Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||

କରୋନା ବିପଦ ଟଳିନି ! ଜାପାନରେ ଚିହ୍ନଟ ହେଲା କୋଭିଡ୍-୧୯ର ଆଉ ଏକ ନୂଆ ଷ୍ଟ୍ରେନ୍

11/01/2021 at 9:31 AM

ଟୋକିଓ,୧୧/ ୦୧:  ଜାପାନରେ କରୋନା ଭାଇରସର ଆଉ ଏକ ନୂଆ ଷ୍ଟ୍ରେନ୍ ସାମ୍ନାକୁ ଆସିଛି । ବ୍ରାଜିଲରୁ ଜାପାନ ପହଁଚିଥିବା ଯାତ୍ରୀଙ୍କଠାରେ ଏହି ନୂଆ ଷ୍ଟ୍ରେନ୍ ଠାବ ହୋଇଛି । ଏହା ଦକ୍ଷିଣ ଆଫ୍ରିକା ଓ ବ୍ରିଟନରେ ଚିହ୍ନଟ ହୋଇଥିବା ଅଧିକ ସଂକ୍ରାମକ ଷ୍ଟ୍ରେନଠୁ ଭିନ୍ନ ଅଟେ । ଏହା ଉପରେ ବୈଜ୍ଞାନିକମାନେ ରିସର୍ଚ୍ଚ ଆରମ୍ଭ କରିଦେଇଛନ୍ତି ।

ରୟଟର୍ସ ରିପୋର୍ଟ ଅନୁସାରେ, ଜାପାନ ସ୍ୱାସ୍ଥ୍ୟ ମନ୍ତ୍ରାଳୟ କହିଛି ଯେ, ବ୍ରାଜିଲରୁ ଆସିଥିବା ୪ଜଣଙ୍କ ଠାରେ ଏହା ନୂଆ ଷ୍ଟ୍ରେନ୍ ମିଳିଛି । ଜାପାନ ବ୍ରାଜିଲକୁ ଏହି ନୂଆ ଷ୍ଟ୍ରେନ୍ ବାବଦରେ ଜଣାଇ ଦେଇଛି । ବିଶ୍ୱ ସ୍ୱାସ୍ଥ୍ୟ ସଙ୍ଗଠନକୁ ମଧ୍ୟ ଏନେଇ ତଥ୍ୟ ପଠାଯାଇଛି ।

ଜାପାନର ସ୍ୱାସ୍ଥ୍ୟ ମନ୍ତ୍ରାଳୟର କହିବାନୁସାରେ, ନୂଆ ଷ୍ଟ୍ରେନ୍ ଅଧିକ ସଂକ୍ରାମକ ନା ନାହିଁ ସେନେଇ ରିସର୍ଚ୍ଚ ଜାରି ରହିଛି । ଏହି ନୂଆ ଷ୍ଟ୍ରେନରେ ୧୨ଟି ମ୍ୟୁଟେସନ୍ ରହିଛି । ଏଥିରେ ଗୋଟିଏ ବ୍ରିଟେନ୍ ଓ ଦକ୍ଷିଣ ଆଫ୍ରିକାରୁ ଠାବ ହୋଇଛି । କୁହାଯାଉଛି ଯେ, ଜାପାନର ଷ୍ଟ୍ରେନ୍ ମଧ୍ୟ ଅଧିକ ସଂକ୍ରାମକ ହୋଇପାରେ ।

ଜାନୁଆରୀ ୨ ତାରିଖରେ ଟୋକିଓ ବିମାନବନ୍ଦରରେ ବ୍ରାଜିଲରୁ ଆସିଥିବା ଜଣେ ପୁରୁଷ ଯାତ୍ରୀ ଶ୍ୱାସକ୍ରିୟା ବେଳେ କଷ୍ଟ ଅନୁଭବ କରିଥିଲେ । ଏହାପରେ ଜଣେ ମହିଳା ଯାତ୍ରୀଙ୍କ ମୁଣ୍ଡବ୍ୟଥା ଓ ତଣ୍ଟିରେ ଦରଜ ଦେଖା ଦେଇଥିଲା । ଆଉ ଜଣେ ଯାତ୍ରୀଙ୍କୁ ଜ୍ୱର ହୋଇଥିଲା । ୪ଜଣଙ୍କୁ ବିମାନ ବନ୍ଦରରେ ହିଁ କ୍ୱାରେଣ୍ଟାଇନ୍ କରାଯାଇଥିଲା ।

କରୋନା ଭାଇରସର ମାମଲା ବୃଦ୍ଧି ପାଇବା ପରେ ଜାପାନ ସରକାର ରାଜଧାନୀ ଟୋକିଓ ସମେତ ୪ଟି ଅଞ୍ଚଳରେ ଜରୁରୀକାଳିନ ସ୍ଥିତି ଲାଗୁ କରିଛନ୍ତି । ଏବେସୁଦ୍ଧା ଜାପାନରେ କରୋନା ସଂକ୍ରମିତଙ୍କ ମାମଲା ୨ ଲକ୍ଷ ୮୯ ହଜାରରେ ପହଁଚିଥିବା ବେଳେ ପ୍ରାୟ ୪୦୬୦ ଜୀବନ ହାରିଛନ୍ତି ।

   Related Posts