ନୂଆଦିଲ୍ଲୀ – ଆର୍ଥିକ ମାନ୍ଦାବସ୍ଥାକୁ ନେଇ ଏବେ ମୋଦୀ ସରକାରଙ୍କୁ ବିରୋଧମାନେ ଟାର୍ଗେଟ କରିଛନ୍ତି । ଏହା ଭିତରେ ଅର୍ଥମନ୍ତ୍ରୀ ନିର୍ମଳା ସୀତାରମ ପୁଣି ଥିରେ ଗଣମାଧ୍ୟମ ପ୍ରତିନିଧିମାନଙ୍କୁ ଭେଟିଛନ୍ତି । ଏବେ ସରକାରଙ୍କ ଫୋକସରେ ଘରୋଇ କ୍ରେତା, ରପ୍ତାନୀ ଓ ଟ୍ୟାକ୍ସ ରିଫର୍ମ ରହିଛି ବୋଲି କହିଛନ୍ତି ।
ପୂର୍ବରୁ ଟ୍ୟାକ୍ସ ପେୟର ବା କରଦାତାମାନଙ୍କ ବିରୋଧରେ ଛୋଟ ଛୋଟ ଡିଫଲ୍ଟ ପାଇଁ ଅପରାଧିକ ମାମଲା ରୁଜୁ କରାଯାଉଥିଲା । ଏବେ ଏ ସବୁ ପ୍ରସଙ୍ଗରେ ଆଉ ଅପରାଧିକ ମାମଲା ରୁଜୁ ହେବ ନାହିଁ । ୨୫ ଲକ୍ଷ ପର୍ଯ୍ୟନ୍ତ ଟ୍ୟାକ୍ସ ଡିଫଲ୍ଟ ପାଇଁ ଉଚ୍ଚ ଅଧିକାରୀଙ୍କର ଅନୁମତି ନେବାକୁ ପଡିବ ।
ରପ୍ତାନୀ ବା ଏକ୍ସପୋର୍ଟ ପାଇଁ ଅନେକ ଯୋଜନା ପ୍ରଣୟନ କରାଯାଉଥିବା ଅର୍ଥମନ୍ତ୍ରୀ ନିର୍ମଳା ସୀତାରମଣ ସୂଚନା ଦେଇଛନ୍ତି । ୨୦୨୦ ଜାନୁଆରୀ ମାସ ୧ ତାରିଖରୁ ଏକ୍ସଫର୍ମ ଇଣ୍ଡିଆନ ସ୍କିମ ସ୍ଥାନରେ ନୂଆ ସ୍କିମ ଆର୍ଓଡିଟିଇପି ଲାଗୁ କରାଯିବ । ଏହି ନୂଆ ଯୋଜନାରେ ସରକାରଙ୍କ ଉପରେ ୫୦ ହଜାର କୋଟି ଟଙ୍କାର ଆର୍ଥିକ ବୋଝ ବଢିବ । ରପ୍ତାନୀ ପାଇଁ ଇ-ରିଫଣ୍ଡ ବ୍ୟବସ୍ଥାକୁ ଖୁବ ଶୀଘ୍ର ଲାଗୁ କରାଯିବ ।
ରପ୍ତାନୀ ବୃଦ୍ଧି ପାଇଁ ମାର୍ଚ୍ଚ ୪ ତାରିଖରେ ବଡ ଧରଣର ଉତ୍ସବର ଆୟୋଜନ କରାଯିବ । ୪ଟି ଅଲଗା ଅଲଗା ସହରରେ ଏହି ଉତ୍ସବର ଆୟୋଜନ କରାଯିବ ।
୨୦୧୯ ଡିସେମ୍ବର ମାସରୁ ଦେଶର ସମସ୍ତ ବନ୍ଦରରେ ମାନୁଆଲ୍ କ୍ଲିଅରାନ୍ସ ବନ୍ଦ ହୋଇଯିବ ।
ଏପ୍ରିଲ ଓ ଜୁନ୍ରେ ଉଦ୍ୟୋଗ ବିକାଶର ସଙ୍କେତ ମିଳୁଥିବା ନିର୍ମଳା ସୀତାରମଣ ପ୍ରକାଶ କରିଛନ୍ତି ।
ସେପ୍ଟେମ୍ବର ୨୦ ତାରିଖରେ ଜିଏସ୍ଟି କାଉନସିଲ୍ର ବୈଠକ ହେବାକୁ ଅଛି । ଏହି ବୈଠକରେ କାର୍ ଠାରୁ ନେଇ ବିସ୍କୁଟ ପର୍ଯ୍ୟନ୍ତ ଉତ୍ପାଦ ଉପରେ ଜିଏସ୍ଟି ହ୍ରାସ କରାଯାଇ ପାରେ । ଏହା ସହ କାଉନସିଲ୍ ରାଜସ୍ୱ ସ୍ଥିତିର ବି ଧ୍ୟାନ ରଖିବ । କାରଣ ଜିଏସ୍ଟି ହ୍ରାସ କଲେ ଏହାର ପ୍ରଭାବ ରାଜ୍ୟମାନଙ୍କର ଆୟ ଉପରେ ପଡିବ ।
