Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ବିରିମାଡରେ କୋଳଥ ଚେପା ! ସୀମାରୁ ଫାଣ୍ଡି ଉଠାଇ ନେଲା ନେପାଳ

6/07/2020 at 5:48 PM

ପିଥୋରାଗଡ଼ ୬।୭:  ସୀମାରେ ଉତ୍ତେଜନା ପ୍ରସମିତ କରିବା ଲାଗି ଭାରତ ସହ ଆଲୋଚନା ପରେ ଚୀନ୍‌ ନିଜ ସେନା ହଟାଇବା ପ୍ରକ୍ରିୟା ଆରମ୍ଭ କରିଛି। ତେବେ ଭାରତ ସୀମାରେ ଚେକ୍‌ ପୋଷ୍ଟ ସ୍ଥାପନା କରିଥିବା ନେପାଳ ବିନା କୌଣସି କଥାବାର୍ତ୍ତାରେ ୨ଟିକୁ ସୋମବାର ବନ୍ଦ କରିଦେଇଥିବା ବେଳେ ଅନ୍ୟ ଗୁଡିକୁ ହଟାଇବା ପ୍ରକ୍ରିୟା ଆରମ୍ଭ କରିଥିବା ଜଣାପଡିଛି। ଦାରଚୁଲା ଉପଜିଲ୍ଲାଧିକାରୀ ଏ.କେ. ଶୁକ୍ଳା  ଉକ୍କୁ ଓ ବଲାରାରେ ନେପାଳ ସ୍ଥାପନା କରିଥିବା ଦୁଇଟି ଫାଣ୍ଡିକୁ ଉଠାଇନେଇଥିବାର ସୂଚନା ଦେଇଛନ୍ତି।   

ନେପାଳୀ ଅଧିକାରୀଙ୍କ ସୂତ୍ରରୁ ଶୁକ୍ଲା ଏହି ସୂଚନା ଦେଇଥିବା ବେଳେ ଏବେ ବାକୁ, ବୁର୍କିଲ ଓ ବିନାୟକରେ ଥିବା ଆଉ ୩ଟି ଫାଣ୍ଡିକୁ ମଧ୍ୟ ଉଠାଇନେବା ପ୍ରକ୍ରିୟା ଆରମ୍ଭ କରିଥିବା କହିଛନ୍ତି। ତେବେ ଉକ୍କୁ ଓ ବଲାରାରେ ସୀମା ଚେକ୍‌ ପୋଷ୍ଟ ବନ୍ଦ ଲାଗି ନେପାଳ ଗୃହମନ୍ତ୍ରାଳୟ ନିର୍ଦ୍ଦେଶ ଦେଇଥିବାର ସୂଚନା ରହିଛି।  ହେଲେ ଅନ୍ୟ ଚେକ୍‌ପୋଷ୍ଟଗୁଡିକୁ କାହିଁକି ଉଠାଇ ନେଉଛି ତାର କାରଣ ଜଣାପଡି ନାହିଁ। ତେବେ ଚଙ୍ଗରୁ ସୀମା ଚେକ୍‌ପୋଷ୍ଟକୁ ନେପାଳ ବନ୍ଦକରିବ ନାହିଁ ବୋଲି ଜଣାପଡିଛି।

ସୂଚନା ଯୋଗ୍ୟଯେ ଲଦ୍ଦାଖ ସୀମାରେ ଚୀନ୍‌ ସହ ଉତ୍ତେଜନା ବେଳେ ନେପାଳ ପ୍ରଧାନମନ୍ତ୍ରୀ କେ.ପି.ଶର୍ମା ଓଲି ଭାରତୀୟ ସୀମା ଅନ୍ତର୍ଗତ ଲିପୁଲେଖ, କାଲାପାନୀ ଓ ଲିମ୍ପିଆଧୁରାକୁ ନିଜ ସୀମାରେ ମିସାଇ ନେପାଳ ସଂସଦରେ ନୂଆ ମାନଚିତ୍ର ଗ୍ରୁହୀତ କରିଥିଲେ। ଏହା ସହ ଭାରତ ସୀମାରେ ସୁରକ୍ଷା ବଳ ମଧ୍ୟ ମୁତୟନ କରାଯାଇଥିଲା। ଏପରି ଉତ୍ତେଜନାକାଳରେ ନେପାଳ ସରକାର ଭାରତ ସୀମାର ଦାରଚୁଲାରେ ୬ଟି ଚେକପୋଷ୍ଟ ସ୍ଥାପନା କରି ଭାରତୀୟ ସୀମା ଉପରେ ନଜର ରଖିବା ମଧ୍ୟ ଆରମ୍ଭ କରିଥିଲେ।

ତେବେ କୂଟନୀତିରେ ଭାରତ ସରକାର ଚୀନ୍‌କୁ ଠିକଣା ଜବାବ ଦେଇଥିବା ବେଳେ ନେପାଳ ନିଜ ଆଡୁ ଏବେ ଚଉତି ହେବାରେ ଲାଗିଛି। ସେପଟେ ନେପାଳର ସୀମାବର୍ତ୍ତି ଗ୍ରାମଗୁଡିକୁ ଚୀନ୍‌ ସେନା ନିଜ ଅକ୍ତିଆରକୁ ନେଇଥିବା ବେଳେ ଓଲି ସରକାର ଚୁପ୍ ରହିବା ଏବେ ପ୍ରଧାନମନ୍ତ୍ରୀଙ୍କ ଲାଗି ମହଙ୍ଗା ପଡିଛି। ନିଜ ଦଳରେ ତାଙ୍କର ଇସ୍ତଫା ଦାବି ହେଉଥିବା ବେଳେ ଓଲି ଭାରତର ଷଡ଼ଯନ୍ତ୍ରର ଶିକାର ହୋଇଥିବା ଅଭିଯୋଗ ବି କରିଥିଲେ। 

   Related Posts