Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଅମିତ ଶାହଙ୍କ ସମ୍ପତ୍ତି କମିଛି, ବଜାର ମାନ୍ଦା ଯୋଗୁଁ ହେଲା ଘାଟା, ଅଥଚ ବଢିଛି ପ୍ରଧାନମନ୍ତ୍ରୀଙ୍କ ଆୟ

15/10/2020 at 10:32 PM

ନୂଆଦିଲ୍ଲୀ ୧୫୧୦ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହ ନିଜ ନିଜର ସମ୍ପତ୍ତି ତାଲିକା ଦାଖଲ କରିଛନ୍ତି। ମୋଦୀଙ୍କ ମୋଟ ସମ୍ପତ୍ତିର ପରିମାଣ ୨କୋଟି ୮୫ ଲକ୍ଷ ଟଙ୍କା ଦର୍ଶାଇଥିବା ବେଳେ ଗତ ବର୍ଷ ତୁଳନାରେ ତାଙ୍କ ଆର୍ଥିକ ଆୟରେ ୩୬ ଲକ୍ଷ ଟଙ୍କା ବୃଦ୍ଧି ହୋଇଥିବା ଜଣାପଡିଛି। ଏହି ରାଶି ବ୍ୟାଙ୍କରେ ଜମା ଥିବା ଟଙ୍କା, ମିଆଦି ଜମାରୁ ମିଳୁଥିବା ସୁଧ ଏବଂ ବ୍ୟୟ ପରେ ବଳକା ଦରମାରୁ ଆୟ ହୋଇଥିବା ପ୍ରଧାନମନ୍ତ୍ରୀ ହିସାବ ଦେଇଛନ୍ତି।

ପ୍ରଧାନମନ୍ତ୍ରୀ ଦାଖଲ କରିଥିବା ତାଙ୍କ ବାର୍ଷିକ ରିପୋର୍ଟରେ ସେ ଟଙ୍କାଟିଏ ବି ଋଣ କରି ନଥିବା ବେଳେ ଏବାବଦରେ ତାଙ୍କର ବ୍ୟୟ ନଥିବା ଦର୍ଶାଇଛନ୍ତି। ତାଙ୍କ ମିଆଦୀ ଜମା ଖାତାରେ ୧.୬ କୋଟି ଟଙ୍କା ଥିବା ପ୍ରଧାନମନ୍ତ୍ରୀ ଦର୍ଶାଇଥିବା ବେଳେ ସଞ୍ଚୟ ଜମା ଖାତାରେ ୩ଲକ୍ଷ ୩୮ ହଜାର ଟଙ୍କା ଜମା ରହିଛି।  ଡାକଘର ସଞ୍ଚୟ ସାର୍ଟିଫିକେଟ୍ (ଏନଏସସି)ରେ ପ୍ରଧାନମନ୍ତ୍ରୀ ୮ଲକ୍ଷ ୪୦ ହଜାର ଟଙ୍କା ନିବେଶ କରିଥିବା ବେଳେ ଶୁଳ୍କ ମୁକ୍ତ ବଣ୍ଡରେ ୨୦ ହଜାର ଟଙ୍କା ନିବେଶ କରିଛନ୍ତି। ମୋଦିଙ୍କର ଦେଢ ଲକ୍ଷଟଙ୍କାର ଜୀବନ ବୀମା ରହିଛି। ଗୁଜୁରାଟ ଗାନ୍ଧି ନଗରରେ ଥିବା ମୋଦିଙ୍କ ଘରର ମୂଲ୍ୟ ୧.୧କୋଟି ଟଙ୍କା ଅନୁମାନ କରିଥିବା ବେଳେ ଏଥିରେ ପ୍ରଧାନମନ୍ତ୍ରୀଙ୍କ ଭାଗ ୨୫ ପ୍ରତିଶତ ଦର୍ଶାଇଛନ୍ତି।  ତାଙ୍କ ନିକଟରେ ହ୍ୟାଣ୍ଡ ଇନ କ୍ୟାସ୍‌ ବାବଦେ ୩୧ ହଜାର ୪୫୦ ଟଙ୍କା ରଖିଛନ୍ତି। ତେବେ ପ୍ରଧାନମନ୍ତ୍ରୀଙ୍କ ନିଜସ୍ୱ କୌଣସି ବାହନ ନାହିଁ।   ସ୍ୱର୍ଣ୍ଣ ଆଭୁଷଣ ଭାବେ ତାଙ୍କର ୪ଟି ସୁନା ମୁଦି ଥିବା ସୂଚିତ କରିଛନ୍ତି। ପ୍ରଧାନମନ୍ତ୍ରୀ ଭାବେ ମୋଦି ମାସିକ ୨ଲକ୍ଷ ଟଙ୍କା ବେତନ ପ୍ରାପ୍ତ କରୁଛନ୍ତି। ତେବେ ଦେଶରେ କରୋନା ଭାଇରସ ମହାମାରୀ ଯୋଗୁ ରାଷ୍ଟ୍ରପତି, ଉପରାଷ୍ଟ୍ରପତି, କ୍ୟାବିନେଟ ସଦସ୍ୟ ଓ ସାଂସଦମାନଙ୍କ ଦରମାରୁ ୩୦ ପ୍ରତିଶତ କାଟ ହେଉଥିବାରୁ ପ୍ରଧାନମନ୍ତ୍ରୀ ମଧ୍ୟ ତାଙ୍କ ବେତନରୁ ୩୦ ପ୍ରତିଶତ କଟାଉଛନ୍ତି।

ସେହିପରି କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସମ୍ପତ୍ତିର ପରିମାଣ ଗତ ଏକ ବର୍ଷରେ କମିଛି । ଶାହଙ୍କର ମୋଟ୍ ସମ୍ପତ୍ତି ହୋଉଛି ୨୮.୬୩ କୋଟି । ଏନେଇ ସେ ଜୁନ ୨୦୨୦ରେ ଘୋଷଣା କରିଥିଲେ । ତେବେ ୨୦୧୯ରେ ଏହା ୩୨.୩ କୋଟି ଥିଲା ।

ଶାହଙ୍କର ମୋଟ ୧୦ ଟି ଅସ୍ଥାବର ସମ୍ପତ୍ତି ରହିଛି । ଯାହାର ଦାମ୍ ୧୩.୫୬ କୋଟି । ସେହିପରି ତାଙ୍କ ପାଖରେ ୧୫,୮୧୪ ଟଙ୍କାର ନଗଦ ଅର୍ଥ ରହିଛି । ଏହାସହ ୧.୦୪ କୋଟିର ବ୍ୟାଙ୍କ ବାଲାନ୍ସ ରହିଛି । ସେହିପରି ୨.୭୯ ଲକ୍ଷର ଫିକ୍ସଡ ଡିପୋଜିଟ୍ ଓ ୪୪.୪୭ ଲକ୍ଷ ଟଙ୍କାର ଅଳଙ୍କାର ରହିଛି ।

   Related Posts