ଭୁବନେଶ୍ୱର ୨୬/୩ : ଫଗୁଣ ମାସ ଶୁକ୍ଲପକ୍ଷ ପ୍ରତିପଦା ତିଥି ଅର୍ଥାତ ଏପ୍ରିଲ ୬ ତାରିଖରୁ ୧୪ ତାରିଖ ପର୍ଯ୍ୟନ୍ତ ନବରାତ୍ରି ପଡୁଛି | ଏହି ୯ ଦିନ ଆଦ୍ୟାଶକ୍ତି ମା' ଦୁର୍ଗାଙ୍କ ବିଶେଷ ପୂଜାର୍ଚ୍ଚନା କରାଯାଇଥାଏ | ଲୋକେ ଘରେ ଘରେ ଶ୍ରଦ୍ଧା ଓ ବିଶ୍ୱାସର ସହ ମା' ଦୁର୍ଗାଙ୍କୁ ଆରାଧନା କରାଯାଇଥାଏ | ନବରାତ୍ରି ବେଳେ ମା'ଙ୍କୁ ଷୋଳ ଶୃଙ୍ଗାର କରାଯାଇଥାଏ | ଲୋକେ ୯ଦିନ ପର୍ଯ୍ୟନ୍ତ ସାକାହାରୀ ଭୋଜନ କରି କିମ୍ବା ଫଳାହାର କରି ଉପବାସ କରିଥାନ୍ତି | କେହି କେହି କନ୍ୟା ଭୋଜନ ମଧ୍ୟ କରାଇଥାନ୍ତି |
{"id":96974}
ନବରାତ୍ରି ସମୟରେ କିଛି କାମ ନିଷେଧ କରାଯାଇଛି | କାରଣ ଏହିସବୁ କାମ କରିବା ଦ୍ୱାରା ମା' ରାଗି ଯାଇଥାନ୍ତି | ଯଦି ଭୁଲ ବଶତଃ ହୋଇଯାଏ ତାହେଲେ ମା'ଙ୍କୁ କ୍ଷମା ପ୍ରାର୍ଥନା କରି ପ୍ରାୟଶ୍ଚିତ କରିବା ଉଚିତ | ମା' ଦୁର୍ଗାଙ୍କ ବୀଜ ମନ୍ତ୍ର ନବରାତ୍ରିର ଶେଷ ଦିନ ୨୫୧ ଥର ଜପ କରିବା ଉଚିତ |
ଆସନ୍ତୁ ଜାଣିବା ନବରାତ୍ରି ବେଳେ କେଉଁ ସବୁ କାମ ଉଚିତ ନୁହେଁ :
୧. ନବରାତ୍ରି ପ୍ରତିପଦାରୁ ଏକାଦଶୀ ତିଥି ପର୍ଯ୍ୟନ୍ତ ନଖ କାଟିବା ଅନୁଚିତ
୨. ନବରାତ୍ରି ସମୟରେ ଚୁଟି ମଧ୍ୟ କାଟିବା ଅନୁଚିତ
୩. ନବରାତ୍ରିର ଶୁଭ ବେଳାରେ ସିଲେଇ କିମ୍ବା ବୁଣାବୁଣି ମଧ୍ୟ କରିବା ଉଚିତ ନୁହେଁ
୪. ନବରାତ୍ରି ବେଳେ କାହାର ନିନ୍ଦା ଅପମାନ କଦାପି କରିବା ଉଚିତ ନୁହେଁ, ମିଛ କଥା ନକହି ମଧୁରଭାଷି ହେବ ଉଚିତ
୫. ନବରାତ୍ରିର ୯ ଦିନ ପର୍ଯ୍ୟନ୍ତ ସୂର୍ଯ୍ୟାସ୍ତ ପରେ ଘରେ ଝାଡୁ ନକରିବାକୁ ଚେଷ୍ଟା କରିବେ | ଯଦି ଦରକାର ଘରେ କରିବେ କିନ୍ତୁ ପୂଜା ଘର କିମ୍ବା ରୋଷେଇ ଘରେ ଝାଡୁ କଦାପି କରିବେ ନାହିଁ
୬. ୯ ଦିନ ପର୍ଯ୍ୟନ୍ତ ଘରେ ଚପଲ ବ୍ୟବହାର କରିବେ ନାହିଁ | ଚମଡାରେ ତିଆରି ଜିନିଷ ଏହି ସମୟରେ ଭୁଲରେ ମଧ୍ୟ ବ୍ୟବହାର କରନ୍ତୁ ନାହିଁ
୭. ନବରାତ୍ରିର ୯ ଦିନ ପର୍ଯ୍ୟନ୍ତ ମଦ, ମାଂସ, ତମ୍ବାଖୁ, ଆମିଷ ଭଳି ପଦାର୍ଥ ସେବନ କରିବା ଅନୁଚିତ
୮. ୯ ଦିନ ପର୍ଯ୍ୟନ୍ତ କୌଣସି ମହିଳାଙ୍କ ଅପମାନ ଭୁଲରେ ମଧ୍ୟ କରିବା ଉଚିତ ନୁହେଁ | ଏହାଦ୍ୱାରା ମା' ଦୁର୍ଗା ରାଗି ଯାଇଥାନ୍ତି |