Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ଶନିବାର ଦିନ ଭୁଲରେ ମଧ୍ୟ ଘରକୁ ଆଣନ୍ତୁ ନାହିଁ ଏହିସବୁ ଜିନିଷ

16/02/2019 at 12:55 PM

ଭୁବନେଶ୍ୱର ୧୬/୨ : ଶନିବାର ଦିନ ଶନିଦେବଙ୍କ ପୂଜା କରାଯାଇଥାଏ | ଶନିବାର ଦିନ ଶନିଦେବଙ୍କୁ ପୂଜା କରିବା ଦ୍ୱାରା ଅନେକ କଷ୍ଟରୁ ମୁକ୍ତି ମିଳିଥାଏ | ତେବେ ଶାସ୍ତ୍ର ଅନୁସାରେ ଏମିତି କିଛି ବସ୍ତୁ ରହିଛି ଯାହା ଶନିବାର ଦିନ ଘରକୁ କଦାପି ଆଣିବା ଉଚିତ ନୁହେଁ | ଶନିବାର ଦିନ ଘରକୁ ଏହିସବୁ ଜିନିଷ ଆଣିବା ଦ୍ୱାରା ଘରେ ଅଶାନ୍ତି ଦେଖା ଦେଇଥାଏ |


ହିନ୍ଦୁ ଶାସ୍ତ୍ର ଅନୁସାରେ, ଶନିବାର ଦିନ ଲୁହା ଜିନିଷ କିଣିବା ଅନୁଚିତ | ଏହି ଦିନ ଲୁହା ଜିନିଷ କିଣିଲେ ଶନିଦେବ ରାଗି ଯାଇଥାନ୍ତି | ବିଶେଷ କରି ଶନିବାର ଦିନ ଲୁହା କଇଁଚି କିଣିବା ବର୍ଜନୀୟ | ଶନିବାର ଦିନ ଲୁହା କଇଁଚି କିଣି ଘରକୁ ଆଣିଲେ ପରିବାର ମଧ୍ୟରେ ଅଶାନ୍ତି ଦେଖା ଦେଇଥାଏ | ବରଂ ଏହି ଦିନ ଲୁହା ଜିନିଷ ଦାନ କଲେ ଶନିଦେବଙ୍କ କୃପା ଦୃଷ୍ଟି ପଡିଥାଏ | ବ୍ୟବସାୟରେ ମଧ୍ୟ ଭଲ ଫଳ ମିଳିଥାଏ |


ଶାସ୍ତ୍ର ଅନୁସାରେ ଶନିବାର ଦିନ ଶନିଦେବଙ୍କୁ ତେଲ ଅର୍ପଣ କରାଯାଇଥାଏ | ତେଲ ଅର୍ପଣ କରିବା ଦ୍ୱାରା ଶନିଦେବ ପ୍ରସନ୍ନ ହୋଇଥାନ୍ତି | କିନ୍ତୁ ଶନିବାର ଦିନ ତେଲ କିଣି ଘରକୁ ଆଣିଲେ ଶନିଦେବଙ୍କ କୋପ ଦୃଷ୍ଟି ପଡିଥାଏ | ଯାହାଫଳରେ ଅନେକ ସମସ୍ୟା ଦେଖା ଦେଇଥାଏ | ଶନିବାର ଦିନ ତେଲ କିଣିଲେ ପରିବାରରେ ରୋଗ ସମସ୍ୟା ଦେଖା ଦେଇଥାଏ |


ଲୁଣ ମଣିଷର ଏକ ଅତ୍ୟନ୍ତ ଜରୁରୀ ଜିନିଷ | କାରଣ ଲୁଣ ବିନା ଖାଦ୍ୟର ସ୍ୱାଦ ହିଁ ନଥାଏ | ଯଦି ଶନିବାର ଦିନ ଆପଣଙ୍କ ଘରେ ଲୁଣ ସରିଯାଇଥାଏ ତା’ହେଲେ ଭୁଲରେ ମଧ୍ୟ ଲୁଣ କିଣନ୍ତୁ ନାହିଁ | ଶନିବାର ଦିନ ଲୁଣ କିଣିବାରୁ ବଂଚିତ ରୁହନ୍ତୁ | ନଚେତ ଶନିଦେବ ଆପଣଙ୍କ ଜୀବନକୁ ମଧ୍ୟ ସ୍ଵାଦହୀନ କରିପାରନ୍ତି | ଶନିବାର ଲୁଣ କିଣିବା ଦ୍ୱାରା ଶନିଦେବଙ୍କ କୋପ ଦୃଷ୍ଟି ପଡିଥାଏ | ଶନିବାର ଦିନ ଲୁଣ କିଣିଲେ ପରିବାରରେ ଅନେକ ପ୍ରକାରର ରୋଗ ଦେଖାଦେବା ସହ କରଜ ମଧ୍ୟ ବଢିଥାଏ |


ଶାସ୍ତ୍ର ଅନୁସାରେ ଶନିଦେବଙ୍କୁ କଳା ରଙ୍ଗର ବସ୍ତୁ ଅର୍ପଣ କରାଯାଇଥାଏ | କଳା ବସ୍ତୁ ଦାନ କରିବା ଦ୍ୱାରା ଶନିଦେବ ପ୍ରସନ୍ନ ହୋଇଥାନ୍ତି | ଶନି ଦଶାରୁ ବଂଚିବା ପାଇଁ କଳା ରାଶି ଦାନ କରାଯାଇଥାଏ | ଏହାଛଡା ଅଶ୍ୱସ୍ଥ ବୃକ୍ଷ ମୂଳରେ ମଧ୍ୟ କଳା ରାଶି ଅର୍ପଣ କରାଯାଇଥାଏ | କିନ୍ତୁ ଶନିବାର ଦିନ କଳା ରଙ୍ଗର ବସ୍ତୁ କିଣିବା ବର୍ଜନୀୟ | ଏପରିକି ଶନିବାର ଦିନ କଳା ରଙ୍ଗର ଜୋତା କିମ୍ବା ଚପଲ ମଧ୍ୟ କିଣିବା ବର୍ଜନୀୟ | ଶନିବାର ଦିନ କଳା ରଙ୍ଗର ବସ୍ତୁ କିଣିଲେ କାର୍ଯ୍ୟରେ ସଫଳତା ମିଳେନାହିଁ | ଶନିବାର ଦିନ କଳା ମଶୁରି ଡାଲି ମଧ୍ୟ କିଣିବା କି ଖାଇବା ଅନୁଚିତ |

   Related Posts