କଟକ ୫|୧: ଭୁବନେଶ୍ବରରୁ କଟକ ଏବଂ କଟକର ବିଭିନ୍ନ ରୁଟରେ ଚାଲିବା ପାଇଁ କୋଟି କୋଟି ଟଙ୍କା ବ୍ୟୟରେ ସରକାର କିଣିଥିଲେ ସିଟିବସ । ହେଲେ ବସ କିଣାହେବା ଦିନଠାରୁ ପଡିପଡି ଖତ ଖାଉଛି । କେଉଁ ବସର ସିଟ୍ ତାଡି ନେଲେଣିଲ ଦୁର୍ବୃତ୍ତ ଆଉ କେଉଁ ବସରୁ ବ୍ୟାଟେରି ଚୋରି ହୋଇଗଲାଣି । ବସ ଗୁଡିକୁ ନେଇଯିବାକୁ ସରକାରଙ୍କୁ ବାରମ୍ବାର ବାରମ୍ବାର ଚିଠି ଲେଖାଯାଇଥିଲେ ବି କୌଣସି ପଦକ୍ଷେପ ନିଆଯାଉନି ବୋଲି ମେୟର କହିଛନ୍ତି । ...
କେଉଁଠି ବସରେ ଗଛ ମାଡି ଯାଇଛି ତ ଆଉ କେଉଁ ବସରେ ସିଟ୍ ନାହିଁ । ବସର ସିଟ ବ୍ୟାଟେରି ସହ ଅନ୍ୟାନ୍ୟ ଯନ୍ତ୍ରାଂଶ କାଢି ବିକି ସାରିଲେଣି ଦୁର୍ବୃତ୍ତ । କଟକ ବିକାଶ ଭବନ ପରିସରରେ ପଡି ପଡି ଖତ ଖାଉଛି କୋଟି କୋଟି ଟଙ୍କାର ସିଟି ବସ୍ । ଭୁବନେଶ୍ବରରୁ କଟକ ଓ କଟକର ୬ଟି ରୁଟ ଦେଇ ଚାଲିବା ପାଇଁ ଆସିଥିଲା ୩୦ଟି ସିଟି ବସ ।
{"id":70760}ହେଲେ ଆସିବା ଦିନଠାରୁ ଏହି ବସ୍ ନା ସାଧାରଣଲୋକଙ୍କୁ ସେବା ଯୋଗାଇ ପାରିଛି ନା ଏହାକୁ ସରକାର ନିଜ କାମରେ ଲଗାଇ ପାରିଛନ୍ତି । ଫଳରେ କୋଟି କୋଟି ଟଙ୍କାର ରାଜସ୍ବ ହରାଉଛନ୍ତି ।
ସେପଟେ କିନ୍ତୁ ଏ ନେଇ କଟକ ମହାନଗର ନିଗମ ପାଖରେ ନାହିଁ ସନ୍ତୋଷଜନକ ଉତ୍ତର। କଟକରେ ପଡି ରହିଥିବା ଏହି ସିଟି ବସକୁ ନେଇଯିବା ପାଇଁ ମହାନଗର ନିଗମ ପକ୍ଷରୁ ବାରମ୍ବାର ଚିଠି ଲେଖା ହୋଇଥିଲେ ବି କୌଣସି ସୁଫଳ ମିଳୁନଥିବା ମେୟର କହିଛନ୍ତି।