Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଦେଶରେ ଚିନ୍ତା ବଢାଉଛି କରୋନାର ନୂଆ ଷ୍ଟ୍ରେନ୍ : ଆକ୍ରାନ୍ତଙ୍କ ସଂଖ୍ୟା ୯୦କୁ ବୃଦ୍ଧି, ସେପଟେ ଆରମ୍ଭ ହେଲା ଭାରତ-ବ୍ରିଟେନ୍ ବିମାନ ସେବା

9/01/2021 at 6:58 PM

ନୂଆଦିଲ୍ଲୀ ୦୯/୦୧ : ବ୍ରିଟେନ୍‌ରେ ଦେଖା ଦେଇଥିବା କରୋନାର ନୂଆ ଷ୍ଟ୍ରେନ୍ ଦିନକୁ ଦିନ ସାରା ବିଶ୍ବରେ କାୟା ମେଲାଇ ଚାଲିଛି । ଏହାରି ମଧ୍ୟରେ ଭାରତରେ ମଧ୍ୟ କରୋନାର ନୂଆ ଷ୍ଟ୍ରେନ୍‌ରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ବର୍ତ୍ତମାନ ସୁଦ୍ଧା ଦେଶରେ ପ୍ରାୟ ୯୦ ଜଣ କରୋନାର ନୂଆ ଷ୍ଟ୍ରେନ୍‌ରେ ଆକ୍ରାନ୍ତ ହୋଇଥିବା ସୂଚନା ମିଳିଛି । ତେବେ ଭାରତ ଏବଂ ବ୍ରିଟେନ୍‌ ମଧ୍ୟରେ ବାତିଲ ହୋଇଥିବା ବିମାନ ସେବା ପୁଣି ଥରେ ଆରମ୍ଭ ହୋଇଛି ।

କଟକଣା ହଟାଯିବା ପରେ ଶୁକ୍ରବାର ପ୍ରଥମ ଥର ପାଇଁ ବ୍ରିଟେନ୍‌ରୁ ଏୟାର ଇଣ୍ଡିଆ ବିମାନ ଭାରତ ପହଞ୍ଚିଥିଲା । ବ୍ରିଟେନ୍‌ରୁ ଭାରତ ଫେରୁଥିବା ସମସ୍ତ ଯାତ୍ରୀଙ୍କର ବିମାନ ବନ୍ଦରରେ ହିଁ RT-PCR ଟେଷ୍ଟ କରିବା ବାଧ୍ୟତାମୂଳକ କରାଯାଇଛି । ଏହା ସହ କରୋନା ଟେଷ୍ଟ୍‌ର ପୂରା ଖର୍ଚ୍ଚ ଯାତ୍ରୀ ନିଜେ ବହନ କରିବେ ।

ଅନ୍ୟପଟେ ବ୍ରିଟେନ୍‌ରେ କରୋନା ଭାଇରସର ନୂଆ ଷ୍ଟ୍ରେନ୍ ମାମଲା ଲଗାତାର ଭାବେ ବୃଦ୍ଧି ପାଇବାରେ ଲାଗିଛି । ଏହାକୁ ଆଖି ଆଗରେ ରଖି ବ୍ରିଟେନ୍‌ ସରକାର ଦେଶରେ ଲକଡାଉନ୍ ମଧ୍ୟ ଘୋଷଣା କରିଛନ୍ତି । କେବଳ ବ୍ରିଟେନ୍‌ ନୁହେଁ, ଭାରତ ସମେତ ଅନେକ ଦେଶରେ କରୋନାର ନୂଆ ଷ୍ଟ୍ରେନ୍ ମୁଣ୍ଡ ବିନ୍ଧାର କାରଣ ପାଲଟିଛି । ସେପଟେ ବିଶେଷଜ୍ଞଙ୍କ କହିବା କଥା ତିଆରି ହୋଇଥିବା ଭ୍ୟାକସିନ ମଧ୍ୟ କରୋନାର ନୂଆ ଷ୍ଟ୍ରେନ୍‌କୁ ରୋକିବାରେ ସଫଳ ହୋଇପାରିବ ।

   Related Posts