପର୍ଯ୍ୟନ୍ତ ଜ୍ୱର, ଥଣ୍ଡା, ନିଶ୍ୱାସ ନେବାରେ ଅସୁବିଧା ଆଦି କରୋନା ଲକ୍ଷଣ ଥିଲା | ଏହିସବୁ ଲକ୍ଷଣ ଦେଖାଦେଲେ ତୁରନ୍ତ କରୋନା ଯାଞ୍ଚ କରାଇବାକୁ ପରାମର୍ଶ ଦିଆଯାଇଥିଲା | କିନ୍ତୁ ଆମେରିକା ମେଡିକାଲ ସଂସ୍ଥା ସେଣ୍ଟର ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେନ୍ଶାନ ୩ଟି ନୂଆ ଲକ୍ଷଣ ଦର୍ଶାଇଛନ୍ତି | ଏହି ୩ଟି ନୂଆ ଲକ୍ଷଣ ମୌସୁମୀ ସମୟରେ ଭାରତର ଚିନ୍ତାର ବିଷୟ | 

ସେଣ୍ଟର ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେନ୍ଶାନ ଅନୁଯାୟୀ, ପୁରୁଣା କରୋନା ଲକ୍ଷଣ ଛଡା ନାକ ବୋହିବା, ବାନ୍ତି ଲାଗିବା ଓ ଡାଇରିଆ ମଧ୍ୟ କରୋନାର ଲକ୍ଷଣ ହୋଇପାରନ୍ତି | ଏହିସବୁ ଲକ୍ଷଣ ଦେଖାଦେଲେ ଏହାକୁ ସାମାନ୍ୟ ରୋଗ ନ ଭାବି ତୁରନ୍ତ କରୋନା ଯାଞ୍ଚ କରିବାକୁ ପରାମର୍ଶ ଦେଇଛନ୍ତି |

ସିଡିସି ଅନୁଯାୟୀ, ପୂର୍ବରୁ ନାକ ବୋହିବା କରୋନା ଲକ୍ଷଣ ଅନ୍ତର୍ଭୁକ୍ତ ନଥିଲା | କିନ୍ତୁ ନିକଟରେ କରୋନା ରୋଗୀଙ୍କ ଲକ୍ଷଣରୁ ଜଣାପଡିଛି ଯେ ଯଦି ନାକ ବୋହିବା ସହିତ ଶରୀର ଦୁର୍ବଳ ଏବଂ ଅସ୍ତବ୍ୟସ୍ତ ଲାଗୁଥାଏ ତେବେ ତାହା ମଧ୍ୟ କରୋନା ସଂକ୍ରମିତ ହୋଇଥାଇପାରନ୍ତି | ବାନ୍ତି ଲାଗିବାକୁ ମଧ୍ୟ ଏବେ ସାମାନ୍ୟ ଭାବେ ଗ୍ରହଣ କରାଯିବ ନାହିଁ | ଯଦି କୌଣସି ବ୍ୟକ୍ତିଙ୍କୁ ଅସାମାନ୍ୟ ଭାବେ ବାରମ୍ବାର ବାନ୍ତି ଲାଗୁଥାଏ ତାହେଲେ ଏହା ବିପଦପୂର୍ଣ୍ଣ ହୋଇପାରେ | ଏହିଭଳି ବ୍ୟକ୍ତିଙ୍କୁ ତୁରନ୍ତ ଆଇସୋଲେଟ କରାଯିବ ଉଚିତ ବୋଲି ସିଡିସି କହିଛନ୍ତି | ମୌସୁମୀ ଯୋଗୁଁ ଅନେକ ଲୋକଙ୍କ ସ୍ୱାସ୍ଥ୍ୟବସ୍ଥାରେ ମଧ୍ୟ ପରିବର୍ତ୍ତନ ଦେଖାଦେଇଥାଏ | ଥଣ୍ଡା, ଜ୍ୱର, ନାକ ବୋହିବା, ବାନ୍ତି ଲାଗିବା ସାମାନ୍ୟ ହୋଇଥିଲେ ମଧ୍ୟ କରୋନା ମହାମାରୀ ସମୟରେ ଏହାକୁ ସାମାନ୍ୟ ଭାବି ନଜର ଅନ୍ଦାଜ କରାଯାଇ ପାରିବନାହିଁ | ଏହିଭଳି ସ୍ଥିତିରେ ତୁରନ୍ତ କରୋନା ଯାଞ୍ଚ କରାଇନେବା ଉଚିତ |

କରୋନା ରୋଗୀଙ୍କ ଭିତରେ ଡାଇରିଆ ଲକ୍ଷଣ ମଧ୍ୟ ଦେଖାଦେଇଛି | ଡାକ୍ତର ପୂର୍ବରୁ ମଧ୍ୟ ଏ ସମ୍ପର୍କରେ ସୂଚନା ଦେଇଥିଲେ ଯେ କରୋନା ରୋଗୀଙ୍କ ମଧ୍ୟରେ ଡାଇରିଆ ଏବଂ ଡାଇରିଆ ଭଳି ଲକ୍ଷଣ ଅମେଧ୍ୟ ଦେଖାଦେଇପାରେ | ନିକଟରେ ହୋଇଥିବା ଏକ ଅନୁସନ୍ଧାନରେ ଜଣାପଡିଛି ଯେ ଯଦି କୌଣସି ବ୍ୟକ୍ତିଙ୍କୁ ଡାଇରିଆ ହୋଇଛି ତାହେଲେ ସେ ମଧ୍ୟ କରୋନା ସଂକ୍ରମିତ ହୋଇଥାଇପାରନ୍ତି | ଏମାନେ ତୁରନ୍ତ କରୋନା ଯାଞ୍ଚ କରାଇନେବା ଉଚିତ |

ଆମେରିକାର ସେଣ୍ଟର ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେନ୍ଶାନ ଅନୁଯାୟୀ, ଏହି ସବୁ ଲକ୍ଷଣ ଛଡା ଯଦି କୌଣସି ବ୍ୟକ୍ତିଙ୍କୁ ଅଧିକ ଥଣ୍ଡା ଲାଗୁଛି, କଫ ରହିଛି, ନିଶ୍ୱାସ ନେବାରେ ଅସୁବିଧା ହେଉଛି, ଦୁର୍ବଳ ଲାଗୁଛି, ଶରୀର ପୀଡା ହେଉଛି, ମୁଣ୍ଡ ବିନ୍ଧା ହେଉଛି, ଖାଇବାରେ ସ୍ୱାଦ ଜଣାପଡ଼ୁନାହିଁ ଏବଂ ଗଳାରେ ଯନ୍ତ୍ରଣା ହେଉଛି ତାହେଲେ ଏହା କରୋନା ଲକ୍ଷଣ ଭାବି ଏବଂ ଯାଞ୍ଚ କରାଇବା ଉଚିତ |

   Related Posts