Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକରେ ଗୁଳିମାଡ଼ କରି ସୁନା ଓ ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ଭୁବନେଶ୍ବରରୁ ଦିନକରେ ୨୦୩ କରୋନା ଆକ୍ରାନ୍ତ ଚିହ୍ନଟ, ୧୩୪ ସୁସ୍ଥ
  • ||
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||

ଶ୍ରମିକ ସ୍ପେଶାଲ ଟ୍ରେନରେ ପ୍ରସବର ଘଣ୍ଟେ ପରେ ଶିଶୁର ମୃତ୍ୟୁ : ୧୪ ଘଣ୍ଟା ଯାଏଁ ମୃତଦେହକୁ ଛାତିରେ ଜାକି ଧରିଥିଲେ ମା’

18/05/2020 at 3:29 PM

ଦୁର୍ଗ ୧୮/୦୫ : ଲକଡାଉନ ସମୟରେ ନାନା ଅସୁବିଧାର ସମ୍ମୁଖୀନେ ହେଉଥିବା ପ୍ରବାସୀ ଶ୍ରମିକ ଘରମୁହାଁ ହେଉଛନ୍ତି | ପ୍ରବାସୀ ଶ୍ରମିକଙ୍କ ପାଇଁ ଶ୍ରମିକ ସ୍ପେଶାଲ ଟ୍ରେନ ବ୍ୟବସ୍ଥା କରାଯାଇଛି | ଏହି ସମୟରେ ଏକ ଦୁଖଦ ଘଟଣା ସାମ୍ନାକୁ ଆସିଛି | ଜଣେ ମା’ଠାରୁ ତାର ଶିଶୁ ସବୁଦିନ ପାଇଁ ଦୁରେଇ ଯାଇଛି | ଦିଲ୍ଲୀରୁ ଦୁର୍ଗ ଅଭିମୁଖେ ଯାଉଥିବା ଶ୍ରମିକ ସ୍ପେଶାଲ ଟ୍ରେନରେ ସୀମା ନାମକ ମହିଳା ଯାତ୍ରା କରୁଥିଲେ | ସୀମା ୯ ମାସର ଗର୍ଭବତୀ ଥିଲେ | ଟ୍ରେନ ଯାତ୍ରା ଆରମ୍ଭ କରିବା ପରେ ପରେ ସୀମାଙ୍କ ପ୍ରସବ ପୀଡା ଆରମ୍ଭ ହୋଇଥିଲା | ଟ୍ରେନରେ ଯାତ୍ରା କରୁଥିବା ମହିଳା ଶ୍ରମିକମାନେ ଯେକୌଣସି ପ୍ରକାରେ ସୀମାଙ୍କ ପ୍ରସବ କରାଇଥିଲେ |

ସେ ଏକ ସୁନ୍ଦର ଗୁଳୁଗୁଲିଆ ଶିଶୁକୁ ଜନ୍ମ ଦେଲେ | ଘଂଟାଏ ପର୍ଯ୍ୟନ୍ତ ସବୁ ଠିକ ଥିଲା | କିନ୍ତୁ ପରେ ହଠାତ ଶିଶୁକୁ ନିଶ୍ୱାସ ନେବାରେ ଅସୁବିଧା ହୋଇଥିଲା ଏବଂ ଶିଶୁ ସବୁଦିନ ପାଇଁ ଆଖି ମୁଜିଦେଲା | ସୀମାଙ୍କ ପାଇଁ ଏହା କୌଣସି ବଜ୍ରପାତରୁ କମ ନଥିଲା | ନବଜାତ ଶିଶୁକୁ ହରାଇବା ଦୁଃଖରେ ସୀମା ସମ୍ପୂର୍ଣ ଭାଙ୍ଗି ପଡ଼ିଥିଲେ |  ୧୪ ଘଣ୍ଟା ଯାଏଁ ସେ ନିଜ ଶିଶୁର ମୃତଦେହକୁ ଛାତିରେ ଜାକି ବସି ରହିଥିଲେ | ଆଖିରୁ ଅନର୍ଗଳ ଅଶ୍ରୁର ଧାରା ବୋହି ଚାଲିଥାଏ | ମଝିରେ ମଝିରେ ଶିଶୁର ମୁହଁକୁ ଟିକେ ଦେଖି ଦେଉଥାନ୍ତି ଆଉ ପୁଣି ଭୋ ଭୋ ହୋଇ କାନ୍ଦୁଥାନ୍ତି | ଟ୍ରେନଟି ଦୁର୍ଗରେ ପହଞ୍ଚିବା ପର୍ଯ୍ୟନ୍ତ ଏହି ସିଲସିଲା ଲାଗି ରହିଥିଲା | ଦୁର୍ଗ ପହଞ୍ଚିବା ପରେ ସ୍ଥାନୀୟ ପ୍ରଶାସନ ସୂଚନା ପାଇ ସୀମାଙ୍କ ପରିବାର ପାଇଁ ଗାଡି ବ୍ୟବସ୍ଥା କରି ତାଙ୍କୁ ଦୁର୍ଗରୁ ନବାଗଡ଼ ଯାଏଁ ପଠାଇ ଦେଇଥିଲେ |

   Related Posts