Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାମୀ ନା ସଇତାନ ? ସ୍ତ୍ରୀକୁ ପିଟିପିଟି କଲା ହତ୍ୟା
  • ||
  • ପାରା ଧରିବା ବେଳେ ଲାଗିଗଲା ବିଦ୍ୟୁତ ତାର, ପୋଡିଗଲା ଶରୀରର ୯୦%
  • ||

ଲିମକା ବୁକ୍ ଅଫ୍ ରେକର୍ଡସରେ ସ୍ଥାନ ପାଇଲେ – ଆଇଏମଏସ ସମ୍ ହସ୍ପିଟାଲର ସ୍ବାସ୍ଥ୍ୟ ସେବା ନିର୍ଦ୍ଦେଶକ ବିଶିଷ୍ଟ ନ୍ୟୁରୋ ସର୍ଜନ ଡାକ୍ତର ଅଶୋକ ମହାପାତ୍ର

12/11/2019 at 8:15 PM

ଭୁବନେଶ୍ୱର ୧୨।୧୧ – ଆଇଏମଏସ ସମ୍ ହସ୍ପିଟାଲର ସ୍ବାସ୍ଥ୍ୟ ସେବା ନିର୍ଦ୍ଦେଶକ ବିଶିଷ୍ଟ ନ୍ୟୁରୋ ସର୍ଜନ ଡାକ୍ତର ଅଶୋକ ମହାପାତ୍ରଙ୍କ ଆଉ ଏକ ସଫଳତା । ଲିମକା ବୁକ୍ ଅଫ୍ ରେକର୍ଡସରେ ସେ ସ୍ଥାନ ପାଇଛନ୍ତି । ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗା-କାଳିଆଙ୍କ ସଫଳ ତଥା ବିରଳ ଅସ୍ତ୍ରୋପଚାର ଲାଗି ତାଙ୍କୁ ଏହି ସମ୍ମାନ ମିଳିଛି ।

ଲିମକା ବୁକ୍ ଅଫ୍ ରେକର୍ଡସରେ ସ୍ଥାନ ପାଇଲେ ସମ୍ ହସ୍ପିଟାଲର ସ୍ବାସ୍ଥ୍ୟ ସେବା ନିର୍ଦ୍ଦେଶକ ବିଶିଷ୍ଟ ନ୍ୟୁରୋ ସର୍ଜନ ଡାକ୍ତର ଅଶୋକ ମହାପାତ୍ର । ବହୁଚର୍ଚ୍ଚିତ କନ୍ଧମାଳର ଯୋଡ଼ାମୁଣ୍ଡ ଶିଶୁ ଜଗା-କାଳିଆଙ୍କ ବିରଳ ଅସ୍ତ୍ରୋପଚାର ଲାଗି ତାଙ୍କୁ ଏହି ସମ୍ମାନ ମିଳିଛି । ୨୦୧୭ ଅକ୍ଟୋବର ୨୫ରେ ଏମ୍ସରେ ଅତ୍ୟନ୍ତ ଜଟିଳ ଅସ୍ତ୍ରୋପଚାର କରାଯାଇ କନ୍ଧମାଳର ଜଗା-କାଳିଆ ଯୋଡ଼ାମୁଣ୍ଡକୁ ଅଲଗା କରାଯାଇଥିଲା । ତତ୍କାଳୀନ ଏମ୍ସ ନ୍ୟୁରୋ ସର୍ଜନ ବିଭାଗ ମୁଖ୍ୟ ଅଶୋକ ମହାପାତ୍ରଙ୍କ ନେତୃତ୍ବରେ ଏକ୍ ଟିମ୍ ଏଭଳି ବିରଳ ଅସ୍ତ୍ରୋପଚାରକୁ ସଫଳ କରିଥିଲେ । ଯାହା ସାରା ଦେଶରେ ଚର୍ଚ୍ଚାର ବିଷୟ ହୋଇଥିଲା ।

ଏହି ଅସ୍ତ୍ରୋପଚାର ଖୁବ୍ ରିସ୍କି ଥିଲା । ସଫଳତାର ସମ୍ଭାବନାକୁ ନେଇ ସମସ୍ତେ ସନ୍ଦିହାନ ଥିଲେ । ସାରା ଦେଶ ଜଗା-କାଳିଆଙ୍କ ଲାଗି ପ୍ରାର୍ଥନ କରୁଥିଲା । ସେପଟେ ଅପରେସନ ଥିଏଟରର ଉଭୟ ଶିଶୁଙ୍କ ଲାଗି ନିଜର ସର୍ବଶ୍ରେଷ୍ଠ ଚେଷ୍ଟା ଚଳାଇଥିଲେ ଅଶୋକ ମହାପାତ୍ରଙ୍କ ଟିମ୍ । ଯାହା ଶେଷରେ ସଫଳ ହୋଇଥିଲା । ଆଉ ଏବେ ଏହା ଲିମକା ବୁକ୍ ଅଫ ରେକର୍ଡସରେ ସ୍ଥାନ ପାଇଛି ।

ଦେଶର ଜଣେ ବିଶିଷ୍ଟ ନ୍ୟୁରୋ ସର୍ଜନ ଭାବେ ଅନେକ ସଫଳତା ସାଉଁଟିଛନ୍ତି ଅଶୋକ । ଓଡ଼ିଶାକୁ ମଧ୍ୟ ବାରମ୍ବାର ଗର୍ବିତ କରିଛନ୍ତି । ଏବେ ଭୁବନେଶ୍ବର ସମ୍ ହସ୍ପିଟାଲରେ ସ୍ବାସ୍ଥ୍ୟ ସେବା ନିର୍ଦ୍ଦେଶକ ଦାୟିତ୍ବରେ ଅଛନ୍ତି ଡାକ୍ତର ଅଶୋକ ମହାପାତ୍ର ।

   Related Posts